“All our knowledge has its origins in our perceptions.” വാര്‍ത്തകള്‍ അയക്കുക വാര്‍ത്തകള്‍ നല്‍കാന്‍ ആഗ്രഹിക്കുന്നുണ്ടെങ്കില്‍ മലയാളത്തില്‍ ടൈപ്പ് ചെയ്ത് താഴെ കാണുന്ന ഇ മെയില്‍ വിലാസത്തില്‍ അയക്കുക rahmanktkr@gmail.com Ph:9645006050

Just in....!!!!!!

Latest News

« »

Saturday, 29 June 2013

മൊബൈല്‍ വഴി ഇനി ട്രെയിന്‍ ടിക്കറ്റ്

ട്രെയിന്‍ ടിക്കറ്റ് ഇന്നുമുതല്‍ എസ്എംഎസ് വഴി ലഭിക്കും. 139, 5676714 എന്നീ നമ്പരുകള്‍ ഉപയോഗിച്ചാണ് മൊബൈല്‍ സന്ദേശം വഴി ടിക്കറ്റുകള്‍ ലഭിക്കുക. ഇതിനായി ഫോണില്‍ ഇന്റര്‍നെറ്റ് സൌകര്യം ആവശ്യമില്ല.

ഇന്റര്‍നെറ്റും സ്മാര്‍ട്ഫോണും ഇല്ലാത്ത സാധാരണക്കാര്‍ക്കും മെച്ചപ്പെട്ട സേവനം നല്‍കുന്നതിനായാണ് മൊബൈല്‍ ഉപയോഗിച്ച് ടിക്കറ്റെടുക്കാനുള്ള സൌകര്യം ഏര്‍പ്പെടുത്തുന്നതെന്ന് റയില്‍വേ മന്ത്രി മല്ലികാര്‍ജുന്‍ ഖര്‍ഗെ പറഞ്ഞു. ആദ്യഘട്ടത്തിലെ പ്രവര്‍ത്തനം നിരീക്ഷിച്ചശേഷം വേണ്ട മാറ്റങ്ങള്‍ വരുത്തുമെന്നും മന്ത്രി അറിയിച്ചു. മിനിറ്റുകള്‍ക്കുള്ളില്‍ ടിക്കറ്റ് ലഭിക്കുന്നതിനുള്ള സൌകര്യമാണ് റയില്‍വേ ഏര്‍പ്പെടുത്തിയിട്ടുള്ളത്. ഇതിനായി മൊബൈല്‍ നമ്പര്‍ ഇന്ത്യന്‍ റയില്‍വേ കാറ്ററിങ് ആന്‍ഡ് ടൂറിസം കോര്‍പറേഷനിലും (ഐആര്‍സിടിസി) ഏതെങ്കിലും ബാങ്കിലും റജിസ്റ്റര്‍ ചെയ്യണം.

തുടര്‍ന്ന് ബാങ്ക് മൊബൈല്‍ മണി ഐഡന്റിഫയറും (എംഎംഐഡി), ടിക്കറ്റു തുക അടയ്ക്കാനുള്ള വണ്‍ടൈം പാസ്വേഡും (ഒടിപി) നല്‍കും. ഇവ കിട്ടിയാല്‍ യാത്രക്കാരനു ടിക്കറ്റിനുള്ള സന്ദേശം അയയ്ക്കാം. തുടര്‍ന്ന് ട്രെയിന്‍ നമ്പര്‍, പോകുന്ന സ്ഥലം, യാത്രാ തീയതി, ഏതു ക്ളാസ് എന്നിവയും യാത്രക്കാരന്റെ പേര്, വയസ്സ്, പുരുഷനോ സ്ത്രീയോ എന്നീ വിവരങ്ങളും അയയ്ക്കണം. മറുപടിയായി പണം നല്‍കാനുള്ള നമ്പര്‍ (ന്ധത്സന്റnന്ഥന്റ്യന്ധദ്ധഗ്നn ണ്ട.) ലഭിക്കും. ഇതിനു മറുപടിയായി പേ (ണ്മന്റത്ന) എന്ന സന്ദേശവും തുടര്‍ന്ന് ട്രാന്‍സാക്ഷന്‍ ഐഡിയും എംഎംഐഡിയും പാസ്വേഡും അയയ്ക്കണം.

അതോടെ ടിക്കറ്റ് ബുക്ക് ചെയ്യും. ടിക്കറ്റിന്റെ വിവരങ്ങള്‍ അടങ്ങുന്ന സന്ദേശവും ലഭിക്കും. മൊബൈല്‍ സന്ദേശങ്ങള്‍ക്ക് മൂന്നു രൂപയും 5000 രൂപ വരെയുള്ള ടിക്കറ്റിന് അഞ്ചു രൂപയും 5000 രൂപയ്ക്കു മുകളിലുള്ള ടിക്കറ്റുകള്‍ക്ക് പത്തു രൂപയും റയില്‍വേ ഇൌടാക്കും. ഒരു ടിക്കറ്റ് ബുക്ക് ചെയ്യാന്‍ രണ്ടു സന്ദേശങ്ങള്‍ വേണ്ടിവരും. നിയമപ്രകാരമുള്ള തിരിച്ചറിയല്‍ രേഖയും ഇൌ സന്ദേശവും ഉണ്ടെങ്കില്‍ യാത്ര ചെയ്യാം.

ഇരുപത്തഞ്ചോളം ബാങ്കുകള്‍ മൊബൈല്‍ വഴി ടിക്കറ്റെടുക്കാന്‍ സൌകര്യം നല്‍കും. നിലവില്‍ രാജ്യത്തെ 10% പേര്‍ക്കു മാത്രമാണ് ഇന്റര്‍നെറ്റ് സൌകര്യങ്ങള്‍ ഉള്ളത്. അതേസമയം 80% പേര്‍ക്ക് മൊബൈല്‍ ഫോണ്‍ ഉണ്ട്. ഇപ്പോള്‍ 45 ശതമാനത്തോളം പേര്‍ ഒാണ്‍ലൈന്‍ ആയി ടിക്കറ്റെടുക്കുന്നവരാണ്. ഭാവിയില്‍ മൊബൈല്‍ ഫോണ്‍ സൌകര്യം ഉപയോഗിച്ച് ടിക്കറ്റിന്റെ തുക നല്‍കാനുള്ള സൌകര്യവും റയില്‍വേ അറിയിപ്പുകളും നല്‍കുമെന്ന് റയില്‍വേ ബോര്‍ഡ് ചെയര്‍മാന്‍ വിനയ് മിത്തല്‍ പറഞ്ഞു.

No comments:

Post a Comment

Music

Share

Twitter Delicious Facebook Digg Stumbleupon Favorites More