കുറ്റിക്കാട്ടൂര്‍ :നാടിന്റെ നന്മയുടെ ഓട്ടോക്കാരന്‍ കോയ ക്കും  രാഷ്ട്രീയ സാമൂഹ്യ മേഖലയിലെ നിര സാന്നിധ്യമായ കുട്ട്യേന്‍ കോയ സാഹിബിനും നാട് ആദരാജ്ഞലികള്‍ അര്‍പ്പിച്ചു .ഇന്നലെ വൈകുന്നേരം 

കുറ്റിക്കാട്ടൂര്‍ അങ്ങാടിയില്‍ ചേര്‍ന്ന പൌരാവലിയുടെ അനുശോചന യോഗത്തില്‍ വിവിധ രാഷ്ട്രീയ സാമൂഹ്യ പ്രവര്‍ത്തകര്‍ പങ്കെടുത്തു .റഹ്മാന്‍ കുറ്റിക്കാട്ടൂര്‍ അദ്ധ്യക്ഷനായിരുന്നു .ബ്ലോക്ക് മെമ്പര്‍ കെ പി കോയ , വാര്‍ഡ്‌ മെമ്പര്‍മാരായ അനീഷ്‌ പാലാട്ടു , പേന്‍ കാട്ടില്‍ രാധാകൃഷ്ണന്‍ ,എന്നിവരും 

 പേന്‍ കാട്ടില്‍ അഹമ്മദ്‌ ,ടി ടി ചന്ദ്രന്‍ ,കെ പി സുരേന്ദ്രന്‍ ,സി പി റസാക്ക് ,ബാബു എം എം ,വി മുഹമ്മദ്‌ ,ജോന്സന്‍ നെല്ലിക്കുന്ന് ,പവിത്രന്‍ എന്നിവര്‍ സംസാരിച്ചു

കുറ്റിക്കാട്ടൂര്‍ :ഉത്തരേന്ത്യന്‍ ആഘോഷമായ    ദീപാവലി കേരളത്തില്‍ മധുരം കൊണ്ട് രുചി തീര്‍ക്കുമ്പോള്‍ ഇക്കുറി അന്യ സംസ്ഥാന തൊഴിലാളി കള്‍ വര്‍ധിച്ചത് കച്ചവടക്കാര്‍ക്ക് പ്രതീക്ഷയേറുന്നു . അന്യ സംസ്ഥാന തൊഴിലാളികളെ മുന്നില്‍ കണ്ടു കൊണ്ടുള്ള പലഹാരങ്ങള്‍ കടകളില്‍ എത്തി തുടങ്ങി .ഉത്തരേന്ത്യന്‍ മിടായികളായ ബാദുഷ ,സോനാ ,സുവര്‍ണ ,എന്നിവയടങ്ങിയ ഒരു കിലോ പാക്കിന് 240  രൂപയാണ് വില ,ചോക്ലേറ്റുകളും ഇതില്‍ അടങ്ങിയിട്ടുണ്ട് .പലഹാര നിര്‍മാണ രംഗത്തും മറ്റു    സംസ്ഥാനക്കാര്‍ തന്നെയാണ് ഉള്ളത് .മലയാളിയുടെ മധുരം പതുക്കെ ഇവിടെയും വഴി മാറുകയാണ് .ലടുവും .ദിലെബിയും നിറം മാറിയാണ് പതുക്കെ വഴി മാറി തുടങ്ങിയത് ,.ഇനി വെളിച്ചത്തിന്റെ ആഘോഷത്തിനു ഉത്തരേന്ത്യന്‍ മധുരം നല്‍കി മലയാളി ഐക്യ ദാര് ഡ്യം കാണിക്കും

കുറ്റിക്കാട്ടൂര്‍ ; മേലേടത് പരേതനായ മുഹമ്മദിന്റെ ഭാര്യ  ഇയ്യാത്തുട്ടി (80) നിര്യാതയായി ,മക്കള്‍ :മൊയിദീന്‍ കോയ ,ആയിശ , 

ഫാത്തിമ ,ബാവുട്ടി ,സൈദാലി,ബഷീര്‍ ,മരുമക്കള്‍ ;സുബൈദ ,ആമിന ,സുഹറ  

പാപമോചനവും ജീവിതവിശുദ്ധിയും കൈവരിക്കാനുള്ള ദൈവവിളിക്ക് ഉത്തരമായി ചുണ്ടുകളില്‍ തല്‍ബിയത്ത് മന്ത്രങ്ങളുമായി മക്കയിലെ ഭക്തജനസാഗരം നാലു കിലോമീറ്റര്‍ അപ്പുറമുള്ള മിനായിലേക്ക് പരന്നൊഴുകിത്തുടങ്ങി. ചൊവ്വാഴ്ച രാത്രിയോടെ ചെറുസംഘങ്ങളായി തുടങ്ങിയ പ്രയാണം ബുധനാഴ്ച പ്രഭാതപ്രാര്‍ഥനക്കു ശേഷം മഹാപ്രവാഹമായി മാറുകയായിരുന്നു. ‘അല്ലാഹുവേ, നിന്‍െറ വിളിക്കുത്തരമായി ഞാനിതാ എത്തി’ എന്നര്‍ഥം വരുന്ന ‘ലബ്ബൈക്കല്ലാഹുമ്മ ലബ്ബൈക്’ എന്ന തല്‍ബിയത്ത് ആവേശപൂര്‍വം ഏറ്റുചൊല്ലി ആബാലവൃദ്ധം തീര്‍ഥാടകര്‍ മക്കയുടെ വിവിധഭാഗങ്ങളില്‍ നിന്നു മിനായിലേക്കു നീങ്ങുകയാണ്. വൈകുന്നേരത്തോടെ തീര്‍ഥാടകര്‍ മുഴുവന്‍ മിനായില്‍ എത്തിച്ചേരും. രാത്രി മുഴുവന്‍ പ്രാര്‍ഥനകളുമായി അവിടെ കഴിച്ചുകൂട്ടിയ ശേഷം വ്യാഴാഴ്ച തീര്‍ഥാടകര്‍ ഹജ്ജിന്‍െറ സുപ്രധാന ചടങ്ങായ അറഫാസംഗമത്തിനായി തിരിക്കും. വിദേശത്തു നിന്നെത്തിയ 18 ലക്ഷം തീര്‍ഥാടകരടക്കം ഈ വര്‍ഷം 25 ലക്ഷത്തോളം പേര്‍ ഹജ്ജില്‍ പങ്കെടുക്കുന്നുണ്ടെന്നാണ് സൗദി ഭരണകൂടത്തിന്‍െറ കണക്ക്. സുഗമവും സുരക്ഷിതവുമായ തീര്‍ഥാടനം ഉറപ്പുവരുത്താനുള്ള മുഴുവന്‍ മുന്നൊരുക്കങ്ങളും അധികൃതര്‍ നടത്തിയിട്ടുണ്ട്.
ഹജ്ജ് കമ്മിറ്റി മുഖേന 125,000 പേരും സ്വകാര്യഗ്രൂപ്പുകള്‍വഴി 45,000 പേരുമടക്കം ഇന്ത്യയില്‍ നിന്ന് 1,70,000 ഓളം തീര്‍ഥാടകരാണ് ഈ വര്‍ഷം എത്തിയിട്ടുള്ളത്.
തിരക്കൊഴിവാക്കാനായി കേരളത്തില്‍ നിന്നുള്ള ഹാജിമാരെ ചൊവ്വാഴ്ച രാത്രിയോടെ മിനായിലേക്ക് എത്തിച്ചുതുടങ്ങിയിരുന്നു. കേരളത്തില്‍ നിന്നുള്ള ഇരുപതിനായിരത്തോളം തീര്‍ഥാടകര്‍ 14 മുതവ്വിഫുമാര്‍ക്കു കീഴില്‍ ശാര ജൗഹറ, സൂഖുല്‍ അറബ് റോഡുകളിലെ തമ്പുകളിലാണ് കഴിയുന്നത്. തീര്‍ഥാടകര്‍ പൊതുവെ സംതൃപ്തരാണെന്ന് മലയാളി വളണ്ടിയര്‍ ക്യാപ്റ്റന്‍ മുഹമ്മദ് ഹനീഫ പറഞ്ഞു. 14 മുതവ്വിഫുമാര്‍ക്കു കീഴില്‍ മലയാളികളായ 28 വളണ്ടിയര്‍മാര്‍ മലയാളിഹാജിമാരുടെ സേവനത്തിനായി മിനായിലുണ്ട്. ഇതാദ്യമായി ഇത്തവണ തീര്‍ഥാടകര്‍ക്ക് മിനായില്‍ മുതവ്വിഫുമാരുടെ വക ഭക്ഷണമൊരുക്കിയിട്ടുണ്ട്. ബുധനാഴ്ച രാത്രി 10 മണിക്ക് മിനായില്‍ നിന്നു അറഫയിലേക്കുള്ള ട്രെയിന്‍സര്‍വീസ് തുടങ്ങും. വ്യാഴാഴ്ച വൈകുന്നേരം ആറു മുതല്‍ അവിടെ നിന്നു മുസ്ദലിഫയിലേക്കും ട്രെയിന്‍ തീര്‍ഥാടകര്‍ക്കു വേണ്ടി സര്‍വീസ് നടത്തും.

കുറ്റിക്കാട്ടൂര്‍ :കോഴിക്കോട് -മാവൂര്‍ റോഡിന്‍റെ നവീകരണം തുടരുന്നതിനിടെ ഗതാഗത തടസ്സം രൂക്ഷമാകുന്നു .ചെറൂപ്പ മുതല്‍ തുടങ്ങിയ പ്രവര്‍ത്തി ഇപ്പോള്‍ ആനക്കുഴിക്കരക്കും വെള്ളിപ്പരംബിനും ഇടയിലാണ് നടക്കുന്നത് .ഇവിടങ്ങളില്‍ മണിക്കൂറുകളോളം വാഹന ഗതാഗതം നിര്‍ത്തിയിടുകയാണ് .വെള്ളം കയറുന്ന ഇടങ്ങളില്‍ ഉയരം കൂട്ടുകയും ഓടകള്‍ കുഴിയെടുത്തുമാണ് പണി നടക്കുന്നത് .നാഥ് ഗ്രൂപ്പാണ് പണി നടത്തുന്നത് . റോഡ്‌ പണി കഴിയുന്നതോടെ വെള്ളകെട്ടുകള്‍ കാരണം പ്രശ്നം ഉണ്ടാവില്ലന്നാണ് പറയുന്നത് .ബ്ലോക്ക് കാരണം ബസ്സുകള്‍ ട്രിപ്പ് കട്ട് ചെയ്യുന്നത് കാരണം  ജനങ്ങള്‍ക്ക്‌ പ്രയാസം നേരിടുന്നുണ്ട് .

കുറ്റിക്കാട്ടൂര്‍ :ബലി പെരുന്നാളിന് ഇത്തവണയും തമിഴ് നാട്ടില്‍ നിന്നും കന്നു കാലികള്‍ എത്തി.ബലി അറുക്കാന്‍ പറ്റിയ ഉയര്‍ന്ന ഇനം കാളകളാണ്  .സര്‍വീസ് സ്റ്റെഷനടുത്ത വില്പന കേന്ദ്രത്തില്‍ എത്തിയത് 

മമ്മൂട്ടിയുടെ കാലിക്കച്ചവടത്തിന്റെ ടൈറ്റില്‍ ബെല്ലാരി രാജയുടെ പേരിലും ഒരു കൂട്ടര്‍ വിപണി തുറന്നിട്ടുണ്ട്. ഇരുപത്തയ്യായിരത്തിനു മുകളില്‍ തുടങ്ങുന്ന വിലയാണ് ഇത്തവണ ഓരോന്നിനും .കിലോ വില നൂറ്റംപതിനു മുകളിലെത്തും .മുന്തിയ ഇനം ആകാരമുള്ള കാളകള്‍ക്ക് വിപണി വിലയീക്കള്‍ അതികം കൊടുത്തും വാങ്ങാന്‍ ആളുകള്‍ എത്തുന്നുണ്ട് .പള്ളികള്‍ കേന്ദ്രീകരിച്ചു ഷെയര്‍ എടുത്തും കൂടാതെ വ്യക്തികള്‍ ഒറ്റക്കായും ബലി അറുക്കുന്നത് കൊണ്ട് ഓരോ വര്‍ഷവും ഇവയുടെ ഡിമാണ്ട് കൂടി വരികയാണ് .ഇത്തവണ ജമാഅത്തെ ഇസ്ലാമി ആസാമിലെ ദുരിതശ്യാസ കേമ്പുകള്‍ കേന്ദ്രീകരിച്ചു നടത്തുന്ന പ്രവര്‍ത്തനത്തിന്റെ ഭാഗമായി ബലിക്കുള്ള ഷെയറുകള്‍ ഇവിടെ നിന്നും ശേഖരിക്കുന്നത്  കൊണ്ട് കച്ചവടത്തില്‍ ചെറിയ ഇടിവുന്ടെന്നു മാര്‍ക്കറ്റിന്റെ ഉടമ തിരുമങ്ങലത്ത് കുഞ്ഞി കോയ പറഞ്ഞു .  

കുറ്റിക്കാട്ടൂര്‍ :കുളിര് പെയ്യുന്ന നീര്തടങ്ങളില്‍ അഥിതി കളായി അവര്‍ വീണ്ടും വന്നു. മണ്ണിട്ട്‌ ബാക്കി വെച്ച മാവൂരിലെ  തണ്ണീര്‍ തടങ്ങളില്‍ ദേശാടന പക്ഷികളുടെ ചിറകടികള്‍ കേട്ട് തുടങ്ങി .ഒക്ടോബര്‍ മാസം പിറക്കുന്നത്‌ ഇവരുടെ വരവോടെയാണ് .ഇന്ത്യയിലെ വടക്കന്‍ ദേശം, റഷ്യയിലെ സൈബീരിയ ചൈന നേപ്പാള്‍ എന്നിവിടങ്ങളില്‍ നിന്നുമാണ് ഇവര്‍ മാവൂരിലെ ഇലപോഴിക്കുന മരങ്ങളില്‍ മഞ്ഞുപെയ്യുന്ന  കാലം നോക്കി വിരുന്നു വന്നിരിക്കുന്നത് .

കല്പ്പള്ളിയിലെ നീര്‍ തടങ്ങളിലും ചെരുപുഴയുടെ തീരങ്ങളിലും വിവിധ വര്‍ണങ്ങള്‍ ചാലിച്ച ഇവരുടെ അഴക്‌ വിരിയിച്ച വിഹാരമാണ് ഇനി .നാട്ടുകരുംയുള്ള കൂട്ടിലും ദേശാടനക്കരായ ഇവരുണ്ടാവും .ബ്ലാക്ക് വിംഗ് സ്ടിന്റ്റ് ,(പവിഴക്കാലി )സന്ടെഴ്സുസ്റെന്‍ ,കൊട്ടാന്‍ തീന്‍ ,ലിറ്റില്‍ റിങ്ങ്സ്  ഫ്ലവര്‍ ,എന്നീ ഇനങ്ങളില്‍ പെട്ടവരാണ് അഥി തികളില്‍ അധികവും .മെയ്‌ തുടങ്ങുമ്പോള്‍ ഇവരുടെ തിരിച്ചു പോക്ക് തുടങ്ങും .കണ്ണും കാതുമില്ലാതെ തന്നെര്‍ തടങ്ങള്‍ മണ്ണിട്ട്‌ നികത്തുംപോള്‍ ഇനി ഇവരുടെ വരവ് എത്ര കാലം എന്നാണ് പ്രക്രതി സ്നേഹികള്‍ ചോദിക്കുന്നത് 

കുറ്റിക്കാട്ടൂര്‍ :കൂടം കുളത്തെ ചെറുത്തു നില്‍ക്കുന്ന ജനതക്ക് കോഴി ക്കോട് കടപ്പുറത്ത് മരണക്കുഴിയില്‍ കിടന്നു  ഐക്യ ദാര് ഡ്യം .കൂടം കുളം ഐക്യ  ദാര് ഡ്യം സമിതി സംഘടിപ്പിച്ച പരിപാടിയില്‍ വിവിധ ചെറുത്തു നില്‍പ്പ് സംഘടനകള്‍ അണി ചേര്‍ന്നു. സോളി ഡാരിറ്റി ,ജി ഐ .ഒ,ശാസ്ത്ര സാഹിത്യ പരിഷത് ,എസ യു സി ഐ ,ലോഹ്യ വിചാര വേദി .എസ ഐ ഒ .തുടങ്ങിയ സംഘടന പ്രവര്‍ത്തകര്‍ പ്രകടനമായി വന്നാണ് കടപ്പുറത്ത് കുഴികള്‍ ഒരുക്കിയത് .ജി ഐ ഒ പ്രവര്‍ത്തകര്‍ സ്ത്രീ സാന്നിധ്യം കൊണ്ട് പ്രധിരോധത്തിന്റെ ശബ്ദം ഇരകളുടെ കരുത്താണെന്നു തെളിയിച്ചു .

പന്തീരാങ്കാവ്: സര്‍വീസ് അവസാനിപ്പിച്ച് രാത്രി നിര്‍ത്തിയിടുന്ന ബസുകള്‍ക്കുനേരെ സാമൂഹികവിരുദ്ധരുടെ ശല്യം. കോഴിക്കോട് സിറ്റി-മണക്കടവ് റൂട്ടിലോടുന്ന ബസുകളാണ് നിരന്തരമായി ആക്രമണത്തിനിരയാവുന്നത്.
വ്യാഴാഴ്ച രാത്രി ട്രിപ് അവസാനിപ്പിച്ച് മണക്കടവില്‍ നിര്‍ത്തിയിട്ട മോണിങ്സ്റ്റാര്‍ ബസാണ് ഏറ്റവും അവസാനം ആക്രമണത്തിന് ഇരയായത്. ബസിലെ ബാറ്ററിയുടെ കേബ്ള്‍ മുറിച്ചുമാറ്റുകയും ജാക്കി ഉള്‍പ്പെടെ ഉപകരണങ്ങള്‍ മോഷ്ടിക്കുകയും ചെയ്തു. ബസിന്‍െറ എയര്‍പൈപ്പ് മുറിച്ചുമാറ്റിയത് പുലര്‍ച്ചെ 5.30ഓടെ ആദ്യ ട്രിപ്പെടുക്കാനെത്തിയ ഡ്രൈവറുടെ ശ്രദ്ധയില്‍ പെട്ടതിനാലാണ് വന്‍ദുരന്തം ഒഴിവായത്.
രാത്രി ട്രിപ് അവസാനിപ്പിച്ച് നിര്‍ത്തിയിടുന്ന ബസുകളില്‍നിന്ന് ഡീസല്‍ ചോര്‍ത്തുന്നതും ബസിന് കേടുപാട് വരുത്തുന്നതും നിത്യസംഭവമാണെന്ന് ഉടമകളും തൊഴിലാളികളും പറയുന്നു. ചില മദ്യപസംഘങ്ങളാണ് ഇതിന് പിന്നിലെന്ന് ആരോപിക്കുന്നു. രാവിലെ ട്രിപ്പെടുക്കാനെത്തുമ്പോഴാണ് തൊഴിലാളികളുടെ ശ്രദ്ധയില്‍ പെടുന്നത്. അതിനാല്‍ ട്രിപ് മുടങ്ങി യാത്രക്കാര്‍ ദുരിതത്തിലാവുന്നതും പതിവാണ്. ഈ സംഭവത്തില്‍ പൊലീസ് ശക്തമായ നടപടി സ്വീകരിച്ച് കുറ്റവാളികളെ ശിക്ഷിക്കാത്തപക്ഷം മണക്കടവ് റൂട്ടിലെ സര്‍വീസ് നിര്‍ത്തിവെക്കുമെന്ന് പന്തീരാങ്കാവ് യൂനിറ്റ് ബസ് ഓപറേറ്റേഴ്സ് അസോസിയേഷന്‍ മുന്നറിയിപ്പ് നല്‍കി. എന്‍.വി. അബ്ദുല്‍സത്താര്‍, വി.ടി. ശങ്കര രുദ്രന്‍, സി.കെ. അബ്ദുല്‍റഹിമാന്‍ എന്നിവര്‍ സംസാരിച്ചു.