അറോത്ത് കുട്ടി ഹസ്സന്‍ ഹാജി 
കുറ്റിക്കാട്ടൂര്‍ : അറോത്ത് കുട്ടി ഹസ്സന്‍ ഹാജി 83 നിര്യാതനായി .ഭാര്യ :മണലൊടി സൈനബ ,മക്കള്‍ ;ഖദീജ ,ആരിഫ ,മരുമകന്‍ ;റഫീഖ് ,(റോളക്സ് ,മക്ക ,)
                                  മുഹമ്മദ്‌ ഹാജി 
കുറ്റിക്കാട്ടൂര്‍ : ആനകുഴിക്കര പി എം ഫ്ലോര്‍ മില്‍ ഉടമ പുതിയോട്ടില്‍  മുഹമ്മദ്‌ ഹാജി 68 നിര്യാതനായി  ഭാര്യ :ഹലീമ , മക്കള്‍ ;അബ്ദുല്‍ കരീം സുബൈദ ,റംലത്ത് ,ഹസീന ,ഹാജറ  ,മരുമക്കള്‍ :അബ്ദുസ്സലാം ,യു എ ഇ ,മുഹമ്മദ്‌ ബഷീര്‍ ,ജിദ്ധ ,അഷ്‌റഫ്‌ മടവൂര്‍ ജാരിസ്,ഹാരിഫ്

  കുറ്റിക്കാട്ടൂര്‍:  ദീപാവലിയോടനുബന്ധിച്ച് തപാല്‍ വകുപ്പ് തെരഞ്ഞെടുക്കപ്പെട്ട പോസ്റ്റ് ഓഫിസുകള്‍ മുഖേന സ്വര്‍ണ നാണയങ്ങള്‍ വിതരണം ചെയ്യുന്നു. 0.59, ഒരുഗ്രാം, 5, 8, 10, 20, 50 ഗ്രാം തൂക്കമുള്ള തപാല്‍ വകുപ്പ് ലോഗോ മുദ്രണം ചെയ്ത സ്വിറ്റ്സര്‍ലന്‍ഡില്‍നിന്നുള്ള സ്വര്‍ണമാണ് നല്‍കുന്നത്. വിവിധ തൂക്കത്തിന് അഞ്ചുമുതല്‍ ഏഴുശതമാനംവരെ ഡിസ്കൗണ്ട് അനുവദിക്കും. വാങ്ങുന്ന നാണയത്തിനൊപ്പം ‘ഞാന്‍ ഇന്ത്യാ പോസ്റ്റിന്‍െറ സ്വര്‍ണം വാങ്ങുവാന്‍ ഇഷ്ടപ്പെടുന്നു, എന്തുകൊണ്ടെന്നാല്‍’ എന്ന ബിസിനസ് കാര്‍ഡും നല്‍കും. പരസ്യവാചകം പൂരിപ്പിച്ച് തിരിച്ചയക്കണം.

കുറ്റിക്കാട്ടൂര്‍ :മത്സ്യത്തിന് തീ വില വന്നപ്പോള്‍ മാര്‍ക്ക റ്റിന് പുറത്തു മാന്യ വിലക്ക് മത്സ്യ കച്ചവടം .പുവ്വാട്ടു പറമ്പില്‍ തുടക്കം കുറിച്ച ഈ മാന്യ വില മാര്‍ക്കറ്റു  മറ്റിടങ്ങളിലേക്കും വ്യാപിക്കുന്നു .മാര്‍ക്കറ്റില്‍ ആകോലിക്കും കോരക്കും,അയലക്കും ഇരട്ടി വില വാങ്ങിയപ്പോള്‍ ബദല്‍ കച്ചവടവുമായി വാഹനത്തില്‍ മത്സ്യവുമായി വന്നവര്‍ വില കുറച്ചു വിറ്റതാണ്ഇതിന്റെ തുടക്കം .ആദ്യം മാര്‍ക്ക റ്റിലെ കച്ചവടക്കാര്‍ പ്രതിഷേ ധവുമായി രംഗത്ത് വന്നു . ഇതിനെ തുടര്‍ന്ന്പെരുവയല്‍  പഞ്ചായത്ത്പൊതു സ്ഥലത്ത് വെച്ച് വില്‍ക്കുന്നത് തടഞ്ഞു ഇതിനെതിരെ നാട്ടുകാര്‍ രംഗത്ത് വന്നു .മത്സ്യ കച്ചവടം നാട്ടുകാരുടെ നേന്ത്ര ത്വത്തില്‍ പിന്നീട് സ്വകാര്യ വ്യക്തിയുടെ സ്ഥലത്തേക്ക് മാറ്റുകയായിരുന്നു .ഇപ്പോള്‍ നാട്ടുകാര്‍ക്ക് വലിയ മത്സ്യം കുറഞ്ഞ വിലക്ക്  കിട്ടുമ്പോള്‍ തിരക്ക് ഇവിടെയും കൂടുന്നു .പാറയില്‍ .ആനകുഴിക്കര ഭാഗങ്ങളിലും ഇപ്പോള്‍ ബദല്‍ മത്സ്യ വിപണി തുടങ്ങിയിട്ടുണ്ട് .

കുറ്റിക്കാട്ടൂര്‍: വെള്ളിപറമ്പ് പ്രദേശങ്ങളിലുള്ള രണ്ടായിരത്തോളം കാര്‍ഡുടമകള്‍ക്ക് ഒരുമാസത്തോളമായി റേഷന്‍ സാധനങ്ങള്‍ ലഭിക്കാതെ വലയുന്നു. ബി.പി.എല്‍, എ.പി.എല്‍ വിഭാഗത്തിലുള്ളവര്‍ ഒരേപോലെ പ്രയാസമനുഭവിക്കാന്‍ കാരണം വെള്ളിപറമ്പ് അഞ്ചാംമൈലിലും ആറാം മൈലിലും പ്രവര്‍ത്തിച്ചിരുന്ന 98, 101  നമ്പര്‍ റേഷന്‍ ഷാപ്പുകളെ ജനങ്ങളുടെ പരാതിയെതുടര്‍ന്ന് റേഷനിങ് ഓഫിസര്‍ പൂട്ടിച്ചതാണ്. ബദല്‍ സംവിധാനമെന്നോണം കാര്‍ഡുടമകളോട്  കുറ്റിക്കാട്ടൂര്‍, പൂവാട്ടുപറമ്പ് റേഷന്‍ ഷാപ്പുകളെ അവലംബിക്കാനാണ് സപൈ്ള ഓഫിസര്‍ നിര്‍ദേശിച്ചത്.  എന്നാല്‍, ഇവിടങ്ങളിലെ റേഷന്‍ ഷാപ്പുടമകളാവട്ടെ വെള്ളിപറമ്പ് നിവാസികളായ കാര്‍ഡുടമകളെ ചേര്‍ത്താന്‍ കൂട്ടാക്കിയതുമില്ല. അതിനാല്‍, പെരുവയല്‍ പഞ്ചായത്തിലെ 17, 18, 19, 20, 21 വാര്‍ഡുകളിലെ രണ്ടായിരത്തോളം കാര്‍ഡുടമകള്‍ക്ക് തങ്ങളുടെ റേഷന്‍ വിഹിതം ലഭിക്കാതെ ഒരുമാസത്തോളം തള്ളിനീക്കേണ്ടിവന്നു. പ്രതിസന്ധി പരിഹരിക്കാന്‍ കെ.എം. ഗണേശന്‍, ടി.കെ. അഹമ്മദ്കോയ, പി. മുകുന്ദന്‍, ടി. അനിത, കെ.ടി. മിനി എന്നിവര്‍ രക്ഷാധികാരികളായി ഒരു ആക്ഷന്‍ കൗണ്‍സിലിന് രൂപംനല്‍കിയിട്ടുണ്ട്. ചെയര്‍മാന്‍ പ്രഹ്ളാദക്കുറുപ്പ് അധ്യക്ഷത വഹിച്ചു. കണ്‍വീനര്‍ പി. ബാലന്‍ സംസാരിച്ചു.  അടിയന്തരമായി കാര്‍ഡുടമകളുടെ  പ്രശ്നത്തിന് പരിഹാരം കാണണമെന്നാവശ്യപ്പെട്ട് കലക്ടര്‍ക്കും ജില്ലാ, താലൂക്ക് സപൈ്ള ഓഫിസര്‍മാര്‍ക്കും ആക്ഷന്‍ കമ്മിറ്റി നിവേദനം നല്‍കിയിട്ടുണ്ട്.

കമ്പ്യൂട്ടര്‍ സ്ക്രീനിനു മുന്നില്‍ കണ്ണുനട്ടിരുന്ന് ഫേസ്ബുക്കിലൂടെ കളി പറയുകയും പിണങ്ങുകയും വാദപ്രതിവാദങ്ങള്‍ നടത്തുകയും ചെയ്തവര്‍ കണ്ടുമുട്ടി. നേരിയ ചമ്മലോടെയാണ് പലരും നേരില്‍ കാണാന്‍ ഒത്തുകൂടിയത്. നേരില്‍ കണ്ടപ്പോള്‍ സൊറപറഞ്ഞ് നേരംപോയതറിഞ്ഞില്ല. ഫേസ്ബുക് സോഷ്യല്‍ നെറ്റ്വര്‍ക് സൈറ്റിലെ ‘കോഴിക്കോട്ടുകാര്‍’ എന്ന ഗ്രൂപ്പാണ് ഞായറാഴ്ച വൈകുന്നേരം റെയില്‍വേ സ്റ്റേഷന്‍ ലിങ്ക്റോഡിലെ സരസ്വതി കലാകുഞ്ജില്‍ ഒത്തുകൂടിയത്.
ഒട്ടും ഒൗപചാരികതയില്ലാതെയാണ് സംഗമം നടന്നത്. ചലച്ചിത്രകാരന്‍ രഞ്ജിത്ത് മുഖ്യാതിഥിയായെത്തുമെന്ന് പ്രതീക്ഷിച്ച് അവര്‍ കുറെ കാത്തിരുന്നു.
അതിനിടയില്‍ ഈ കൂട്ടായ്മയെക്കുറിച്ച് ഓരോരുത്തരുടെ അഭിപ്രായങ്ങള്‍. പോണ്ടിച്ചേരിയില്‍നിന്ന് കൂട്ടായ്മയില്‍ പങ്കെടുക്കാന്‍ വേണ്ടി മാത്രമെത്തിയ നിഷ കോഴിക്കോടിന്‍െറ നന്മകളെക്കുറിച്ച് എഴുതിയ ‘ലേഖനവു’മായാണെത്തിയത്.
ഫേസ്ബുക്കിലെ പാത്തൂട്ടി ഇതില്‍ അല്‍പം സാഹിത്യം കലര്‍ത്തി മാറ്റിയെഴുതി അവതരിപ്പിച്ച് കൈയടി നേടി.
കോഴിക്കോട്ടുകാരുടെ പേരില്‍ കേക്ക് മുറിച്ചു.
മനോരോഗിയായ അമ്മയെയും മകളെയും വര്‍ഷങ്ങളോളം നോക്കിവളര്‍ത്തിയ വെള്ളയിലെ ഇറച്ചിവെട്ടുകാരന്‍ ഹനീഫയെ ആദരിച്ചു. 5000 രൂപ ഹനീഫക്ക് ഉപഹാരവും നല്‍കി.
പാലിയേറ്റിവ് മേഖലയില്‍ സ്തുത്യര്‍ഹ സേവനം നടത്തുന്ന ഷിബു, കോഴിക്കോടിന്‍െറ പ്രിയപ്പെട്ട പഴയ പാട്ടുകാരി തങ്കം, ഫുട്ബാളില്‍ കോഴിക്കോടിന്‍െറ പ്രതീക്ഷയായി വളരുന്ന ജംഷാദ് എന്നിവരെയും ആദരിച്ചു. പോള്‍ കല്ലാനോടും വിനോദ് കോവൂരും കൂട്ടായ്മയിലെ ‘നേതാക്ക’ളായി.
നൂറോളം പേരാണ് സംഗമത്തിനെത്തിയത്. രഞ്ജിത്ത് വരുമെന്ന് അവസാനംവരെ പ്രതീക്ഷിച്ചെങ്കിലും അദ്ദേഹമെത്തിയില്ല. ഒടുവില്‍ ഫോണിലൂടെ അദ്ദേഹം സന്ദേശം നല്‍കി.  ഗാനമേളയായിരുന്നു അവസാനത്തെ ഇനം. ഇതില്‍ എല്ലാവരും പാട്ടുകാരായി.  ഒമ്പതുമണിയോടെ കോഴിക്കോട്ടുകാര്‍ സ്ക്രീനില്‍ കാണാമെന്ന് പറഞ്ഞ് പിരിഞ്ഞു.

കുറ്റിക്കാട്ടൂര്‍: മാമ്പുഴ കൈയേറ്റം കണ്ടെത്തുന്നതിനുള്ള സര്‍വേ നടപടികള്‍ വേണ്ടത്ര ജീവനക്കാരില്ലാത്തത് കാരണം വൈകുന്നു. റവന്യൂ വകുപ്പിനു കീഴില്‍ സര്‍വേ പൂര്‍ത്തീകരിച്ച് നടപടികള്‍ എടുക്കുമെന്ന് വകുപ്പുമന്ത്രി തിരുവഞ്ചൂര്‍ രാധാകൃഷ്ണന്‍ നിയമസഭയില്‍ പറഞ്ഞിരുന്നു. ഇതേതുടര്‍ന്നാണ് പ്രാഥമിക സര്‍വേ നടത്തി പുഴ കൈയേറ്റം ബന്ധപ്പെട്ടവര്‍ക്ക് റിപ്പോര്‍ട്ട് നല്‍കിയത്. തുടര്‍ന്നാണ് സമ്പൂര്‍ണ സര്‍വേക്കുള്ള നടപടികള്‍ക്ക് പഞ്ചായത്തുകള്‍ ശിപാര്‍ശചെയ്തത്. ഒളവണ്ണ, പെരുമണ്ണ, പെരുവയല്‍ പഞ്ചായത്തുകളില്‍ മിക്കയിടങ്ങളിലും കൈയേറ്റം നടന്നിട്ടുണ്ടെന്ന് കണ്ടെത്തിയതിനെതുടര്‍ന്നാണ് അടിയന്തരമായി സര്‍വേ പൂര്‍ത്തീകരിക്കണമെന്ന് മാമ്പുഴ സംരക്ഷണ സമിതി ബന്ധപ്പെട്ടവര്‍ക്ക് നിവേദനം നല്‍കിയത്.
റവന്യൂ വകുപ്പില്‍ സര്‍വേ വിഭാഗത്തില്‍ ഇപ്പോഴുള്ള ജീവനക്കാരെ അധികവും റീസര്‍വേ പ്രവര്‍ത്തനങ്ങള്‍ക്ക് ചുമതലപ്പെടുത്തിയതുകൊണ്ടാണ് സര്‍വേ നടപടികള്‍ വൈകുന്നതെന്ന് ബന്ധപ്പെട്ടവര്‍ പറയുന്നു. മാത്രമല്ല, സര്‍വേ നടത്തി അതിര്‍ത്തിനിര്‍ണയിക്കുന്നതിനുള്ള കല്ലുകള്‍ ഇപ്പോള്‍ സ്റ്റോക്കില്ളെന്നും ഇവര്‍ പറഞ്ഞു. പുഴ സംരക്ഷണത്തിനുള്ള പദ്ധതികള്‍ നടപ്പാക്കണമെങ്കില്‍ സര്‍വേ നടപടികള്‍ പൂര്‍ത്തീകരിക്കേണ്ടതുണ്ട്. കുറ്റിക്കാട്ടൂര്‍ മുതല്‍ ഒളവണ്ണ വരെയാണ് സര്‍വേ നടത്തേണ്ടത്. ഇതിനുള്ള ചെലവുകള്‍ പുഴ കടന്നുപോകുന്ന പഞ്ചായത്തുകള്‍ വഹിക്കുമെന്ന് റവന്യൂ വിഭാഗത്തെ അറിയിച്ചിരുന്നു. പെരുമണ്ണ പഞ്ചായത്ത് പ്രസിഡന്‍റ് എ.പി. പിതാംബരന്‍, പുഴ സംരക്ഷണ സമിതി സെക്രട്ടറി പി. കോയ, അബ്ദുല്ലത്തീഫ് പയ്യടിമേത്തല്‍ എന്നിവര്‍ അസി. തഹസില്‍ദാര്‍ സുബ്രഹ്മണ്യനെ നേരില്‍ കണ്ട് സര്‍വേ നടത്താന്‍ അടിയന്തര നടപടികള്‍ എടുക്കണമെന്ന് ആവശ്യപ്പെട്ടിരുന്നു. ജീവനക്കാരെ ലഭിക്കുന്നതനുസരിച്ച് സര്‍വേ പൂര്‍ത്തീകരിക്കുമെന്ന് അസി. തഹസില്‍ദാര്‍ സുബ്രഹ്മണ്യന്‍ പറഞ്ഞു.

പനി കൊല്ലില്ല എന്നത് ഒരു പഴഞ്ചൊല്ലാണ്. ചികഞ്ഞെടുക്കാന്‍ ഇതില്‍ പതിരില്ല എന്നു പറയാം. എന്തെന്നാല്‍, പനി എന്നു പറയുന്ന അവസ്ഥയുണ്ടാക്കുന്നത് വൈറസ് അല്ല. മറിച്ച് ശരീരത്തിന്‍െറതന്നെ ഒരു പ്രതിരോധ സംവിധാനമാണ്.   ശരീരം നമ്മോട് വിശ്രമം ആവശ്യപ്പെടുന്നു. അതിനെ വിശ്രമിക്കാന്‍ അനുവദിക്കുക. ഏതു രോഗത്തിന്‍െറയും ഒന്നാമത്തെ ചികിത്സ വിശ്രമമാണ്. പരിചരണവും ഭക്ഷണ, പാനീയ  നിയന്ത്രണവുമെല്ലാം ഇതില്‍പ്പെടും. ഇന്‍ഫ്ളുവന്‍സ, ഡെങ്കിപ്പനി, ചികുന്‍ഗുനിയ, പന്നിപ്പനി (എച്ച്1 എന്‍1) തുടങ്ങിയ വൈറല്‍ രോഗങ്ങളുടെ പ്രത്യേകത മനസ്സിലാക്കേണ്ടതുണ്ട്. ഏതാണ്ട് ഒരേ ഗണത്തില്‍പ്പെട്ട ഈ പനികള്‍ പെട്ടെന്നൊരു ദിവസം പൊട്ടിമുളച്ചതല്ല.  ഏതു കാലത്തും ഏത് സീസണിലും സംഭവിക്കാവുന്നതാണ്. ഈ പനിയോ  വൈറസോ ഒരാളെയും  കൊല്ലാന്‍ ശേഷിയുള്ളതല്ല. പിന്നെന്തുകൊണ്ട്  ഇത്രയധികം  മരണങ്ങള്‍?  ഇതിന് വ്യക്തമായ ഒരുത്തരമുണ്ട്. പത്രഭാഷയില്‍  വൈദ്യശാസ്ത്രം ഇരുട്ടില്‍  തപ്പുന്നു എന്നൊക്കെ പറയാമെങ്കിലും ഇവിടെ ആരും ഇരുട്ടില്‍ തപ്പുന്നില്ല എന്നതാണ് സത്യം. നമ്മള്‍  തുറന്നു കാണുക. കൊലയാളികളെ തിരിച്ചറിയുക: മേല്‍പ്പറഞ്ഞ രോഗങ്ങള്‍ക്ക് കാരണമായ വൈറസുകള്‍ക്ക്് മരുന്നില്ല എന്നാണ് അലോപ്പതി വൈദ്യശാസ്ത്രം പറയുന്നത്. ആന്‍റി  വൈറല്‍  മരുന്നുകള്‍ക്കായി ഗവേഷണങ്ങള്‍ എത്രയോ  നടക്കുന്നുണ്ട്. അതൊക്കെ  പോകട്ടെ, സാധാരണ അംഗീകാരമുള്ള  ഏതൊരു അലോപ്പതി  ഡോക്ടറും പഠിക്കുന്ന ഒൗഷധപാഠത്തില്‍ ഇതിന് ഉദ്ദേശിക്കുന്ന ചികിത്സ എന്താണെന്ന് ജനങ്ങള്‍ അറിയണം. ‘വിരലിലെണ്ണാവുന്ന  ദിവസം മാത്രം മനുഷ്യശരീരത്തില്‍ ജീവിച്ചിട്ട് ഈ വൈറസ് സ്വയം നശിക്കുന്നു. അതോടെ രോഗി ക്ഷീണാവസ്ഥ കടന്ന് ആരോഗ്യവാനായി തീരുന്നു. ഇതാണ് സത്യം. രോഗാവസ്ഥയില്‍ പൂര്‍ണ വിശ്രമം മാത്രം മതിയാകും. ലഘുവായ ആഹാരം. അസഹനീയമായ വേദനയോ പനിയോ അനുഭവപ്പെട്ടാല്‍ വേണമെങ്കില്‍ പാരാസെറ്റമോള്‍ പോലെയുള്ള  മരുന്നുകള്‍ മിതമായി (തുടര്‍ച്ചയായിട്ടല്ല എന്നത് പ്രത്യേകം ശ്രദ്ധിക്കണം) കൊടുക്കാം. പക്ഷേ, ഒരു കാരണവശാലും ആന്‍റി ബയോട്ടിക്കുകള്‍ കൊടുക്കരുത്.’ എല്ലാ രോഗങ്ങള്‍ക്കും ദിവ്യ ഒൗഷധമല്ല ആന്‍റി ബയോട്ടിക്കുകള്‍. വൈറസ് ബാധയില്‍ ക്ഷീണിതമായിരിക്കുന്ന  ശരീരത്തിന് അവ ഹാനികരമാണ്. ആന്‍റി ബയോട്ടിക്കുകളും  പാരാസെറ്റമോളിന്‍െറ അമിത ഉപയോഗവും കരള്‍, വൃക്ക എന്നിവയുടെ പ്രവര്‍ത്തനത്തെ ദോഷകരമായി ബാധിച്ച് മരണകാരണമാകുമ്പോള്‍  എലിപ്പനി എന്നു മുദ്രകുത്തി  തടിതപ്പുകയല്ളേ  അലോപ്പതി ഡോക്ടര്‍മാര്‍ ചെയ്യുന്നത്?ചികിത്സ ഇല്ല എന്ന് അലോപ്പതി വൈദ്യം അസന്ദിഗ്ധമായി പ്രഖ്യാപിക്കുന്ന  വൈറസിന് എന്തിന് ആന്‍റിബയോട്ടിക്കുകള്‍ നല്‍കുന്നു? ഇന്‍ഫ്ളുവന്‍സ, ഡെങ്കിപ്പനി, ചികുന്‍ഗുനിയ എന്നിങ്ങനെയുള്ള  രോഗങ്ങള്‍ ബാധിച്ചവര്‍ക്ക്  ശക്തിയേറിയ മരുന്നുകള്‍  അപകടം ഉണ്ടാക്കും എന്നുള്ള ഒൗഷധവിജ്ഞാനീയത്തെ അവഗണിക്കാന്‍ ഡോക്ടര്‍മാര്‍ക്കെങ്ങനെ  ധൈര്യം വന്നു. അവര്‍, മെഡിക്കല്‍ എത്തിക്സിനോടും ജനങ്ങളോടുമാണോ കൂറുപുലര്‍ത്തുന്നത്, അതോ മരുന്നു കമ്പനികളുടെ പ്രലോഭനങ്ങളോടോ?  മനുഷ്യന്‍െറ പ്രതിരോധശേഷി കൂട്ടാന്‍ സഹായിക്കുന്ന ഹോമിയോപ്പതിയും ആയുര്‍വേദവും പോലുള്ള മരുന്നുകളുടെ സാധ്യത എന്താണിവര്‍ അവഗണിക്കുന്നത്? ശാസ്ത്ര സാങ്കേതിക  വിജ്ഞാനങ്ങളെയും കണ്ടുപിടിത്തങ്ങളെയും സ്വന്തമാക്കിക്കൊണ്ട്, അതെല്ലാം  ജനങ്ങളുടെ പണം കവരാനും  സ്വന്തം നിലനില്‍പ്  ഭദ്രമാക്കാനുമുള്ള ഉപാധിയാക്കുകയല്ളേ ആധുനിക വ്യവസായ വൈദ്യം.ഭയം എന്ന വ്യാധി: രോഗത്തെപ്പറ്റിയുള്ള ഭയം ഒന്നിനുപിറകെ മറ്റൊന്നായി പരക്കുകയാണ്. എലിപ്പനി, ഡെങ്കിപ്പനി, ചികുന്‍ഗുനിയ, എച്ച്1 എന്‍1, തുടങ്ങി ഏതൊക്കെ  വേഷങ്ങള്‍? ഇവയൊന്നും  മറ്റൊരു രാജ്യത്തും ഇത്രയധികം മരണകാരണങ്ങളുണ്ടാക്കിയിട്ടില്ല. ഇക്കാര്യത്തില്‍ ആരോഗ്യ വകുപ്പധികാരികള്‍ മറുപടി  പറയേണ്ട മറ്റൊരു പ്രശ്നം കൂടിയുണ്ട്. ഒട്ടും പേടിക്കാനില്ലാത്ത രോഗത്തെ  ഒരു ആളെക്കൊല്ലിയാക്കി പരിവര്‍ത്തിപ്പിച്ചതു കൂടാതെ, രോഗത്തെപ്പറ്റിയുള്ള  ഭയം പരത്തുകകൂടിയാണ് ചെയ്യുന്നത്. രാഷ്ട്രീയ പ്രസംഗകര്‍ മുതല്‍ മാധ്യമങ്ങള്‍ വരെ ഇതില്‍ അറിഞ്ഞോ അശ്രദ്ധകൊണ്ടോ പങ്കാളികളാകുന്നു.  രോഗഭയം  ഒരു ഹിസ്റ്റീരിയ പോലെ പടര്‍ന്നുപിടിക്കുന്നു. പനിയെയും ജലദോഷത്തെയും ജനം ഭയന്നുതുടങ്ങിയാല്‍ പിന്നെന്തിനാണ്  ചികിത്സാ സമ്പ്രദായങ്ങളും പുരോഗമനവും? ഈ ഫോബിയ  മൂലമുണ്ടാകുന്ന ശാരീരിക-മാനസിക  ക്ളേശങ്ങളും  പാര്‍ശ്വഫലങ്ങളും ആരുടെയെങ്കിലും  ഗവേഷണത്തിന് വിധേയമാകുന്നുണ്ടോ? ഇമ്യൂണിറ്റി: രോഗം ബാധിച്ച ശരീരത്തെ ശത്രുതയോടെ കാണുക, അതിന്മേല്‍ ശത്രുസേനക്കെതിരെയെന്നപോലെ  യുദ്ധം അഴിച്ചുവിടുകപണ്ടൊക്കെ പനിയെന്നു പറഞ്ഞ് ചെല്ലുന്ന രോഗികളോട് ഡോക്ടര്‍മാര്‍ പറയും: ‘സാരമില്ല...’ ഈ സാന്ത്വനം ഇന്ന് ഡോക്ടര്‍മാരില്‍നിന്നുണ്ടാകുന്നില്ല. ‘സാരമുണ്ട്’ എന്നാണവര്‍ പറയുക,  അല്ളെങ്കില്‍  അവര്‍ക്ക് ചുറ്റിലും നിരത്തിയിരിക്കുന്ന ഉപകരണങ്ങള്‍ പറയുക. അതും പോരെങ്കില്‍ ലബോറട്ടറി റൂമുകള്‍,  ആധുനികയന്ത്രങ്ങള്‍  ഒക്കെയും സാരമുണ്ടെന്നു  തന്നെ പറഞ്ഞുകൊണ്ടേയിരിക്കുന്നു. ഇതൊരു മുതലാളിത്ത മിടുക്കാണ്. ചെറിയ മുറിവിനെയും പനിയെയും തുമ്മലിനെയുമൊക്കെ  സങ്കീര്‍ണമായ ഒരു രോഗാവസ്ഥയാക്കി മാറ്റുക, ഇങ്ങനെ രോഗികളാക്കി, പിന്നെ  ഇരകളാക്കി  നശിപ്പിക്കപ്പെടുന്നത് മലയാളികളാണ് എന്നത് അദ്ഭുതമാണ്. അഭ്യസ്ത വിദ്യരെന്നഭിമാനിക്കുകയും സമ്പാദിച്ചുകൂട്ടുന്ന പണത്തിന്‍െറ ഒരു പങ്കു കൊണ്ട് ഏതു നിമിഷവും വിലക്കുവാങ്ങാവുന്ന ഒന്നാണ് ‘ഇമ്യൂണിറ്റി’ അഥവാ രോഗ പ്രതിരോധശേഷി എന്ന് വിശ്വസിക്കുകയും ചെയ്യുന്നവരാണ് മലയാളികള്‍. ഈ പണത്തിനുമേല്‍ കണ്ണു വെച്ചുകൊണ്ടുയരുന്ന ബഹുനില  ചികിത്സാലയങ്ങളും അവയിലെ ഇറക്കുമതി ചെയ്ത ഉപകരണങ്ങളും കാറില്‍ കറങ്ങിനടന്ന് ടൈംടേബിള്‍ വെച്ച് വിസിറ്റ്  ചെയ്യുന്ന സ്പെഷലിസ്റ്റുകളുമെല്ലാം  വെറും മോക്ഷകാംക്ഷികള്‍ മാത്രമോ?
ഭീഷണികള്‍: ചികുന്‍ഗുനിയയും പന്നിപ്പനിയും നാളെ അവസാനിച്ചേക്കാം. പക്ഷേ, അടുത്ത രോഗാണു പിന്നാലെ വരും, മറ്റൊരു പേരുമായി. അതും ഒരു വൈറസിന്‍െറ വികൃതിയായി തന്നെ  ചിത്രീകരിക്കപ്പെടും. ചികിത്സയില്ലാത്ത  വൈറസിനെ  ചികിത്സിക്കാന്‍ മരുന്നുകളുമായി ആധുനിക  വൈദ്യന്മാരെത്തും. മരുന്നുല്‍പാദകര്‍  അവരുടെ ‘ടാര്‍ഗറ്റ്’ തികക്കുമ്പോള്‍ അസുഖങ്ങളും അരങ്ങൊഴിയും. ഇവയെ നേരിടാന്‍ കേന്ദ്രസഹായം പോയിട്ട് സാക്ഷാല്‍  ദൈവത്തിന്‍െറ സഹായംപോലും മതിയാവില്ല.
യഥാര്‍ഥ രോഗം മനസ്സിലാക്കാന്‍ കഴിവുള്ള ജനത, ഇച്ഛാശക്തിയും യാഥാര്‍ഥ്യ ബോധവുമുള്ള ഭരണനേതൃത്വം, മെഡിക്കല്‍ എത്തിക്സിനോട് അഥവാ മനുഷ്യരോട് പ്രതിബദ്ധതയുള്ള ചികിത്സകര്‍, സര്‍വോപരി ഇവരെയെല്ലാം നയിക്കാന്‍തക്ക ശക്തിയും തിരിച്ചറിവുമുള്ള മാധ്യമപ്രവര്‍ത്തനം- ഇത്രയും ഒരേപോലെ നിലനില്‍ക്കുന്ന സമൂഹത്തിനേ ആരോഗ്യം നിലനിര്‍ത്താനും സംരക്ഷിക്കാനുമാകൂ. അനാവശ്യ മരുന്നുകളുടെയും വാക്സിനുകളുടെയും പ്രചാരണവും വില്‍പനയും തടയാനുള്ള ആര്‍ജവം നാം കാണിക്കണം.
മരുന്നിന്‍െറയും രോഗത്തിന്‍െറയും രാഷ്ട്രീയം നാം അവഗണിച്ചുകൂടാ. ഓരോ പുതിയ രോഗങ്ങളും മൂന്നാം ലോക രാജ്യങ്ങളിലേക്കാണ് ഇന്ന് വിക്ഷേപിക്കപ്പെടുന്നത്. അനാവശ്യമായ വിഷങ്ങളും രാസവസ്തുക്കളും മരുന്നുകളുടെയും  വാക്സിനുകളുടെയും രൂപത്തില്‍ നമ്മുടെ ശരീരത്തിലേക്ക് എറിയപ്പെടുന്നു. ലോകത്തെവിടെയും വാക്സിനേഷന്‍ വേണ്ട എന്നു തീരുമാനിക്കാനുള്ള സ്വാതന്ത്ര്യം പൗരന്മാര്‍ക്കുണ്ടായിരിക്കെ  അതുപോലും അടിച്ചേല്‍പിക്കുന്നതിന് നമ്മള്‍ സാക്ഷികളാണ്. മരുന്നുകളുടെയും വാക്സിന്‍െറയും ദൂഷ്യഫലം  അനുഭവിച്ച ആളുകള്‍ ഓരോ  മനുഷ്യന്‍െറയും  പരിചയ വലയത്തിലുണ്ടാകും. വിദഗ്ധമായി അതു മറയ്ക്കപ്പെടുന്നു എന്നു മാത്രം. 2000ാമാണ്ടില്‍ എല്ലാവര്‍ക്കും ആരോഗ്യവും 2010ാമാണ്ടില്‍ എല്ലാവര്‍ക്കും രോഗവും എന്നതായിരുന്നോ ഡബ്ള്യു.എച്ച്.ഒയുടെ ലക്ഷ്യമെന്നും സംശയിക്കേണ്ടിയിരിക്കുന്നു. രോഗം മാറുന്നതുവരെ കിടക്കയില്‍തന്നെ വിശ്രമിക്കാനാണ് ഒൗഷധവിജ്ഞാനീയം ആവശ്യപ്പെടുന്നത്. പനിയുടെ ഒരു കോംപ്ളിക്കേഷന്‍ കുട്ടികളിലുണ്ടാക്കുന്ന ഫിറ്റ്സ് ആണ്. രണ്ടു വയസ്സിനു താഴെ ഫിറ്റ്സ് ഉണ്ടായ കുട്ടികളാണെങ്കില്‍  പനി കൂടുന്ന സമയത്ത് നെറ്റിയില്‍  തുണി നനച്ചിട്ടുകൊടുത്താല്‍ മതിയാകും. പനി കുറയുന്നതുവരെ അത് തുടരുക. നമ്മുടെ കുട്ടികള്‍ക്ക് അവകാശപ്പെട്ട പരിചരണം എന്ന സ്നേഹാംശത്തിന് പകരംനില്‍ക്കാന്‍ ഏതു മരുന്നാണ് തിരഞ്ഞെടുക്കുക!  ബന്ധനങ്ങളുടെയും മൂല്യങ്ങളുടെയും നഷ്ടത്തെപ്പറ്റി പ്രസംഗിച്ചാല്‍ മാത്രം മതിയോ മലയാളിക്ക്? പനിയിലെ രാഷ്ട്രീയത്തെ, അഥവാ ശരീരത്തിന്‍െറ  രാഷ്ട്രീയത്തെ ചികിത്സിച്ചാല്‍ മാത്രമേ നമുക്കും നാം തെരഞ്ഞെടുക്കുന്ന  ഭരണകൂടത്തിനും ചികുന്‍ഗുനിയയും എലിപ്പനിയുമൊക്കെ  ചികിത്സിച്ചുമാറ്റാന്‍ കഴിയൂ; ഇനി വരാനിരിക്കുന്ന രോഗങ്ങളെയും ചികിത്സിക്കാനും പ്രതിരോധിക്കാനുമാവൂ.(കോഴിക്കോട് മലാപറമ്പ് ഹോമിയോപ്പതി സ്പെഷ്യാലിറ്റി സെന്‍ററിലെ ഡോക്ടറാണ് ലേഖകന്‍)

വിശേഷാല്‍ പൂജകള്‍ ഭക്തിപ്രഭാഷണങ്ങള്‍ കലാപരിപാടികള്‍ ദിവസം മുഴുവനും അരങ്ങേറും നാലിനു പുസ്തകങ്ങളും ആയുധങ്ങളും പൂജയ്ക്കുവെക്കും. കേരളത്തിലെ എല്ലാ കളരിമുറ്റത്തും ആയുധം വെച്ചുള്ള പൂജകള്‍ നടക്കും. വാഹനപൂജയും ചില ക്ഷേത്രങ്ങളില്‍ ഉണ്ടാകും.
മഹാനവമി നാളായ അഞ്ചിനു അടച്ച പൂജയും ആറിനു വിദ്യാരംഭവും നടക്കും.
തളി ബ്രാഹ്മണ സമൂഹ മഠത്തില്‍ നവരാത്രി ഉത്സവം 28 മുതല്‍ ഒമ്പതുദിവസം നീണ്ടുനില്‍ക്കും. ബൊമ്മക്കൊലു, തിരുവിളക്ക് പൂജ, ജപഹോമം, ക്രമാര്‍ച്ചന, ലളിതാസഹസ്രനാമം എന്നിവയുണ്ടാകും.

കുറ്റിക്കാട്ടൂര്‍ :പെരുവയല്‍ പഞ്ചായത്തിലെ വീട് ,കെട്ടിട നികുതി  അടക്കാന്‍  കഴിയാത്തവര്‍ക്ക് ഒക്ടോ :10 ,21 ദിവസങ്ങളില്‍സൗകര്യം .ഒക്ടോ:10കുറ്റിക്കാട്ടൂര്‍ ടൌണ്‍ ,21ചാലിയിറക്കല്‍ എന്നിവടങ്ങളില്‍   നികുതി അടക്കാന്‍ സംവിധാനം ഏര്‍പ്പെടുത്തുന്നു .ഈ ദിവസം
രാവിലെ 10 .30 മുതല്‍ പണം സ്വീകരിക്കുമെന്ന് ബന്ധപ്പെട്ടവര്‍ അറിയിച്ചു

കുറ്റിക്കാട്ടൂര്‍ മുണ്ട് പാലം റോഡില്‍ പോസ്റ്റില്‍ ഇടിച്ചു തകര്‍ന്ന ഓട്ടോ .ആര്‍ക്കും പരിക്കില്ല ഫോട്ടോ പ്രവീണ്‍