കേരള ശാസ്ത്ര സാഹിത്യ പരിഷത് പുവ്വാട്ടുപറമ്പില്‍ സംഘടിപ്പിച്ച ഔഷധ വില വര്ധനയും ഡോ ,ബി ഇഖ്ബാല്‍ സംസാരിക്കുന്നു  ജനജീവിതവും

കുറ്റിക്കാട്ടൂര്‍: നവ ലിബറല്‍ നയങ്ങളുടെ ആദ്യത്തെ  രക്ത സാക്ഷിയാണ് ഇന്ത്യന്‍ ഔഷധ മേഖല എന്ന് ഡോ ,ബി ഇഖ്ബാല്‍ പറഞ്ഞു . കേരള ശാസ്ത്ര സാഹിത്യ പരിഷത് പുവ്വാട്ടു പറമ്പില്‍ സംഘടിപ്പിച്ച ഔഷധ വില വര്ധനയും ജനജീവിതവും എന്ന സെമിനാറില്‍ വിഷയം അവതരിപ്പിച്ചു സംസാരിക്കുകയായിരുന്നു അദ്ദേഹം . ആധുനിക ചികിത്സ ഏറ്റവും കൂടുതല്‍ സീകരിക്കുന്നത് കേരളത്തിലാണ് . ഇത് കാരണം ജനങ്ങ ല്‍ ദാരിദ്ര്യത്തിലേക്ക് താഴുകയാണ്‌ . ഡോ,കെ സുഗതന്‍ അദ്ധ്യക്ഷനായിരുന്നു പരിഷത് ജില്ല ട്രഷറര്‍ എ പി പ്രേമാനന്ദ് ,ഡോ, ഖദീജ മുംതാസ്  . പി  കെ സന്തോഷ്‌ എന്നിവ ര്‍ സംസാരിച്ചു കെ ആര്‍ സുബ്ര മണ്യന്‍ സ്വാഗതവും ശശിധരന്‍ നന്ദിയും പറഞ്ഞു .

പുതിയേടത്ത് സ്കൂളില്‍ നടന്ന ചടങ്ങ് വാര്ഡ് മെമ്പര്‍ അനീഷ്‌ പാലാട്ട് ഉത്ഘാടനം ചെയ്യുന്നു

കുറ്റിക്കാട്ടൂര്‍ :നന്മയുടെയും സമ്ര് ദ്ധിയുടെയും പങ്കു വെക്കലുകളുമായി  സൗഹ്ര്ദ റസിഡന്റ്സ് അസോസിയേഷന്‍ കുറ്റിക്കാട്ടൂര്‍ വിഷു -സമ്മര്‍ സൗഹ്ര്ദ കൂട്ടായ്മ സംഘടിപ്പിച്ചു . പുതിയേടത്ത് സ്കൂളില്‍ നടന്ന ചടങ്ങ് വാര്ഡ് മെമ്പര്‍ അനീഷ്‌ പാലാട്ട് ഉത്ഘാടനം ചെയ്തു . അസോസിയേഷന്‍ സെക്രടറി റഹ് മാന്‍ കുറ്റിക്കാട്ടൂര്‍ ,സല്‍മാന്‍ ,ശ്രീജിത് എന്നിവര് സംസാരിച്ചു . പ്രസി :വിപിന്‍ കെ ടി അദ്ധ്യക്ഷനായിരുന്നു    അംഗങ്ങളുടെ  കായിക മത്സരങ്ങള്‍ , ചിട്ടി അംഗങ്ങളെ ചേര്‍ക്കല്‍ എന്നിവ ചടങ്ങില്‍ വെച്ച് നടന്നു . 

കുറ്റിക്കാട്ടൂര്‍ :മുസ്‌ലിം ലീഗ് മുന്‍ വാര്ഡ് പ്രസിഡന്ടായിരുന്ന തടപറമ്പില്‍ അബ്ദുള്ള (റാതീബ് )74   നിര്യാതനായി. ഭാര്യ :ആയിഷ ,മക്കള്‍:പരേതനായ ഷറഫുദ്ധീന്‍,അബ്ദു റഷീദ് (നാസ് )അബ്ദുല്ലത്തീഫ് ,സിദ്ധീക്ക് ,സുഹറ ,ആമിന ബീവി ,

 

വിളവെടുത്തു ഒഴിവാക്കുന്ന  വെള്ളരി പാടം പെരുവയലില്‍  നിന്നുള്ള ദൃശ്യം

കുറ്റിക്കാട്ടൂര്‍ :കണി വെള്ളരിയുടെ വിളവെടുപ്പ് കഴിഞ്ഞു നാട്  വിഷു ആഘോഷ ത്തിലേക്ക് തിരിഞ്ഞു  നാളെ  വിഷുവിനു കണി കാണാന്‍ കണി കൊന്നയോടൊപ്പം കണി വെള്ളരിയും ഇടം പിടിക്കുമ്പോള്‍ കുറ്റി ക്കാട്ടൂ രിനും പെരുവയലിനും    അഭിമാനം  . നാടിന്റെ വിവിധ ഭാഗങ്ങളിലേക്ക് കണി വെള്ളരി നല്കി സായൂജ്യമടയുക യാണ് കഷകര്‍. സാധനങ്ങള്ക്ക് വില വര്‍ധിപ്പിച്ചപ്പോള്‍ വെള്ളരിക്ക്‌ ആനുപാധികമായി   വില കിട്ടുന്നില്ലന്നാണ് ഇവരുടെ പരാതി . വില വര്ധന നാട്ടുകാരുടെ മുതുകൊടിക്കുംപോള്‍ ആഘോഷത്തിന് മങ്ങലെല്ക്കുകയാണ് .കുറ്റിക്കാട്ടൂര്‍ സൌഹ്ര് ദ 'റെസി ഡെന്‍റ്റ് അസോസിയേഷന്‍ ഏപ്രില്‍ 15  ന്‌  2 മണിക്ക്  പുതിയേടത്ത് സ്കൂളി ല്‍   വിഷു- സമ്മര്‍ സൌഹ്ര്ദ കൂട്ടായ്മ ഒരുക്കിയിട്ടുണ്ടെന്ന്  സെക്രടറി
റഹ്മാന്‍ കുറ്റിക്കാട്ടൂര്‍ പ്രസിഡ ന്റ്റ്  വിപിന്‍ കെ ടി എന്നിവര് അറിയിച്ചു .

എത്ര വര്‍ണ്ണിച്ചാലും പങ്കു വച്ചാലും പറഞ്ഞാലും ഒരിക്കലും മതിവരാത്തത്ര കൊതിപ്പിക്കുന്ന സൌന്ദര്യം നിറഞ്ഞ തരുണിമണിയെപ്പോലാണു ഗ്രാമങ്ങള്‍. നിറഞ്ഞ പാടങ്ങളും തോടുകളും പോക്കാച്ചിതവളകളും അമ്പലങ്ങളും കുളക്കടവുകളും മാമ്പഴങ്ങളും കരിക്കും സുന്ദരികളും നന്മ നിറഞ്ഞ നാട്ടുകാരും വായനശാലകളും അന്തികൂട്ടങ്ങളും ചീട്ടുകളിക്കാരും പരദൂഷണക്കാരും വായാടികളും എല്ലാമെല്ലാം നിറഞ്ഞ പ്രകൃതിയുടെ വരദാനങ്ങള്‍. ശുദ്ധവായു നിറഞ്ഞ എങ്ങും ഹരിതവര്‍ണ്ണം ചൂടി സ്നേഹത്തിന്റെ സുഗന്ധം പൊഴിച്ചു നില്‍ക്കുന്ന സ്വന്തം ഗ്രാമങ്ങളെക്കുറിച്ച് പറയുവാന്‍ ആര്‍ക്കാണ് മടിയുണ്ടാവുക.ഞാനും പറയുന്നത് എന്റെ ഗ്രാമത്തെക്കുറിച്ചു തന്നെ.എന്നെ കൊതിപ്പിച്ചിട്ടുള്ളതും സങ്കടപ്പെടുത്തിയിട്ടുള്ളതുമായ നൂറുനൂറനുഭവങ്ങളുടെ വിളനിലമായ എന്റെ കുറ്റിക്കാട്ടൂരിനെ കുറിച്ച് .. കോഴിക്കോട് നിന്നും മാവൂരിലേക്ക് പോകുമ്പോള്‍ പത്തു കിലോമീറ്റര്‍ പിന്നിട്ടാ ല്‍  വയലേലകള്‍ നിറഞ്ഞ ഒരു മനോഹരമായസ്ഥലം.അതായിരുന്നു
കുറ്റി ക്കാട്ടൂര്‍  എന്ന കൊച്ചു ഗ്രാമം.    ...  പണ്ട്  ഏകദേശം നാലഞ്ച് കിലോമീറ്റര്‍ നീളത്തില്‍ പരന്നു നീണ്ടുകിടക്കുന്ന വയലേലകള്‍.വയലിനെ നെടുകേ മുറിച്ചുകൊണ്ട് മെയിന്‍ റോഡ്.വയലിന്റെ ഇരുകരകളിലുമായി പത്തിരുപത് വീടുകള്‍.വയലിന്റെ മധ്യഭാഗത്തുകൂടി ഒഴുകുന്ന ഒരു ചെ റു തോട്. മഴക്കാലത്ത് ഈ തോട് നിറഞ്ഞുകവിഞ്ഞൊഴുകും.ഈ തോട്ടിലാണു നാട്ടുകാരുടെ കുളിയും നനയുമെല്ലാം.കൃഷിക്കാവശ്യമായ വെള്ളം കിട്ടുന്നതും ഇതില്‍ നിന്നു തന്നെ.ഞങ്ങള്‍ നീന്തിപ്പടിച്ചതും മറ്റും ഈ തോട്ടില്‍ തന്നെ.ഇന്ന് ഈ തോട്‌ മാലിന്യങ്ങള്‍  കൊണ്ട് വന്നു മൂടാനൊ രിടമായി .   മൂത്തേടത്ത് പറമ്പിന്റെ തൊട്ടടുത്തായി  പഴമയുടെ സ്മാരകമെന്നതുപോലെ നില്‍ക്കുന്ന എല്‍.പി സ്കൂള്‍.കഴിഞ്ഞ വര്ഷം വിലക്കെടുത്തവര്‍ പൊളിച്ചു .അവിടെ  വലിയ കുഴിയെടുത്തു ബഹു നില കെട്ടിടം വരുമെന്ന് പറയുന്നു. ഈ സ്കൂളിന്റെ അടുത്തു കൂടി പോകുമ്പോള്‍   വിശപ്പിന്റെ നിലവിളികള്‍ക്കു ഉപ്പു മാവിന്റെ മണം തോന്നും .ഒന്നാം ക്ലാസില്‍ ചേ ര്ന്നപ്പോ ള്‍ ക്ലാസ് മുറിയുടെ കിഴക്കേ മൂലയുടെ ജനലി ല്‍ കൂടി അടുപ്പത്ത് വേവുന്ന ഗോതമ്പും നെയ്യും ചേര്‍ന്ന് തിളയ്ക്കുന്ന ആവിയുടെ രുചി  വിശപ്പിനെ തിളപ്പിച്ച്‌ നിര്ത്തും .സ്കൂളിലെ ഈ ഉച്ചയാണ് ഓരോ ദിവസത്തെയും ഞങ്ങളുടെ വിശ പ്പിന്‍റെ നില വിളികളെ അടക്കി നിര്‍ത്തിയത്.പണവും പത്രാസും വന്നപ്പോള്‍  ഞങ്ങളുടെ നാട്ടുകാര്‍ ഇ ഗ്ലീഷ് മീഡിയത്തില്‍  കുട്ടികളെ പഠിപ്പിക്കാന്‍ വിട്ടപപ്പോ ള്‍ പഴയ പള്ളിക്കൂ ടം ഒരു ഓര്മയും ബാക്കി വെക്കാതെ പൊളിച്ചു നീക്കി ...   സ്കൂളടപ്പ് അന്ന് വയലുകളി ലാണ് ആഘോഷിച്ചത് . ഉണങ്ങിക്കിടക്കുന്ന വയലുകളില്‍ കുട്ടിയും കോലും കളിയും എറിപ്പന്തുകളിയും ,ഫുട് ബാളും   ഒരു കോര്‍ണറിലായി ചീട്ടുകളിയും മറ്റൊരിടത്ത് ക്രിക്കറ്റ് കളിയും..ഒന്നും പറയണ്ട.ബഹളങ്ങളുടെ പൂരം തന്നെ. ആറുമുതല്‍ അറുപത് വരെയുള്ളതിന്റെ കുത്തിമറിച്ചിലുകള്‍.
 കുട്ട്യെന്‍ കോയക്കയും ,ആലികുട്ടിക്കയും ,പുരുഷുവും .അസ്സന്ക്കയും ചേര്ന്ന കളിയിട മായിരുന്നു അന്നത്തെ കൂരിക്കപ്പാടം . ഇവിടെ ബഹുസ്വരതയുടെ സൌഹാര്‍ദം കഞ്ഞണ്ണ മണം പോലെ സുഗന്ദ്ധം പരത്തിയിരുന്നു .  സന്ധ്യ മയങ്ങിയിട്ടും വീടണയാത്തതിലുള്ള കലി പേരിലെ നീട്ടി  വിളിയില്‍ ഉമ്മയുടെ രോഷമായി തീകട്ടി വന്നിരുന്നു  .
 ഈ കളിമൈതാനിയില്‍ ഞാന്‍ വലുതാവുകയായിരുന്നു ...കുറ്റിക്കാട്ടൂര്‍ അങ്ങാടിയുടെ ആരവങ്ങള്‍ ക്കിടയില്‍  ഇടയ്ക്കു ഒരു ആഹ്വാനമായി മുഴങ്ങി വരുന്ന പള്ളി മുക്രി ബിചിക്കമുക്കയുടെ ബാങ്ക് വിളി മറഞ്ഞു കിടക്കുന്ന സ്രാംപ്യ യെ അന്ന്   ഒരു ഉണര്ച്ചയാക്കി നിര്‍ ത്തി യിരുന്നു  . ഇത് തന്നെ ആയിരുന്നു മുസ്ലിം ജമാ അത്ത് കമ്മറ്റിയുടെ ആസ്ഥാനവും .ഇന്ന് ആധുനിക സൌകര്യങ്ങളുള്ള അലങ്കാരം കൊത്തി നിരത്തിയ ഒരു പള്ളി ഭക്തിയുടെ ഇടമായി തല ഉയര്‍ ത്തി നില്ക്കുന്നു ..  പഴയ സ്രാമ്പ്യ അപ്പോഴും അമ്പലത്തിന്റെ ഇട വഴിയില്‍ അധികാര തര്‍ക്കത്തില്‍ അടഞ്ഞു കിടന്നിരുന്നു . പിന്നീട് ഇതിന്റെ ഉടമകള്‍ അത് ഒരു മത സ്ന്ഘടനയെ ഏല്പിച്ചു .അതൊ രു വിവാദ ത്തിന്റെ കനലി ലൂടെ നാടിനെ കുറച്ചു നാള്‍  നടത്തിച്ചു ..അവസാനം ഒരു മേശക്കു ചുറ്റും സഹോദര സമുദായങ്ങള്‍  ഇരുന്നു കനല്‍  ഊതി കെടുത്തി ..സ്രാമ്പ്യ അപ്പോഴും ഇടുങ്ങിയ വഴിയരികില്‍  ശ്വാസം മുട്ടി നിന്നു ഈ വഴിയിലുടെ യാണ് നരസിംഹ ക്ഷേത്രത്തിലേക്ക് പോകുക .ക്ഷേത്രകുളം പായല്‍  പിടിച്ചു കിടന്നിരുന്നു .ഇല്ലത്തുകാരുടെ  ഒരു കുടുമ്പ പൈതൃകംപോലെ അമ്പലം അവര്‍ നോക്കി നടത്തി .. ഇട വഴിയില്‍  നിന്നും ഒഴുകി വരുന്ന മഴ വെള്ളം അതിന്റെ ഒഴുക്ക് അവസാനിപ്പിച്ചത് ഈ കുളത്തിലായിരുന്നു .  കോയിക്കല്‍ നാരായണ പണിക്കരുടെ സപ്താഹ പാരായണം അമ്പലത്തിന്റെ ഭക്തി സാന്നിധ്യം അങ്ങാടിയെ  അറിയിച്ചു കൊണ്ടിരുന്നു . ... ഇന്ന് ക്ഷേത്രത്തിനു പുതിയ രൂപവും ഭാവവും വന്നു .. പുതുമയും മോഡിയും നരസിംഹ ക്ഷേത്രത്തെ പ്രസിദ്ധമാക്കി ..
   വിഷു വരുമ്പോള്‍ പൂത്തിരി കത്തുന്നത് കാണാന്‍ തിരുമംഗലം പറമ്പിലെ ബീരാന്‍ ക്കയുടെ കടയുടെ മുന്‍പില്‍ ജനം കൂടുമായിരുന്നു .. സൈക്കിള്‍  കട നടത്തിയുരുന്ന ബീരന്ക്ക വിഷു ക്കാല മാകുമ്പോള്‍ പടക്ക കച്ചവടത്തിന്റെ ബാനറിനു ചുവട്ടില്‍  പൂത്തിരിയും മത്താപ്പും ഓല പടക്കവും നിരത്തി വെക്കും .പിരി  വെടുത്തു മേലേടത്തു പരീ  കുട്ടിക്കയും ഭരതനും മറ്റും പൂത്തിരി വാങ്ങി ജനത്തിനു കൗതുകമായി കത്തിക്കും ..വിഷു വെളിച്ചവും ,വര്‍ണവുമായി അപ്പോള്‍  അങ്ങാടിയില്‍  നിറയും .. നെല്‍ കൊയ്ത വയലില്‍ നിന്നും വിളവെടുത്ത കണി വെള്ളരി കുറ്റിക്കാട്ടൂരിന്റെ സ്വന്തമായിരുന്നു  .ഞങ്ങളുടെ നാടിന്റെ നൂറു മേനി കണിവെള്ളരിയിലൂടെ നാലാള്‍ അറിഞ്ഞത്  പെരു മയായി നാട്ടുകാര് കൊണ്ട് നടന്നു . ഇതില്‍ ഒരു  അഭിമാനത്തിന്റെയും അഹംഭാവത്തിന്റെയും  വീരസ്യമുണ്ടായിരുന്നു ..കോഴി കോട്ടെ ചന്തകളില്‍  കണിവെള്ളരി നിറച്ചത് ഞങ്ങളുടെ വയലുകളിള്‍ വിളവെടുത്താ യിരുന്നു  .  ഇന്നും ഈ പെരുമ കുറ്റിക്കാട്ടൂരിനുളളതാണ് .... പാട്ടും മെതിയും കൊയ്ത്തുമി ല്ലാത്ത  എന്റെ നാട് ഇന്ന്  പട്ടണം വിഴുങ്ങിയ ഗ്രാമമാണ്‌ ..ആര്‍ത്തിയിലേക്കുള്ള  വഴിയില്‍ ബന്തങ്ങളുടെ അടുപ്പം കുറഞ്ഞു വരുന്നത് ഞാന്‍ അറിയുന്നു...ഒരു  തിരിച്ചു പോക്കില്ലാത്ത ഉഷ്ണം  വന്നു വിഴുങ്ങും മുന്‍പ് ഒരു നീരുരവയെങ്കിലും പൊ ട്ടിയിരുന്നെങ്കില്‍ ...അല്ലെങ്കില്‍ അവസാനത്തെ തണുപ്പ് കോരി  തരാന്‍  ഇവിടേയ്ക്ക് ഒരു കാറ്റ്  വീശിയെങ്കില്‍ .... 

കുറ്റിക്കാട്ടൂര്‍: വിഷുവിനു കണിയൊരുക്കാന്‍ കുറ്റിക്കാട്ടൂര്‍ വെള്ളരി തോട്ടം  ഒരുങ്ങി.  രണ്ടു മാസം മുന്പുതുടങ്ങിയ  കര്ഷകരുടെ അദ്ധ്വാനത്തിന്റെ  വിള വെടുപ്പാണ് ഇത് . അദ്ധ്വാനത്തിന് ആനുപാതികമായി ഫലം കിട്ടിയില്ലങ്കിലും ആത്മ സായൂജ്യമായാണ്‌  കര്‍ഷകര്‍ കണി വെള്ളരി കൃഷി യെ കാണുന്നത്  നെല് പാടങ്ങള്‍ മണ്ണിട്ട്‌ നികത്തിയപ്പോള്‍ ഈ കൃഷിയില്‍  നിന്നും  ആളുകള്‍ മാറി തുടങ്ങി.  ഇപ്പൊ ള്‍ വെള്ളക്കാട്ടു  താഴം ,പേര്യ ,പൈങ്ങോട്ടു പുറം ഇവിടങ്ങളിലാണ് വെള്ളരി  കൃഷി ചെയ്യുന്നത് . വിഷുവിനു മുന്പേ മാര്‍ കറ്റി ല്‍ എത്തിയാല്‍ കണി വെള്ളരിക്ക്‌ വന്‍  ഡിമാന്റാണ്  കേരളത്തിന്റെ വിവിത ഭാഗങ്ങളിലേക്ക് എത്തുന്ന  കണി വെള്ളരി മിക്കതും  ഇവിടെ  നിന്നുള്ളതാണ്.  സാധാരണ വെള്ളരിയി ല്‍ നിന്നും വ്യത്യസ്ത മായി കണി വെള്ളരി ഉരുണ്ടു പാകമായതായിരിക്കും .ഈ  വെള്ളരിയാണ് കണി കാണാന്‍ വെക്കുന്നത്

മാമ്പുഴ ജനകീയ ശുചീകരണം ബ്ലോക്ക് പഞ്ചായത്ത് മെമ്പര് വിനോദ് പടനിലം ഉത്ഘാടനം ചെയ്യുന്നു .(ഫയല്‍  ചിത്രം

 കുറ്റിക്കാട്ടൂര്‍ : പുഴക്കും പ്രകൃതിക്കും വേണ്ടിയുള്ള ഒരു ജനതയുടെ ചെറുത്തുനില്‍പ്പിന്‍െറ പ്രതീകമായിരുന്ന മാമ്പുഴ, മാലിന്യം നിറഞ്ഞ് ഒഴുക്ക് നിലച്ച് മരണാസന്നമാവുന്നു. മാമ്പുഴ സംരക്ഷണ സമിതിയുടെ നേതൃത്വത്തില്‍ പുഴയുടെ വീണ്ടെടുപ്പിനായുള്ള ശ്രമങ്ങള്‍ക്ക് അധികൃതരുടെ ഭാഗത്തുനിന്ന് വേണ്ടത്ര പിന്തുണ ലഭിക്കാത്തതും പുഴയില്‍ കുന്നുകൂടുന്ന മാലിന്യവുമാണ് മാമ്പുഴക്ക് വീണ്ടും മരണമണിയൊരുക്കുന്നത്.
2010 നവംബറിലാണ് മാമ്പുഴ സംരക്ഷണ സമിതിയുടെ നേതൃത്വത്തില്‍ നാട്ടുകാര്‍ പുഴ വീണ്ടെടുപ്പിന് തുടക്കമിട്ടത്. പ്രമുഖ പരിസ്ഥിതി പ്രവര്‍ത്തകര്‍ പങ്കെടുത്ത സെമിനാറുകളും ബോധവത്കരണവും മാലിന്യ നിര്‍മാര്‍ജനവുമായി നാട്ടുകാര്‍ ഏറെ ദൂരം പിന്നിട്ടതോടെ പുഴയുടെ അതിരുകള്‍ നിര്‍ണയിച്ച് കൈയേറ്റം ഒഴിപ്പിക്കാന്‍ റവന്യൂ അധികൃതര്‍ സര്‍വേ നടപടികള്‍ തുടങ്ങിയിരുന്നു. എന്നാല്‍, ഒരു വര്‍ഷത്തോളമായി തുടരുന്ന സര്‍വേ പലപ്പോഴും ഇഴയുകയാണെന്ന് ആക്ഷേപമുണ്ട്. മൂന്നു ഗ്രാമ പഞ്ചായത്തുകളിലൂടെ ഒഴുകി കല്ലായിപ്പുഴയുമായി ചേരുന്ന പുഴയുടെ നല്ലൊരു ഭാഗം ഇനിയും സര്‍വേ നടക്കാന്‍ ബാക്കിയാണ്. പൂര്‍ത്തിയായ ഭാഗങ്ങളില്‍ വ്യാപകമായി കൈയേറ്റം കണ്ടെത്തിയിട്ടുണ്ടെങ്കിലും ഇതിനൊരു നടപടിയില്ലാതെ പോവുന്നത് വീണ്ടുംകൈയേറ്റത്തിന് കളമൊരുക്കുമെന്ന ആശങ്ക പുഴ സംരക്ഷണ പ്രവര്‍ത്തകര്‍ക്കുണ്ട്. പുഴയുടെ നിലനില്‍പ്പുതന്നെ അപകടത്തിലാക്കുന്ന ചില വന്‍ സ്വകാര്യ പദ്ധതികള്‍ നാട്ടുകാരുടെ പ്രതിഷേധത്തെ തുടര്‍ന്നാണ് പിന്‍വലിച്ചത്.
നാട്ടുകാര്‍ക്ക് പുറമെ സ്കൂള്‍, കോളജ് വിദ്യാര്‍ഥികളും തൊഴിലുറപ്പ് പ്രവര്‍ത്തകരും വല്ലപ്പോഴുമെത്തി പ്ളാസ്റ്റിക് മാലിന്യംനീക്കുന്നതൊഴിച്ചാല്‍ മാലിന്യം പൂര്‍ണമായും വാരി ഒഴിവാക്കാന്‍ സര്‍ക്കാര്‍ തല പദ്ധതികളൊന്നും നടപ്പായിട്ടില്ല. റവന്യൂ, ടൂറിസം, ജലവിഭവ മന്ത്രിമാര്‍ക്കെല്ലാം മാമ്പുഴ സംരക്ഷണ സമിതി നിരവധി തവണ പരാതി നല്‍കിയതാണ്.
എന്നാല്‍, പുതിയ വാര്‍ഷിക പദ്ധതിയിലും പുഴയുടെ വീണ്ടെടുപ്പിനായി ഒരു രൂപപോലും വകയിരുത്തിയിട്ടില്ല. ത്രിതല പഞ്ചായത്തുകളുടെ വാര്‍ഷിക പദ്ധതിയിലും മാമ്പുഴക്ക് പരിഗണന ലഭിച്ചിട്ടില്ല. ജില്ലാ പഞ്ചായത്തിന്‍െറ കോഴിക്കോട് മാസ്റ്റര്‍ പ്ളാനില്‍ മാമ്പുഴക്കായി നിര്‍ദേശം ഉയര്‍ന്നിരുന്നു. പുഴയിലെ വെള്ളത്തിന്‍െറ ഗുണനിലവാരവും മറ്റ് സാധ്യതകളും പരിശോധിക്കാന്‍ സി.ഡബ്ള്യു.ആര്‍.ഡി.എം നടത്തുന്ന പഠനത്തിന് അഡ്വ. പി.ടി.എ റഹീം എം.എല്‍.എയുടെ പ്രാദേശിക വികസന ഫണ്ടില്‍നിന്ന് വകയിരുത്തിയ അഞ്ചു ലക്ഷം രൂപ മാത്രമാണ് സര്‍ക്കാര്‍ ഭാഗത്തുനിന്ന് പുഴ സംരക്ഷണത്തിനായി ലഭിച്ചത്.
വേനല്‍ കടുത്തതോടെ പ്രഭവകേന്ദ്രങ്ങള്‍ വറ്റി ഒഴുക്കു നിലച്ച മാമ്പുഴ പൂര്‍ണമായും മാലിന്യം മൂടിയിട്ടുണ്ട്. ഇതിനിടയില്‍ വന്‍തോതില്‍ ജലമൂറ്റും നടക്കുന്നതായി ആക്ഷേപമുണ്ട്. വരണ്ടുണങ്ങുന്ന പുഴയില്‍ കക്കൂസ്, ഇറച്ചിമാലിന്യങ്ങള്‍ നിക്ഷേപിക്കുന്നവരെ ഈയിടെ നാട്ടുകാര്‍ ഉറക്കമിളച്ചിരുന്ന് പിടികൂടിയിരുന്നു. എന്നാല്‍, അധികൃതരുടെ ഭാഗത്തുനിന്ന് വേണ്ടത്ര പിന്തുണ നാട്ടുകാര്‍ക്ക് ലഭിക്കുന്നില്ല.
സര്‍വേ പൂര്‍ത്തിയാക്കാത്തതാണ് പുഴ സംരക്ഷണത്തിന് പദ്ധതികള്‍ കൊണ്ടുവരുന്നതിനുള്ള തടസ്സമെന്നാണ് അധികൃതരുടെ വാദം. എന്നാല്‍, ഒരു വര്‍ഷം പിന്നിട്ടിട്ടും പൂര്‍ത്തിയാവാത്ത സര്‍വേ പൂര്‍ത്തിയാക്കാന്‍ നടപടിയെടുക്കാന്‍ അധികൃതര്‍ തയാറാവുന്നില്ലെന്ന് നാട്ടുകാര്‍ പറയുന്നു. അധികൃതരുടെ നിസ്സംഗതക്കെതിരെ ശക്തമായ ജനകീയ പ്രക്ഷോഭത്തിനുള്ള തയാറെടുപ്പിലാണ് മാമ്പുഴ സംരക്ഷണ സമിതി.

കുറ്റിക്കാട്ടൂ ര്‍ :വില്ലേജ് ഓഫീസുകളില്‍ നിന്നും നാട്ടുകാര്‍ക്കു ലഭിക്കുന്ന സേവനം ഇനി മുതല്‍ അക്ഷയ കേന്ദ്രങ്ങള്‍ വഴി യായിരിക്കും .നേരത്തെ പല വില്ലെജുകളിലും ഇത് നടപ്പാക്കിയിട്ടു ണ്ടങ്കിലും കുറ്റിക്കാട്ടൂര്‍ മാവൂര് വില്ലേജുകളില്‍ കഴിഞ്ഞ ദിവസം മുതല്‍ ഇത് നടപ്പിലാക്കി തുടങ്ങി.ഇതിനിടെ ഇതില്‍  പരാതിയും വന്നു തുടങ്ങി .അക്ഷയ കേന്ദ്രങ്ങളില്‍ വേണ്ടത്ര ജീവനക്കാരും സൌകര്യവും  ഇല്ലാത്തതും ഉള്ളവര്ക്ക് ഇതിനെ കുറിച്ച അറിവില്ലാത്തതും നാട്ടുകാരെ വട്ടം കറക്കുന്നുന്ട്‌ .മാത്രമല്ല കൈവശാവകാശ സര്ടിഫിക്കറ്റ് .ആധാരം ആവശ്യമുള്ള മറ്റു രേഖകള്‍ എന്നിവയ്ക്ക് വില്ലെജിനെ തന്നെ നേരിട്ട് ആശ്രയിക്കണം ആധാരം സ്കാന്‍ ചെയ്‌താല്‍ വില്ലേജ് ഓഫീസില്‍ ഇയ്തിന്റെ  പ്രിന്റ്‌ വ്യക്തമായി കിട്ടുന്നില്ലെന്നാണ് ഇതിനു കാരണമായി പറയുന്നത്.അക്ഷയ കേന്ദ്രങ്ങളില്‍ സേവനം ഉപയോഗിക്കുന്നവര്ക്ക് ഒരു രെജിസ്റ്റ ര്‍ നമ്പര് തരും .പിന്നീടുള്ള സേവനത്തിനും ഈ നമ്പ ര്‍ മതിയാകും ..വരുമാന സര്ടിഫിക്കറ്റും മറ്റും കിട്ടുന്നതിന്റെ വിവരം നമ്മുടെ മോബിളിലേക്ക് എസ എം എസ് ആയി വരും .ഇത് സാധാരണക്കാര്ക്ക് എത്ര മാത്രം പ്രയോഗികമാണന്ന കാര്യം കാത്തിരുന്നു അറിയണം .

    കുറ്റിക്കാട്ടൂ ര്‍ :പറക്കോട്ടു താഴം നെല്‍കൃഷി ചെയ്യുന്ന വയല്‍ മണ്ണിട്ട് നികത്താന്‍ കൂട്ടുനില്‍ക്കുന്ന റവന്യൂ ഉദ്യോഗസ്ഥരുടെ നടപടിയില്‍ പ്രതിഷേധിച്ച് വള്ള്യാട്ട് പാടശേഖര സമിതിയും പരിസ്ഥിതി സംരക്ഷണ സമിതിയും സംയുക്തമായി പെരുമണ്ണ വില്ലേജ് ഓഫിസ് മാര്‍ച്ച് സംഘടിപ്പിച്ചു.
25 ഏക്കറോളം വരുന്ന പുഞ്ചകൃഷി പ്രദേശത്തേക്കുള്ള വഴിപോലും കൊട്ടിയടച്ച് അധികൃതരുടെ മൗനാനുവാദത്തോടെ നടക്കുന്ന നികത്തല്‍ കഴിഞ്ഞ ദിവസം ‘മാധ്യമം’ റിപ്പോര്‍ട്ട് ചെയ്തിരുന്നു.
നാട്ടുകാരുടെ പരാതികളിലൊന്നും നടപടിയാവാത്തതിനെത്തുടര്‍ന്നാണ് കര്‍ഷകര്‍ പ്രത്യക്ഷ സമരത്തിനിറങ്ങിയത്.മാര്‍ച്ച് മാമ്പുഴ സംരക്ഷണ സമിതി പ്രസിഡന്‍റ് ടി.കെ.എ. അസീസ് ഉദ്ഘാടനം ചെയ്തു. വള്ള്യാട്ട് പാടശേഖര സമിതി പ്രസിഡന്‍റ് പി.പി. വാസു, പി.കെ. ശശിധരന്‍, മഠത്തില്‍ അബ്ദുല്‍അസീസ്, കെ.പി. അബ്ദുല്ലത്തീഫ്, പി.എം. വേലായുധന്‍, പുത്തലത്ത് ഹരിദാസന്‍, പി.എം. രാധാകൃഷ്ണന്‍ തുടങ്ങിയവര്‍ സംസാരിച്ചു.

കുറ്റിക്കാട്ടൂര്‍ : പെരുമണ്ണ മുണ്ട്പാലം സ്വദേശിയുടെ മൃത ദേഹം പോത്തന്നൂര്‍  സുലൂറി നടുത്ത്  റെയില്‍ ട്രാക്കില്‍ കണ്ടെത്തിയ സമ്പവത്തില്‍ ദുരൂഹത ഏറുന്നു .മുണ്ടുപാലം പിലാ തോട്ടത്തി ല്‍ മായിന്റെ  മകന്‍ മുഹമ്മദ്‌ മുഹ്ത്തിയെ (25 ആണ്  ബുധനാഴ്ച രാത്രി റെയില്‍ ട്രാക്കില്‍ മരിച്ച നിലയില്‍ കണ്ടെത്തിയതായി കോയമ്പത്തൂര്‍ പോലീസ് വീട്ടുകാരെ അറിയിച്ചത് .യുവാവ് തിങ്കളാഴ്ച്ച വീട്ടില്‍ നിന്നും ഇറങ്ങിയതാണ് .പിന്നീട് വിവരമൊന്നും ഉണ്ടായിരുന്നില്ല .വീട്ടില് നിന്നും കാസര് കോട് ലേക്ക് എന്ന് പറഞ്ഞാണ് പോയെതുന്നു വീട്ടുകാര്‍പറഞ്ഞു .ഇതിനിടെ എങ്ങിനെ  പോത്തന്നൂര്‍ എത്തി എന്നത് ദുരൂഹമാണ് ..മകന്റെ മരണത്തില്‍ ദുരൂഹത യുന്ടെന്നു കാണിച്ചു മായിന്‍ നല്ലളം പോലീസില്‍ പരാതി  കൊടുത്തിട്ടുണ്ട് .  വെള്ളിയാഴ്ച നാട്ടില എത്തിച്ച മയ്യത് വന്‍  ജനാവലിയുടെ സാനിധ്യത്തില്‍ അമ്പിലോളി പള്ളി ഖബര് സ്ഥാനി ല്‍ ഖബറടക്കി .  മാതാവ് :ബല്ക്കീസ് ,സഹോദരങ്ങള്‍ :മുര്ഷിദ് ,മുബീന്‍ ,അജ്മല്‍ .

കുറ്റിക്കാട്ടൂര്‍ : പുതിയോട്ടി ല്‍ ആലി (75 )നിര്യാതനായി .ഇന്ന് രാവിലെ 9
മണിക്കായിരുന്നു മരണം .ഭാര്യ :ആമിന ,മക്കള്‍ :മൊ യിദീന്‍ കുട്ടി ,മുഹമ്മദ്‌ ,ബഷീര് ,ഖദീജ ,നഫീസ ,മരുമക്കള്‍ :അഷ്‌റഫ്‌ ,നൌഷാദ് ,സാജിത ,ജുബൈരിയ ,സൗദ .

അദ്ധ്വാനത്തിന്റെ ഹരിത ഫലം

കുറ്റിക്കാട്ടൂര്‍ :കടുത്ത ചൂടിൽ നീരുറവകൾ വറ്റുമ്പോൾ വിസ്മ്രിതിയിലാണ്ട പെരിങ്ങള ത്തെ പനംപിലാക്ക ൽ -ഇരുമ്പം തോട്ടിൽ പെണ് കൂട്ടായ്മയുടെ  തെളി നീർ ഒഴുക്ക് .വര്ഷങ്ങളായി നീരൊഴുക്ക് നിലച്ചു കയ്യേറ്റം ചെയ്യപെട്ട ഈ തോട് തൊഴിലുറപ്പ് പദ്ധതിയിലൂടെ സ്ത്രീ കൂട്ടായ്മ രംഗത്തിരങ്ങിയാണ് മാലിന്യം നീക്കം ചെയ്തു നീരൊഴുക്കിന് വഴി തുറന്നത് പ്രദേശത്തെ പ്രധാന വയലുകളിൽ കൃഷി ചെയ്തിരുന്നത് ഈ തോടിനെ ആശ്രയിച്ചായിരുന്നു .ഇതിന്റെ ഒഴുക്ക് തടസ്സ പെട്ടതോടെ കൃഷി നാട് നീങ്ങി .ഇപ്പോൾ നല്ല തെളിനീർ ഒഴികിയപ്പോൾ പെരിങ്ങ ള ത്തുകാരുടെ മനസ്സില് പെണ് കൂട്ടായ്മക്ക് അംഗീകാര ത്തിന്റെ  ഇടം കിട്ടി .

 കുറ്റിക്കാട്ടൂര്‍ :പച്ചക്കറിക്കട ജീവനക്കാരനെ കടിച്ച പുല്ലാനി മൂര്‍ഖനുമായി കാറില്‍ കോഴിക്കോട് മെഡി. കോളജിലേക്ക് പോകവെ, പ്ളാസ്റ്റിക് ചാക്കില്‍നിന്ന് പുറത്തുചാടിയ മൂര്‍ഖന്‍ കാറിലുള്ളവരെയും കാഴ്ചക്കാരെയും രണ്ടര മണിക്കൂറോളം മുള്‍മുനയിലാക്കി. സാഹസികമായി പിടികൂടുന്നതിനിടെ കാണികളുടെ തിക്കിലും തിരക്കിലും പാമ്പുപിടിത്തക്കാരന് കടിയുമേറ്റു.
വ്യാഴാഴ്ച രാവിലെ പൊറ്റമ്മല്‍ ജങ്ഷനിലാണ് സംഭവം. വനശ്രീയിലെ പാമ്പുപിടിത്തക്കാരന്‍ ബാവുക്കയെ (46) ഇടതുകൈവിരലിന് കടിയേറ്റ നിലയില്‍ മെഡി. കോളജ് ആശുപത്രിയില്‍ പ്രവേശിപ്പിച്ചു. രണ്ടുപേരെ കടിച്ച മൂര്‍ഖനെയും മെഡി. കോളജ് ആശുപത്രിയില്‍ എത്തിച്ചു.
പരപ്പനങ്ങാടി പി.പി.എ വെജിറ്റബ്ള്‍ സ്റ്റാള്‍ ജീവനക്കാരന്‍ കറുത്തേടത്ത് മുഹമ്മദിന് (42) വ്യാഴാഴ്ച രാവിലെ ഏഴു മണിയോടെ കടയില്‍വെച്ച് മൂര്‍ഖന്‍െറ കടിയേറ്റിരുന്നു. ഇദ്ദേഹത്തെ ഉടന്‍ കോഴിക്കോട് മെഡി. കോളജില്‍ എത്തിച്ചപ്പോള്‍ പാമ്പിനെക്കൂടി കൊണ്ടുവരണമെന്ന് ഡോക്ടര്‍മാര്‍ നിര്‍ദേശിച്ചു. കടയില്‍നിന്ന് പാമ്പിനെ പിടികൂടി പ്ളാസ്റ്റിക് ചാക്കിലാക്കി സുഹൃത്തുക്കളായ ഷൈജുവും കോയയും ടാക്സി കാറില്‍ മെഡി. കോളജിലേക്ക് കുതിച്ചു. കാര്‍ പൊറ്റമ്മലിന് അടുത്തെത്തിയപ്പോള്‍ ചാക്ക് തുളച്ച് പുറത്തുചാടിയ മൂര്‍ഖനെ കണ്ട ഇവര്‍ അലറി വിളിച്ചു. പരപ്പനങ്ങാടിക്കാരനായ ഡ്രൈവര്‍ അബൂബക്കര്‍ (61) കാര്‍ പൊറ്റമ്മല്‍ ജങ്ഷനടുത്ത് റോഡില്‍ നിര്‍ത്തിയിട്ടു. ഗതാഗതം തടസ്സപ്പെട്ടപ്പോള്‍ പൊലീസ് നിര്‍ദേശ പ്രകാരം കാര്‍ വ്യാപാര സമുച്ചയത്തിന് മുന്നിലേക്ക് മാറ്റി. വിവരമറിഞ്ഞ് നാട്ടുകാരും യാത്രക്കാരും ഓടിക്കൂടി. ഇതിനിടെ ആരോ വിവരമറിയിച്ച് വനശ്രീയിലെ പാമ്പുപിടിത്തക്കാരന്‍ ബാവുക്ക ഇരുചക്ര വാഹനത്തില്‍ കുതിച്ചെത്തി. തൊട്ടടുത്ത് ബിവറേജസ് സ്റ്റാളിനു സമീപം നിന്നിരുന്ന ഏതാനും പേരും ബാവുക്കയെ സഹായിക്കാന്‍ ഒപ്പം കൂടി. സീറ്റുകളും മാറ്റുമെല്ലാം അഴിച്ചുമാറ്റി കാറിനുള്ളും പുറവും അരിച്ചു പെറുക്കിയിട്ടും മൂര്‍ഖനെ മാത്രം കണ്ടില്ല.
ഒടുവില്‍, കാറിലാകെ മണ്ണെണ്ണ തളിച്ച് അല്‍പനേരം കാത്തുനിന്ന ബാവുക്ക, മൂര്‍ഖന്‍ കാറില്‍ ഇല്ലെന്ന് പ്രഖ്യാപിച്ചു. ഇതോടെ ആളുകള്‍ പിരിഞ്ഞുപോകാന്‍ തുടങ്ങി.
സീറ്റുകളും മാറ്റും റെഡിയാക്കി അബൂബക്കര്‍ 12.25നോടെ കാറില്‍ കയറുന്നതിന് തൊട്ടുമുമ്പ്, ‘അതാ പാമ്പെന്ന്’ ആരോ വിളിച്ചുപറഞ്ഞു. സ്റ്റിയറിങ്ങിന് താഴെ ഇഴയുന്ന പാമ്പിനെ കണ്ടതോടെ പിരിഞ്ഞുപോയ ജനക്കൂട്ടം ആര്‍ത്തുവിളിച്ച് തിരിച്ചെത്തി. മടങ്ങിപ്പോകാന്‍ തുടങ്ങിയ ബാവുക്ക ഓടിയെത്തി വാതില്‍ തുറന്ന് മൂര്‍ഖന്‍െറ വാലില്‍ പിടിത്തമിട്ടു. തലഭാഗം സ്റ്റിയറിങ്ങിന് താഴെ ചുറ്റിയ മൂര്‍ഖനെ സാഹസപ്പെട്ട് വലിച്ച് പുറത്തെടുത്തു. ഇതിനിടെ മൊബൈല്‍ ഫോണില്‍ ചിത്രമെടുക്കുന്നവരുടെ തിക്കും തിരക്കുമായി. ഏതാനും മിനിറ്റ് പാമ്പിനെ പ്രദര്‍ശിപ്പിച്ച ശേഷം തുണിസഞ്ചിയിലാക്കുമ്പോഴാണ് ബാവുക്കയുടെ ഇടതുകൈവിരലില്‍ കടിയേറ്റത്. മുറിവിന് മുകളിലായി ചരടുകൊണ്ട് കെട്ടിയ ബാവുക്കയേയും കടിച്ച മൂര്‍ഖനുമായി അതേ കാറില്‍ മെഡി. കോളജിലേക്ക് കുതിച്ചു. ബാവുക്കയും പരപ്പനങ്ങാടിയിലെ മുഹമ്മദും ഐ.സി.യുവില്‍ ചികിത്സയിലാണ്. മൂര്‍ഖനെ പിന്നീട്, താമരശ്ശേരിയില്‍ നിന്നെത്തിയ വനംവകുപ്പ് ജീവനക്കാര്‍ കൊണ്ടുപോയി.

സിദ്ദീഖ് കുറ്റിക്കാട്ടൂര്‍

---

കുറ്റിക്കാട്ടൂര്‍ :പരേതനായ പറമ്പടി മൊയിദീന്‍ കുട്ടിയുടെ ഭാര്യ ഉമ്മാത്തു (85) നിര്യാതനായി.മക്കള്‍ ;മരക്കാര്‍ , കുഞ്ഞോയി , കോയക്കുട്ടി ,കുഞാമുട്ടി ,ഖബറടക്കം ഇന്ന് രാവിലെ പത്തു മണിക്ക് കണി യാത്തു ജുമത്തു പള്ളിയില്‍ നടന്നു

foto ijasaslam tp

കുറ്റിക്കാട്ടൂര്‍ :കാട്ടില്‍നിന്നും നാട്ടിലിറങ്ങിയ ഈനാം പേചി നാട്ടുകാര്‍ക്ക്‌  കൌതുകമായി .മുണ്ടുപാലം റോഡിലെ അരീക്കല്‍ താഴം  സുനില്‍ കുമാറിന്‍റെ  വീട്ടിലാണ്‌ ഈ അഥിതി എത്തിയത് .ഉറക്കത്തില്‍ നായകളുടെ  ശബ്ദം കേട്ട്  ഉണര്‍ന്ന സുനില്‍ ഇവനെ പിടികൂടുകയായിരുന്നു. മൂന്നടി നീളമുള്ള ഇവന്‍ തൊട്ടടുത്തുള്ള കുന്നില്‍ നിന്നും ഇറങ്ങി വന്നതാണെന്ന് കരുതുന്നു .അഥിതി നാട്ടുകാരുടെ കൗതുകമായി കൂട്ടില്‍ വിശ്രമിക്കുകയാണ് .വനം വകുപ്പിനെ വിവരം അറിയിച്ചിട്ടും അവര്‍ ഇത് വരെ വന്നിട്ടില്ല .

പുരുഷനോളം സമ്പത്തും വിദ്യാഭ്യാസവും ആരോഗ്യപരിചരണവും സ്ത്രീക്കും നല്‍കുന്നതില്‍ മലയാള നാട് പുകള്‍പ്പെറ്റതാണ്. പെണ്‍ശിശു ഭ്രൂണഹത്യ കുറഞ്ഞതും ഏറ്റവും കൂടുതല്‍ പെണ്‍കുട്ടികള്‍ക്ക് വിദ്യാഭ്യാസം ലഭിക്കുന്നതിലും ഒന്നാമത് കേരളം തന്നെ. മറ്റു സംസ്ഥാനങ്ങളെ അപേക്ഷിച്ച് സ്ത്രീകള്‍ക്കു വേണ്ടി പേരാടുന്ന സ്ത്രീ സംഘടനകളുള്ളതും കേരളത്തിലാണെങ്കിലും പെണ്ണായി പിറന്ന കുഞ്ഞിനുപോലും സുരക്ഷിതയല്ലെന്ന് കാണാക്കഥ.തലസ്ഥാന നഗരമായ ദല്‍ഹിയെ അപേക്ഷിച്ച് കേരളത്തില്‍ സ്ത്രീകള്‍ക്കെതിരായ ആക്രമണങ്ങള്‍ 27 ശതമാനമാണെന്ന നാഷണല്‍ ക്രൈം റെക്കോര്‍ഡ് ബ്യൂറോയുടെ 2010 ലെ കണക്കുകള്‍ നമ്മെ ഞെട്ടിക്കുന്നു. സാക്ഷര കേരളത്തേക്കാള്‍ എല്ലാത്തിലും പതിമടങ്ങ് പുറകെ നില്‍ക്കുന്ന ബീഹാറാണ് സ്ത്രീകള്‍ക്ക് ഏറ്റവും കൂടുതല്‍ സുരക്ഷിതമായ സംസ്ഥാനം. ഇവിടെ 8.7 ശതമാനമാണ് സ്ത്രീകള്‍ക്കെതിരെയുള്ള കുറ്റകൃത്യങ്ങള്‍.
പെണ്‍കുട്ടികളെ വിവാഹമെന്ന സ്ഥാപനത്തിലേക്ക് പറിച്ചു നടുമ്പോള്‍ കൊടുക്കുന്ന സ്ത്രീധനത്തിന്റെപേരില്‍ ഏറ്റവും കൂടുതല്‍ അരുംകൊലകള്‍ നടന്നിട്ടുള്ളത് കേരളത്തിലാണ്. 2012 സെപ്റ്റംബര്‍ മാസം വരെ കേരള പൊലീസ് രജിസ്റ്റര്‍ ചെയ്ത കണക്കനുസരിച്ച് കേരളത്തില്‍ മൊത്തം 23 പെണ്‍കുട്ടികള്‍ സ്ത്രീധനമെന്ന അനാചാരത്തിന്റെപേരില്‍ ഭര്‍ത്താവിന്റെയാ ഭര്‍ത്താവിന്റെബന്ധുക്കളുടേയോ പീഡനത്തിനിരയായി മരണപ്പെട്ടിട്ടുള്ളത്. ഇതിനു പുറമെയാണ് സ്ത്രീധനത്തിന്റെപേരിലുള്ള പീഡനം സഹിക്കാതെ ആത്മഹത്യ ചെയ്ത പെണ്‍കുട്ടികളുടെ കണക്ക്. പല പെണ്‍കുട്ടികളുടെ ആത്മഹത്യകളും പരപുരുഷ ബന്ധമോ, മാനസിക വൈകല്യമോ ആയി രേഖപ്പെടുത്തപ്പെടുന്നു വെന്നത് എഴുതാപ്പുറം. ഇലയനങ്ങുമ്പോഴെക്കും രാഷ്ട്രീയ നേതാക്കളും മാധ്യമങ്ങളും മുറവിളി കൂട്ടുന്ന തലസ്ഥാന ജില്ലയായ തിരുവനന്തപുരത്താണ് ഏറ്റവും കൂടുതല്‍ സ്ത്രീധന മരണങ്ങള്‍ രജിസ്റ്റര്‍ ചെയ്തിട്ടുള്ളത്. ഏഴു മരണങ്ങളാണ് തിരുവനന്തപുരത്തു നിന്ന് റിപ്പോര്‍ട്ട് ചെയ്തത്.
പെണ്ണിരുന്ന് പൂക്കേണ്ടത് കുടുംബങ്ങളിലാണെന്ന് പരമ്പരാഗത സങ്കല്‍പ്പം. എന്നാല്‍ കുടുംബത്തിന്റെഅകത്തളങ്ങളില്‍ നിന്ന് അവള്‍ നിരന്തരമായി പീഡിപ്പിക്കപ്പെടുന്നത് പുറംലോകം അറിഞ്ഞു തുടങ്ങിയപ്പോഴാണ് കുടുംബിനികള്‍ക്കു വേണ്ടി ഗാര്‍ഹിക പീഡന നിരോധനിയമം കൊണ്ടു വന്നത്. നിയമം പ്രാബല്യത്തില്‍ വന്ന് ഏഴു വര്‍ഷം പിന്നിടുമ്പോഴും കുടുംബത്തിനുള്ളില്‍ സ്ത്രീകള്‍ക്കെതിരെ നടക്കുന്ന അതിക്രമങ്ങള്‍ക്ക് ഒരു കുറവുമില്ലെന്ന് രജിസ്റ്റര്‍ ചെയ്യപ്പെട്ട കണക്കുകള്‍ ചൂണ്ടിക്കാട്ടുന്നു. സ്ത്രീകളുടെ സ്ത്രീകളുടെ സ്വകാര്യതയും അന്തസും സംരക്ഷിക്കുന്നതിനുള്ള നിയമം വരാന്‍ പോകുമ്പോള്‍ സാമൂഹ്യ-രാഷ്ട്രീയ സംഘടനകളുടെ വിശിഷ്യാ സ്ത്രീ പ്രസ്ഥാനങ്ങളുടെ നിരന്തര ശ്രമഫലമായി പ്രാബല്യത്തിലെത്തിയ ഗാര്‍ഹിക പീഡന നിരോധനിയമം നോക്കുകുത്തിയാകുന്നു. ഒന്‍മ്പതുമാസം കൊണ്ട് 4050 ഗാര്‍ഹിക പീഡനകേസുകളാണ് പൊലീസ് രജിസ്റ്റര്‍ ചെയ്തിട്ടുള്ളത്. മലപ്പുറത്തു നിന്ന് 508 കേസുകള്‍. വയനാട്ടില്‍ നിന്ന് 78 കേസുകള്‍. ഇവിടെ കുടുംബത്തിനകത്ത് സ്ത്രീകള്‍ പീഡിപ്പിക്കപ്പെന്നത് കുറവാണെന്ന് നമ്മുക്ക് പറയാന്‍ കഴില്ല. പലരും മാനം രക്ഷിക്കാന്‍ പീഡനം സഹിക്കുന്നവരാകും.
ലൈംഗികാതിക്രമത്തിന്റെകാര്യത്തിലും സാക്ഷര കേരളം ഒട്ടും പിറകിലല്ല. മൂന്നുവയസ്സുള്ള ബാലികയെ മുതല്‍ 60 കഴിഞ്ഞ മുതിര്‍ന്ന സ്ത്രീകള്‍ വരെ ക്രൂരമായ ബലാത്സംഗത്തിരയാകുന്നത് കേരളത്തിന്റെസ്വന്തം നാട്ടിലാണ്. 717 മാനഭംഗക്കേസുകളാണ് കേരളത്തില്‍ രജിസ്റ്റര്‍ ചെയ്യപ്പെട്ടത്. തിരുവനന്തപുരം തന്നെയാണ് അതിലും മുന്നില്‍. 25 മാനഭംഗക്കേസുകള്‍ തിരുവനന്തപുരം നഗരത്തില്‍ നിന്നും 66 എണ്ണം ജില്ലയുടെ മറ്റുഭാഗങ്ങളില്‍ നിന്നുമായി 91 കേസുകള്‍.തട്ടിക്കൊണ്ടുപോകലിലും കേരളം ഒട്ടും പിറകിലല്ല. ഒമ്പതുമാസം കൊണ്ട് 141തട്ടിക്കൊണ്ടുപോകല്‍ കേസുകളും സംസ്ഥാനത്ത് രജിസ്റ്റര്‍ ചെയ്തു.കേരളം ഇങ്ങനെ മാറി കൊണ്ടിരിക്കുന്നു എന്നാ അറിവ് പൊതു സമൂഹത്തിനോ ഭരണ കൂടത്തിണോ ഇല്ല .സ്വാര്‍ഥതരും പ്രതികരണം നഷ്ടപെട്ടവരുമായി മാറുകയാണ് മലയാളി .

                              സ്പെഷല്‍ വാര്‍ത്ത
മൂന്നു വര്‍ഷമായി പരപ്പന ജയിലില്‍ വിചാരണ തടവുകാരനായി കഴിയുന്ന പി.ഡി.പി ചെയര്‍മാന്‍ അബ്ദുന്നാസിര്‍ മഅ്ദനിക്ക് മകളുടെ വിവാഹത്തില്‍ പങ്കെടുക്കാന്‍ ജാമ്യം അനുവദിച്ചു. കര്‍ശന ഉപാധികളോടെ വെള്ളിയാഴ്ച മുതല്‍ മാര്‍ച്ച് 12 വരെ അഞ്ചു ദിവസത്തേക്കാണ് ജാമ്യം അനുവദിച്ചിരിക്കുന്നത്.
മഅദിനിക്ക് ജാമ്യം നല്‍കരുതെന്ന് കര്‍ണാടക സര്‍ക്കാര്‍ കോടതിയില്‍ വാദിച്ചിരുന്നു. കേരളത്തില്‍ നിരവധി അനുയായികളുള്ള നേതാവാണ് മഅ്ദനിയെന്നും അദ്ദേഹത്തിന് ജാമ്യം നല്‍കിയാല്‍ പിന്നെ തിരിച്ചു വരില്ലെന്നുമായിരുന്നു പ്രോസിക്യൂഷന്‍െറ പ്രധാന വാദം. അറസ്റ്റു ചെയ്യാന്‍ കേരള, കര്‍ണാടക പൊലീസിന് ദിവസങ്ങള്‍ അധ്വാനിക്കേണ്ടി വന്നു. കേരളത്തിലേക്കു പോയാല്‍ കേസിന്‍െറ വിചാരണ മുടങ്ങുമെന്നും പ്രോസിക്യൂഷന്‍ വാദിച്ചു.
ഇസ്ലാമിക നിയമപ്രകാരം മകളുടെ വിവാഹത്തിന് കാര്‍മികത്വം വഹിക്കേണ്ടത് പിതാവാണെന്നും അദ്ദേഹം ജീവിച്ചിരിക്കുമ്പോള്‍ മറ്റൊരാള്‍ ചടങ്ങ് നിര്‍വഹിക്കുന്നത് ദു$ഖകരമാണെന്നും മഅ്ദനിയുടെ അഭിഭാഷകന്‍ വാദിച്ചു. പൊലീസ് അകമ്പടിയോടെയുള്ള പരോളോ ജാമ്യമോ അനുവദിക്കണമെന്നും സ്വന്തം ചെലവില്‍ യാത്ര നടത്താന്‍ ഒരുക്കമാണെന്നും അദ്ദേഹം കോടതിയെ അറിയിച്ചിരുന്നു.
കേരള മുഖ്യമന്ത്രിയും പ്രതിപക്ഷ നേതാവുമുള്‍പ്പെടെയുള്ളവര്‍ ജാമ്യം നല്‍കണമെന്നാവശ്യപ്പെട്ട് കത്തയിച്ചിട്ടുണ്ടെന്ന് മഅ്ദനിയുടെ അഭിഭാഷകര്‍ ചൂണ്ടിക്കാണിച്ചപ്പോള്‍ അത് അദ്ദേഹത്തിന്‍െറ സ്വാധീനത്തിന് തെളിവാണെന്നായിരുന്നു പ്രോസിക്യൂഷന്‍െറ വാദം.
മഅ്ദനിയുടെ ആദ്യ ഭാര്യയിലുള്ള ഏക മകള്‍ ഷമീറയും കരുനാഗപ്പള്ളി സ്വദേശി നിസാമുദ്ദീനും തമ്മിലുള്ള വിവാഹം മാര്‍ച്ച് 10 നാണ് നിശ്ചയിച്ചിരിക്കുന്നത്. കൊല്ലം കൊട്ടിയം സുമയ്യ ഓഡിറ്റോറിയമാണ് വിവാഹ വേദി.

കുറ്റിക്കാട്ടൂര്‍  മുണ്ട് പാലം റോഡില്‍ ചാലിയിറക്കല്‍ താഴത് റോഡിനു കുറുകെ മറിഞ്ഞ ബസ്‌

കഴിഞ്ഞ ദിവസം മാക്കിനിയാട്ടു താഴം നടന്ന മത്സരങ്ങള്‍ വീക്ഷിക്കുന്ന കാണികള്‍.

കുറ്റിക്കാട്ടൂര്‍ : കളിയിടങ്ങള്‍ ചുരുങ്ങിയപ്പോള്‍ കളിക്കാരുടെ എണ്ണം കുറച്ചു കാല്‍പന്തു കളിയുടെ  സൌന്ദര്യം ചോര്‍ത്തുന്ന കളി രീതികള്‍ വ്യാപകമാകുന്നു.ഫുട്ബാളിനെ സ്നേഹിക്കുന്ന നാട്ടുകാര്‍ മുഴു നീള രാവുകള്‍ നിയോണ്‍ പ്രകാശത്തില്‍ പുലരും വരെ മത്സരം നടത്തിയാണ് ത്രീസ് മത്സരങ്ങള്‍ക്ക് വേദി ഒരുക്കുന്നത് .നാട്ടും പുറങ്ങളില്‍ മൂന്നു പേര്‍ പങ്കെടുക്കുന്ന നൈറ്റ് മത്സരങ്ങളാ ണ്  ഇപ്പോള്‍   കാല്‍പന്തു കളിയെ നില നിര്‍ത്തുന്നത് .നേരത്തെ സവന്സും പിന്നീട് ഫൈവ്സും നടത്തിയ കളിസ്ഥലങ്ങള്‍ കോണ്ക്രീറ്റ് കാടുകളായി മാറിയപ്പോള്‍ ഇപ്പോള്‍ സ്ഥലത്തിനനുസരിച്ച കളി രീതിയാണ്‌ പരീക്ഷിക്കുന്നത് .ഇരു ടീമുകള്‍ക്കും 20 മിനുട്ടില്‍ കളി അവസാനിക്കുന്ന മത്സരങ്ങളാണ് ഇങ്ങനെ നടത്തുന്നത് .കൂടുതല്‍ ടീമുകള്‍ പങ്കെടുക്കുന്ന മത്സരം രാവിലെ വരെ നീളും .കുറ്റിക്കാട്ടൂര്‍ ഇന്നവേഷന്‍ കഴിഞ ദിവസം നടത്തിയ മത്സരം രാവിലെ ഏഴു മണിക്കാണ് അവസാനിച്ചത്‌ .രാത്രിയില്‍ നടത്തുന്ന ഫുട്ബാള്‍ മേളക്ക് എല്ലാവര്ക്കും കളി കാണാന്‍ അവസരം കിട്ടും എന്നത് കൊണ്ട്കാണികള്‍ ഏറയാണ്‌ .ഇന്നവേഷന്‍ മാക്കിനിയാടു താഴം നടത്തിയ ടൂര്‍ണമെന്റ്റ് പെരുവയല്‍ പഞ്ചായത്ത് സ്റ്റാന്റിങ്ങ് കമ്മറ്റി ചെയര്‍മാന്‍ പൊതാത്തു.മുഹമ്മദ്‌ ഉത്ഘാടനം ചെയ്തു .അനീഷ്‌ പാലാട്ടു ആശംസകള്‍ നേര്‍ന്നു .

കുറ്റിക്കാട്ടൂര്‍ :മാമ്പുഴയെ വീണ്ടെടുക്കാനുള്ള സംരക്ഷണ സമിതി പ്രവര്‍ത്തകരുടെ ശ്രമങ്ങള്‍ക്ക്‌ ഉദ്യോഗസ്ഥരുടെ ഭാഗത്ത് നിന്നും തണുത്ത പ്രതികരണം .സര്‍വേക്ക് എത്താതെ മാമ്പുഴ സംരക്ഷണം അട്ടിമറിക്കാനുള്ള നീക്കത്തിന്റെ ഭാഗമാണ് ഈ നീക്കമെന്ന് ആരോപിക്കുന്നു .ഈ ആരോപണം ശരി വെക്കുന്ന രീതിയിലാണ്‌ സര്‍വേ നടപടികള്‍ .കുന്നത് പാലത്ത് നിന്നും തുടങ്ങിയ സര്‍വേ ഒചിയഴുന്ന വേഗത്തിലാണ് നടക്കുന്നത് .തുടക്കത്തില്‍ ആഴ്ചയില്‍ അഞ്ചു ദിവസമായി നടന്ന
സര്‍വേ ഇപ്പോള്‍ രണ്ടു ദിവസമായി വെട്ടിക്കുറച്ചു .പല ദിവസങ്ങളിലും സര്‍വേ ടീമിനെ സഹായായിക്കാന്‍ സംരക്ഷണ സമിതി പ്രവര്‍ത്തകര്‍ എത്തിയാലും ഉദ്യോഗസ്ഥര്‍ വരാറില്ല .നേരത്തെ കളക്ടറുടെ ചേമ്പറില്‍ നടന്ന യോഗത്തില്‍ സര്‍വേ നിശ്ചിത സമയത്തിനകം പൂര്‍ത്തീകരിക്കുവാന്‍ നടപടി എടുക്കുമെന്ന് പറഞ്ഞിരുന്നു .മാത്രമല്ല ,പെരുവയല്‍ പെരുമണ്ണ ,ഒള വണ്ണ ,പഞ്ചായത്ത് പ്രസിഡണ്ട് മാര്‍ സര്‍വേക്ക്  സഹായികളെയും കല്ലുകളും വാഹനവും നല്‍കാമെന്നും യോഗത്തില്‍ ഉറപ്പു നല്‍കിയിരുന്നു .പക്ഷെ ഇത് പൂര്‍ണമായും പാലിക്കാനോ പുഴയുടെ സംരക്ഷണം ഉറപ്പു വരുത്താനോ ഇവര്‍ വെണ്ടത്ര താല്പര്യം കാണിക്കാത്തതാണ് ജില്ല ഭരണ കൂടത്തിന്റെ താല്പര്യം കുറയാന്‍ കാരണമെന്ന് ആക്ഷേപമുണ്ട് .
തണ്ണീര്‍ തടങ്ങളും പുഴയും സംരക്ഷിക്കേണ്ടത് പഞ്ചായത്ത് രാജ് നിയമ പ്രകാരം തദ്ദേശ ഭരണ കൂടത്തിന്റെ ബാദ്ധ്യത യായിട്ടും ഇവര്‍ ഇതില്‍ നിന്നും ഒളിച്ചോടുകയാണ് .ഇപ്പോള്‍ മാമ്പുഴ സംരക്ഷണ സമിതി പ്രവര്‍ത്തകരാണ് സര്‍വേക്ക് വേണ്ട സഹായങ്ങള്‍ ചെയ്യുന്നത് .ഇതിനിടയില്‍ സര്‍വേ നടത്തി കയ്യേറ്റം കണ്ടെത്തിയ ഭാഗം വീണ്ടും ചിലര്‍ കയ്യേറാന്‍ മാഫിയക്ക് അവസരം ഉണ്ടാക്കുന്ന ത്തിനു വേണ്ടിയാണ് സര്‍വേക്ക് ചിലര്‍ സഹകരിക്കത്തതെന്നു പറയപ്പെടുന്നു .മഴക്കാലത്തിനു മുന്‍പേ സര്‍വേ പൂര്‍ത്തീകരിചില്ലങ്കില്‍ വീണ്ടും ഇത് നീണ്ടുപോകും.ഒരു ജനതയുടെ കൂട്ടായ്മയില്‍ നിന്നുണ്ടായ പുഴയ്ക്കു വേണ്ടിയുള്ള പ്രവര്‍ത്തനം അധികാരികള്‍ തടസ്സപ്പെടുത്തുന്നതില്‍ പ്രതിഷേധിച്ചു മാമ്പുഴ  സംരക്ഷണ സമിതി പ്രവര്‍ത്തകര്‍ കീഴ്മാട് മാട്ടുമ്മല്‍ പാലത്തിനു സമീപം കൂട്ടായ്മ സംഘടിപ്പിച്ചു .ടി കെ എ  അസീസ്‌ ,പി കോയ .കെ വി അബ്ദുല്ലത്തീഫ് ,സി ശിവദാസന്‍ ,പ്രമോദ് സി ചന്ദ്രന്‍ ,ഹുസൈന്‍ എന്നിവര്‍ സംസാരിച്ചു .

കുറ്റിക്കാട്ടൂര്‍: ഒച്ചിന്‍െറ വേഗതയില്‍ നടക്കുന്ന കലുങ്ക് നിര്‍മാണം മേഖലയില്‍ അപകടം കൂട്ടുന്നു. അപകടങ്ങളും മരണങ്ങളും പെരുകിയിട്ടും നടപടിയെടുക്കാന്‍ അധികൃതരാരും തയാറായിട്ടില്ല. വെള്ളിയാഴ്ച രാവിലെ ഏഴോടെ റഹ്മാനിയ വികലാംഗ വിദ്യാലയത്തിനടുത്ത ഇറക്കത്തിലെ കലുങ്ക് നിര്‍മാണത്തിനടുത്തുവെച്ചാണ് നിയന്ത്രണം വിട്ട മിനി ലോറി ഇടിച്ച് മത്സ്യക്കച്ചവടക്കാരന്‍ പൂവാട്ടുപറമ്പ് പുതിയോട്ടില്‍ ബീരാന്‍ എന്ന യുവാവ് മരിച്ചത്.
 ഒരു മാസമായി റോഡിന്‍െറ പാതിഭാഗത്ത് വന്‍ കിടങ്ങ് കീറി പൈപ്പിന്‍െറയും മറ്റും പ്രവൃത്തി നടന്നു വരുന്നുണ്ട്. റോഡിന് വീതിയില്ലായ്മയും ഇറക്കവും വളവും അപകട സാധ്യതക്ക് ആക്കം കൂട്ടുന്നു. ഇവിടെ നിരവധി തവണ ഇരുചക്ര, മുച്ചക്ര വാഹനങ്ങളും അപകടത്തില്‍പെട്ടിട്ടുണ്ട്. മെഡിക്കല്‍ കോളജ് മുതല്‍ പെരുവയല്‍ വരെയുള്ള റോഡ് നിര്‍മാണം പൂര്‍ത്തിയാവാതെ ചെറിയ വരമ്പുകള്‍ പ്രത്യക്ഷപ്പെട്ടതിനാല്‍ വാഹനയാത്ര ദുസ്സഹമായിട്ടുണ്ട്.

പട്ടിക ജാതി വികസന ത്തിനു വേണ്ടിയുള്ള ഭൂമി

കുറ്റിക്കാട്ടൂര്‍ :നാടിന് മാതൃകയാകാന്‍ പെരുവയല്‍ പട്ടികജാതി വിഭാഗത്തിന്‍െറ ഉന്നമനത്തിനുവേണ്ടി സമഗ്ര വികസനപദ്ധതി ആവിഷ്കരിച്ചു. ഭൂരഹിതരായുള്ള പട്ടികജാതി വിഭാഗക്കാര്‍ക്ക് താമസിക്കാന്‍ കെട്ടിട സമുച്ചയവും വീടുവെക്കാന്‍ സ്ഥലവും തൊഴിലിന് ചെറുകിട തൊഴില്‍സംരംഭവും കൃഷിക്ക് വയലുകളും നല്‍കുന്ന പദ്ധതിയാണ് തുടങ്ങുന്നത്.
പെരുവയല്‍ പഞ്ചായത്തിലെ 10ാംവാര്‍ഡില്‍പെട്ട കൊടശ്ശേരിതാഴത്താണ് പട്ടികജാതി വിഭാഗങ്ങളുടെ ഭാവി സുരക്ഷിതമാക്കുന്നതിന് മാതൃകാപദ്ധതിക്ക് സ്ഥലം കണ്ടെത്തിയത്. ഒന്നര ഏക്കര്‍ സ്ഥലത്ത് വീടുവെക്കാന്‍പോലും പറ്റാത്ത 22 കുടുംബങ്ങള്‍ക്ക് താമസിക്കാന്‍ കെട്ടിട സമുച്ചയവും വീടിന് അപേക്ഷിച്ച ഏഴ് കുടുംബത്തിന് മൂന്നര സെന്‍റ് സ്ഥലവും നല്‍കും. ഇതിനോട് ചേര്‍ന്ന രണ്ട് ഏക്കര്‍ സ്ഥലത്ത് ചെറുകിട തൊഴില്‍ശാലകളും കുടിവെള്ളപദ്ധതി, അങ്കണവാടി, സാംസ്കാരികനിലയം എന്നിവയും നിര്‍മിക്കും. കൂടാതെ കൊടശ്ശേരിതാഴത്തെ പുഞ്ചപ്പാടത്ത് ഒരേക്കറോളം വയലും ഇവര്‍ക്ക് കൃഷിചെയ്യാന്‍ പഞ്ചായത്ത് വാങ്ങിയിട്ടുണ്ട്.
ഏഴുപത്തൊന്നര ലക്ഷം രൂപയാണ് 22 കുടുംബങ്ങള്‍ക്കുള്ള കെട്ടിടസമുച്ചയം പണിയുന്നതിന് കണക്കാക്കുന്നത്. 20 ലക്ഷം രൂപയുടെ കുടിവെള്ള പദ്ധതിയാണ് ഇതിലേക്കായി വിഭാവനം ചെയ്തത്. പദ്ധതിയുടെ നടത്തിപ്പിനായി ത്രിതല പഞ്ചായത്തുകളുടെയും സംസ്ഥാന പട്ടികജാതി വികസന കോര്‍പറേഷന്‍െറയും സാമ്പത്തികസഹായവും തേടും.
സംസ്ഥാനത്തിനുതന്നെ മാതൃകയായ ഈ പദ്ധതി ഒരുവര്‍ഷത്തിനുള്ളില്‍തന്നെ പ്രാവര്‍ത്തികമാക്കാനുള്ള രൂപരേഖ പഞ്ചായത്ത് നേരത്തേതന്നെ തയാറാക്കിയിട്ടുണ്ട്.
ഇപ്പോള്‍ ആദ്യഘട്ടമെന്ന നിലയില്‍ പദ്ധതിക്കായി ഏറ്റെടുത്ത സ്ഥലം നിരപ്പാക്കുന്നതടക്കമുള്ള പ്രവര്‍ത്തനമാണ് നടക്കുന്നത്. ഫണ്ട് ലഭ്യമാകുന്ന മുറക്ക് മാസങ്ങള്‍ക്കകംതന്നെ തുടര്‍നിര്‍മാണ പ്രവര്‍ത്തനങ്ങള്‍ നടക്കും.

ഉത്ഘാടന പരിപാടി കാണാനെത്തിയ ജനം

കുറ്റിക്കാട്ടൂര്‍ : യമാനിയ കോളേജില്‍  പത്തു ദിവസം പ്രഗത്ഭര്‍ പങ്കെടുക്കുന്ന പ്രഭാഷണ പരമ്പര പാണക്കാട് ഹൈദരലി തങ്ങള്‍ ഉത്ഘാടനം നിര്‍വഹിക്കുമെന്ന് ബന്ധ പെട്ടവര്‍ അറിയിച്ചു .ഫെബ്രുവരി 11 മുതല്‍ 20 വരെ നടക്കുന്ന പരിപാടിയില്‍ മുസ്തഫ ഹുദവി ആക്കോട് ,അഹമ്മദ് കബീര്ബാഖവി ,ഡോക്ടര്‍ ബഷീര്‍ ഫൈസി ,തുടങ്ങിയവര്‍ സംബന്ദിക്കും .വൈകീട്ട് 7 മണിക്ക് നടക്കുന്ന പരിപാടിയില്‍ മന്ത്രിമാര്‍ ,സാംസ്കാരിക പ്രവര്‍ത്തകര്‍ എന്നിവര്‍ പങ്കെടുക്കും .

.വെള്ളി പറമ്പില്‍ ഒരുങ്ങുന്ന മീഡിയ വന്‍  ആസ്ഥാനം

കുറ്റിക്കാട്ടൂര്‍ :ഫെബ്രുവരി 10 നു ലോക മലയാളിക്ക് സമര്‍പ്പിക്കുന്ന   മീഡിയവന്‍ ആസ്ഥാനത്തിന്റെ അവസാന മിനുക്ക്‌ പണികള്‍ പുരോഗ മിക്കുന്നു .പ്രതീക്ഷയോടെ കാത്തിരുന്ന സ്വന്തം ചാനല്‍  ആസ്ഥാനം കാണാന്‍ ആളുകള്‍ വെള്ളി പറ മ്പില്‍ എത്തി കൊണ്ടിരിക്കുന്നു . മലയാളിക്ക് പുതിയ ദൃശ്യാനുഭവമൊരുക്കിയെത്തുന്ന ചാനലിന്‍െറ ഉദ്ഘാടനം ഈമാസം 10ന് കേന്ദ്ര പ്രതിരോധ മന്ത്രി എ.കെ. ആന്‍റണി നിര്‍വഹിക്കും. മാധ്യമത്തിന്‍െറ രജത ജൂബിലി ഉപഹാരമാണ് മീഡിയവണ്‍ ചാനലെന്ന് ഗ്രൂപ് എഡിറ്റര്‍ ഒ. അബ്ദുറഹ്മാന്‍ വാര്‍ത്താസമ്മേളനത്തില്‍ പറഞ്ഞു.

 വാര്‍ത്തക്കും വിനോദത്തിനും തുല്യപ്രാധാന്യം നല്‍കിയുള്ള ചാനലിനും മാധ്യമത്തിന്‍െറ നയനിലപാടുകളായിരിക്കുമെന്ന് അദ്ദേഹം വിശദീകരിച്ചു. വാര്‍ത്തയില്‍ നേരും വിനോദ പരിപാടികളില്‍ നന്മയുമാണ് മീഡിയവണിന്‍െറ മുഖമുദ്രയെന്ന് മാനേജിങ് ഡയറക്ടര്‍ ഡോ. അബ്ദുസ്സലാം അഹ്മദ് പറഞ്ഞു. മലയാള ദൃശ്യമാധ്യമ രംഗത്ത് വ്യത്യസ്തമായ ആശയമാണ് മീഡിയവണ്‍ ഉദ്ദേശിക്കുന്നത്. ആദ്യഘട്ടത്തില്‍ വാര്‍ത്തയും വിനോദപരിപാടികളും സംപ്രേഷണം ചെയ്യും.വിനോദത്തിനു മാത്രമായി മീഡിയവണ്‍ ലൈഫ്, പ്രവാസി മലയാളികള്‍ക്കായി മീഡിയവണ്‍ ഗ്ളോബല്‍ എന്നീ ചാനലുകളും ഉടന്‍ തുടങ്ങും. പൊതുജനങ്ങളുടെ ഓഹരികളാണ് ചാനലിന്‍െറ മൂലധനമെന്ന് അദ്ദേഹം വ്യക്തമാക്കി.വാര്‍ത്തകള്‍ ചേരുവയില്ലാതെ ജനങ്ങളിലെത്തിക്കാന്‍ മീഡിയവണിനാവുമെന്നും ഒരു സമ്മര്‍ദവും ഇതിന് തടസ്സമാവില്ലെന്നും എഡിറ്റര്‍ ഇന്‍ ചീഫ് സി.എല്‍. തോമസ് പറഞ്ഞു. വിനോദ പരിപാടികളില്‍ മൂല്യത്തിന് പ്രാധാന്യം നല്‍കാനുള്ള പരീക്ഷണമാണ് മീഡിയവണിന്‍െറ ദൗത്യമെന്ന് സീനിയര്‍ ജനറല്‍ മാനേജര്‍ (പ്രോഗ്രാം) ഷിബു ചക്രവര്‍ത്തി പറഞ്ഞു. കോഴിക്കോട് മെഡിക്കല്‍ കോളജിനു സമീപം മാവൂര്‍ റോഡില്‍ വെള്ളിപറമ്പിലാണ് അത്യാധുനിക സജ്ജീകരണത്തോടെ മീഡിയവണിന്‍െറ ആസ്ഥാന മന്ദിരവും സ്റ്റുഡിയോ കോംപ്ളക്സും ഒരുക്കിയത്.കോഴിക്കോട് സ്വപ്നനഗരിയില്‍ 10ന് വൈകീട്ട് നാലിന് നടക്കുന്ന ചടങ്ങില്‍ മാധ്യമം ചെയര്‍മാന്‍ ടി. ആരിഫലി അധ്യക്ഷത വഹിക്കും. മുഖ്യമന്ത്രി ഉമ്മന്‍ചാണ്ടി ചടങ്ങിന്‍െറ ഉദ്ഘാടനം നിര്‍വഹിക്കും. ആസ്ഥാന മന്ദിരത്തിന്‍െറ ഉദ്ഘാടനം പ്രതിപക്ഷ നേതാവ് വി.എസ്. അച്യുതാനന്ദനും ന്യൂസ് സ്റ്റുഡിയോ ഉദ്ഘാടനം വ്യവസായ മന്ത്രി പി.കെ. കുഞ്ഞാലിക്കുട്ടിയും നിര്‍വഹിക്കും.വെബ്സൈറ്റ് ലോഞ്ചിങ് സാംസ്കാരിക മന്ത്രി കെ.സി. ജോസഫും പ്രോഗ്രാം സ്റ്റുഡിയോ ഉദ്ഘാടനം എം.എ. യൂസുഫലിയും മിഡിലീസ്റ്റ് ഓപറേഷന്‍സിന്‍െറ ഉദ്ഘാടനം ഡോ. ഗള്‍ഫാര്‍ മുഹമ്മദലിയും നിര്‍വഹിക്കും. സംവിധായകന്‍ രഞ്ജിത്ത് മീഡിയവണ്‍ സിഗ്നേചര്‍ മ്യൂസിക് പ്രകാശനം ചെയ്യും.പാണക്കാട് സാദിഖലി ശിഹാബ് തങ്ങള്‍, കാന്തപുരം എ.പി. അബൂബക്കര്‍ മുസ്ലിയാര്‍, മാധ്യമപ്രവര്‍ത്തകന്‍ ശശികുമാര്‍, എം.പിമാരായ എം.കെ. രാഘവന്‍, ഇ.ടി. മുഹമ്മദ് ബഷീര്‍, എം.ഐ. ഷാനവാസ്, എം.എല്‍.എമാരായ എളമരം കരീം, പി.ടി.എ റഹീം, എ. പ്രദീപ് കുമാര്‍, മേയര്‍ എ.കെ. പ്രേമജം, എം. മുകുന്ദന്‍, വി.എം. സുധീരന്‍, പി.വി. അബ്ദുല്‍ വഹാബ്, ഡോ. ആസാദ് മൂപ്പന്‍, പ്രഫ. കെ.എ. സിദ്ദീഖ് ഹസന്‍, ഗള്‍ഫ് മാധ്യമം ചീഫ് എഡിറ്റര്‍ വി.കെ. ഹംസ അബ്ബാസ്, ടി.പി. അബ്ദുല്ലക്കോയ മദനി, ഹുസൈന്‍ മടവൂര്‍, തൊടിയൂര്‍ മുഹമ്മദ് കുഞ്ഞു മൗലവി, ഡോ. ജോസഫ് മാര്‍ തോമസ്, ജില്ലാ കലക്ടര്‍ കെ.വി. മോഹന്‍കുമാര്‍, അഡ്വ. പി.എസ്. ശ്രീധരന്‍ പിള്ള, സ്വാമി ഗുരുരത്നം ജ്ഞാന തപസ്വി എന്നിവര്‍ ആശംസകള്‍ നേരും.

കുറ്റിക്കാട്ടൂര്‍ ;നവീകരണം നീണ്ട പ്പോള്‍ നാട്ടുകാര്‍ റോഡിലെ പൊടിയില്‍ മൂടി .പൊറൂ തി  മുട്ടിയപ്പോള്‍ അവര്‍ റോഡ്‌ഉപരോധിച്ചു .പെരു മണ്ണ -കോട്ടായി താഴം വരെ പൊളിച്ചിട്ട റോഡിലെ പണിയാണ്  പാതി വഴിയില്‍ ഉപേക്ഷിച്ചത് ..മണ്ണും കല്ലും നിറഞ്ഞ റോഡിലുടെ വാഹനങ്ങള്‍ പോകുമ്പോള്‍ പൊടി  ശല്യം നാട്ടുകാര്‍ക്കും കുട്ടികള്‍ക്കും ഭീഷണി യാവുകയാണ്‌മാങ്കാവ് കണ്ണി പറമ്പ് റോഡിന്‍റെ ഇടക്കുള്ള ഈ റോഡു പൊളിച്ചിട്ട്‌ മസാങ്ങളായി .മറ്റു ഭാഗങ്ങളില്‍ ഭാഗിഗമായി പൂര്തീകരിച്ചപ്പോള്‍ ഇവിടെ പാതി വഴിയില്‍ പണി നിര്‍ത്തിയതാണ് പ്രശ്നത്തിന് കാരണം .രണ്ടര കിലോ മീറ്റര്‌  നീളത്തില്‍ ഈബഗത്തുല്ല നാട്ടുകാരും സ്കൂള്‍ കുട്ടികളും പ്രധിശേതം തുടങ്ങിയിട്ട് മാസങ്ങളായി .അധികാരികള്‍ കണ്ണ് തുറക്കാത്തത് കൊണ്ടാണ് ഇവര്‍ സമരതിനിരങ്ങിയത്