കുറ്റിക്കാട്ടൂര്‍: പ്രിയപ്പെട്ടവരെ നാം ഇടതുഭാഗത്ത് ഹൃദയത്തോട് ചേര്‍ത്തുവെക്കാറുണ്ടെങ്കിലും വെള്ളിപറമ്പ് മുളയത്ത് അബൂബക്കര്‍ പ്രിയമേറിയവര്‍ക്ക് വലതുഭാഗത്തേ ഇടംനല്‍കൂ. കാരണം ഇദ്ദേഹത്തിന്‍െറ ഹൃദയം കുടികൊള്ളുന്നത് വലതുഭാഗത്താണ്. 10 ലക്ഷത്തില്‍ ഒരാള്‍ക്ക് മാത്രമാണ് ഡെക്സ്ട്രോകാര്‍ഡിയ (വലതുഭാഗത്തെ ഹൃദയം) എന്ന പ്രതിഭാസം കണ്ടുവരാറുള്ളതെന്ന് ഹൃദ്രോഗ വിദഗ്ധര്‍ പറയുന്നു.
തലകറക്കത്തെ തുടര്‍ന്ന് ഇദ്ദേഹം 2005ല്‍ മെഡിക്കല്‍ കോളജ് ആശുപത്രിയിലത്തെി ഇ.സി.ജി എടുത്തപ്പോള്‍ നഴ്സുമാര്‍ ‘ഹൃദയം കാണാതെ’ അദ്ഭുതപ്പെട്ടു. ഡോക്ടറുടെ നിര്‍ദേശപ്രകാരം വലതുഭാഗത്ത് പരിശോധിച്ചപ്പോഴാണ് സജീവമായി മിടിക്കുന്ന ഹൃദയം കാണപ്പെട്ടത്.
55 വയസ്സുകാരനായ അബൂബക്കര്‍ വെള്ളിപറമ്പില്‍ നാളികേര-പലചരക്ക് കട നടത്തിവരുകയാണ്.
പരേതനായ മുളയത്ത് ബീരാന്‍കോയ-ഫാത്തിമ ദമ്പതികളുടെ നാലു മക്കളില്‍ രണ്ടാമനാണ് ഇദ്ദേഹം. കലാ-സാംസ്കാരികരംഗങ്ങളിലും സജീവമാണ്.
ബക്കര്‍ വെള്ളിപറമ്പ് എന്ന തൂലികാനാമത്തില്‍ കലാസൃഷ്ടികള്‍ നടത്തുന്ന ഇദ്ദേഹം തനിമ കലാസാഹിത്യ വേദി പ്രവര്‍ത്തകനുമാണ്.
ബലിപെരുന്നാളിനോടനുബന്ധിച്ച് കോഴിക്കോട് ടൗണ്‍ഹാളില്‍ തനിമയൊരുക്കുന്ന പെരുന്നാള്‍ വിരുന്നില്‍ ഇദ്ദേഹം രചനയും സംവിധാനവും നിര്‍വഹിച്ച ‘നിയ്യത്ത്’ എന്ന നാടകം അരങ്ങേറും

 കുറ്റിക്കാട്ടൂര്‍: വിവിധ ക്രിമിനല്‍ കേസുകളിലെ പ്രതി പെരിങ്ങൊളം മണ്ണംപറമ്പത്ത് ഷിജു എന്ന ടിങ്കു (26) പൊലീസിനെ ഭയന്ന് കോഴിക്കോട് ഒന്നാം കോടതിയുടെ ഒന്നാം നിലയില്‍നിന്ന് ചാടി രക്ഷപ്പെടാന്‍ ശ്രമിച്ചു. കാര്യമായ പരിക്കേല്‍ക്കാതെ രക്ഷപ്പെട്ട പ്രതിയെ പൊലീസ് അറസ്റ്റ് ചെയ്തു. മറ്റൊരു കേസുമായി ബന്ധപ്പെട്ട് കോടതിയില്‍ ഹാജരാവുന്നുണ്ടെന്നറിഞ്ഞാണ് ചേവായൂര്‍ സി.ഐ പ്രകാശന്‍ പടന്നയിലിന്‍െറയും കുന്ദമംഗലം എസ്.ഐ കെ. സജീവന്‍െറയും നേതൃത്വത്തില്‍ വ്യാഴാഴ്ച ഉച്ചക്ക് ഒരു മണിയോടെ കോടതിയിലത്തെിയത്. ഗുണ്ടാനിയമം ചുമത്തിയാണ് പൊലീസ് ഇയാളെ അറസ്റ്റ് ചെയ്തത്. കുപ്രസിദ്ധ കുറ്റവാളി കാക്ക രഞ്ജിത്തിന്‍െറ കൂട്ടാളിയാണ് ഇയാളെന്ന് പൊലീസ് പറഞ്ഞു. കഴിഞ്ഞ ഏഴുവര്‍ഷത്തിനുള്ളില്‍ 11 ക്രിമിനല്‍ കേസുകളില്‍ പ്രതിയാണ്. ജില്ലാ കലക്ടറുടെ ഉത്തരവനുസരിച്ച് കരുതല്‍ തടങ്കല്‍ എന്ന നിലയിലാണ് അറസ്റ്റ്. പെരിങ്ങൊളം അങ്ങാടിയില്‍ വര്‍ഗീയ വിദ്വേഷമുണ്ടാക്കുന്നതിന് മുസ്ലിം പള്ളിക്ക് കല്ളെറിഞ്ഞ കേസിലും പ്രതിയാണ്. ഗുണ്ടാ ആക്ടില്‍പെട്ട പ്രതിയായതിനാല്‍ കോടതിയില്‍ ഹാജരാക്കാതെ ഇയാളെ ജയിലിലടക്കുമെന്ന് കുന്ദമംഗലം എസ്.ഐ കെ. സജീവന്‍ പറഞ്ഞു.

കുറ്റിക്കാട്ടൂരിലെ  ഓണ വിപണി

കുറ്റിക്കാട്ടൂര്‍ :  പച്ചക്കറി  സാധനങ്ങളുടെ  വില വര്ധന ഓണം വിപണിയെ ബാധിച്ചു  .അങ്ങാടികളില്‍ഓണത്തിന്റെ തലേ ദിവസം അനുഭവപ്പെടുന്ന തിരക്ക് ഇക്കുറി ഇല്ലന്നു കച്ചവടക്കാര്‍ .പൂവിനും വില വര്‍ധിച്ചിട്ടുണ്ട്.മഴ വിട്ടു മാറാത്തതു കൂലി തൊഴിലാളികളെ ബാധിച്ചതു ഓണത്തിന്റെ പകിട്ട് കുറച്ചു .ഇതിനിടെ സര്‍ക്കര്‍ മാവേലി സ്റ്റൊറുകളിലെ  സാധനങ്ങള്‍ക്ക് വില കൂട്ടുകയും ചെയ്തു ഏതായാലും തമിഴ് നാട്ടില്‍  നിന്നും  വരുന്ന വിഭവങ്ങള്‍ കൊണ്ട് മലയാളിക്ക് ഓണമൊരുക്കാം ..എല്ലാവര്ക്കും കുറ്റിക്കാട്ടൂര്‍ ന്യൂ സിന്റെ ഓണം ആശംസകള്‍...

ജമാഅത്തെ ഇസ്‌ലാമി ജില്ല സെക്രടറി ഷരീഫ് മാസ്റ്റര്‍ സംസാരിക്കുന്നു

കുറ്റിക്കാട്ടൂര്‍ : പ്രദേശത്തു നിന്നും ഹജ്ജിനു പോകുന്നവര്ക്ക് ഹിറ സെന്റര്‍കുറ്റിക്കാട്ടൂര്‍ ഹജ്ജ് യാത്രയയപ്പ് നല്കി .ചടങ്ങില്‍  ജമാഅത്തെ ഇസ്‌ലാമി ജില്ല സെക്രടറി ഷരീഫ് മാസ്റ്റര്‍ സന്ദേശം നല്‍കി .ടി കെ അബ്ദുള്ള അദ്ധ്യക്ഷനായിരുന്നു .റഹ്മാന്‍ കുറ്റിക്കാട്ടൂര്‍ ,ഡോ :കെ അബ്ദു റഹ്മാന്‍.ടി ഇബ്രാഹിം ,ഹമീദ് തടപറമ്പ .ടി ടി
കുഞ്ഞഹമ്മദ് ,അബ്ദുള്ളകോയ ചാലിയിറക്കല്‍,ആബിദ് എന്നിവര്‍ സംസാരിച്ചു .

കുറ്റിക്കാട്ടൂര്‍ :  റോഡരികിലെ കരിങ്കല്‍ കൂനയില്‍ തട്ടി ബൈക്ക് മറിഞ്ഞു പരിക്കേറ്റ കീഴ്മാട് നാല് കണ്ടത്തില്‍ ആലിക്കോയ നല്കിയ പരാതിയില്‍റോഡ്‌ കരാര്‍ കമ്പനിക്കെതിരെ മെഡിക്കല്‍  കോളേജ് പോലീസ് കേസെടുത്തു. കഴിഞ്ഞ ദിവസം  ഇവര്‍സഞ്ചരിച്ച  ബൈക് കുറ്റിക്കാട്ടൂര്‍ സര്‍വീസ് സ്റ്റേഷനടുത്ത്   റോഡരികില്‍കൂട്ടിയിട്ട കരിങ്കല്‍ കൂനയില്‍ തട്ടിബൈക്ക് മറിഞ്ഞു ആലി കൊയക്കും പേര മകനും പരിക്കേറ്റിരുന്നു .ഇവര നല്കിയ പരാതിയെ തുടര്ന്നാണ് നാഥ് കണ്‍ സ്ട്ര ക്ഷനും റോഡ്‌ എക്സി കുട്ടീവ് എഞ്ചിനീയര്‍ക്കും എതിരെ കേസെടുത്തത് .ഇത്തരം അപകടം നിരന്തരം ആവര്ത്തിച്ചിട്ടും ബന്ദ്ധപ്പെട്ടവര്‍ മൌനം പാലിക്കുകയായിരുന്നു .

കുറ്റിക്കാട്ടൂര്‍ : പുഴകൈയേറ്റമായി അളന്നുതിട്ടപ്പെടുത്തിയ ഭൂമിയില്‍ റോഡ് നിര്‍മിക്കാന്‍ ശ്രമമെന്ന് പരാതി. പയ്യടിമത്തേല്‍-കീഴ്മാട് വെള്ളിപറമ്പ് റോഡില്‍നിന്ന് മാമ്പുഴയുടെ കരഭാഗം കൈയേറിയാണ് റോഡ് മണ്ണിട്ട് ഉയര്‍ത്തുന്നത്.
നിലവിലെ റോഡ് അരികിലേക്ക് മാറ്റിനിര്‍മിക്കാനുള്ള സാമ്പത്തികബാധ്യത താങ്ങാനാവില്ളെന്ന നിലപാടിലാണ് റോഡിന്‍െറ ഗുണഭോക്താക്കള്‍. ഗ്രാമപഞ്ചായത്ത് ഫണ്ട് അനുവദിച്ച് റോഡ് പുനര്‍നിര്‍മിക്കാന്‍ സഹായിക്കണമെന്നാണ് നാട്ടുകാരുടെ ആവശ്യം

കുറ്റിക്കാട്ടൂര്‍; എ .ഡബ്ലി .യു. എച്.എന്ജ്ജിനീയറിംഗ്   കോളേജ് വിദ്യാര്‍ഥിയെ  ഹോസ്റ്റലില്‍ ആത്മഹത്യ ചെയ്ത നിലയില്‍ കണ്ടെത്തി .കുറ്റിക്കാട്ടൂര്‍ എ .ഡബ്ലി .യു. എച്.നാലാം വര്‍ഷ വിദ്യാര്‍ഥി സുഗീഷിനെ (21 )യാണ് കൂട്ടുകാരുടെ മുറിയില്‍ തൂങ്ങിയ നിലയില്‍ കണ്ടത് . പുതിയറ ഗീത നിവാസില്‍ ബോസിന്റെ മകനാണ് . ഇന്നലെ കോളേജില്‍  നിന്നും കൂട്ടുകാരോട് വിശ്രമിക്കനാനെന്നു പറഞ്ഞാണ് റൂമിന്റെ താക്കോല്‍ വാങ്ങി യത് .പിന്നീട് സുഗീഷിനെ കാണാത്തതിനെ തുടര്‍ന്ന് സുഹ്രത്തുക്കള്‍ മുറി തുറന്നു നോക്കിയതായിരുന്നു .മെഡിക്കല്‍ കോളേജ് ഇങ്ക്വസ്റ്റ് നടത്തി .പോസ്റ്റ് മോര്ട്ടത്തിനു ശേഷം പുതിയറ ശ്മശാനത്തില്‍ സംസ്കരിച്ചു .അമ്മ ഗീത ,സഹോദരന്‍ ഭാഗേഷ്‌ .

സര്‍ക്കാരിന്റെ ഇന്ധന നയത്തില്‍ പ്രതിഷേധിച്ചു ബ്രിട്ടീഷ്‌പാര്‍ലി മെന്റിലീക്ക് നടത്തിയ ബഹുജന മാര്ച്ച് (1979 )

കുറ്റിക്കാട്ടൂര്‍ ;ഇന്ധന വില വീണ്ടും വര്‍ദ്ധിപ്പിച്ചു ജനത്തിന്റെ നടുവൊടിക്കുന്ന സര്‍ക്കാര്‍ ക്രൂര നയം നടപ്പാക്കുമ്പോള്‍ രാജ്യം കൂടുതല്‍ സാമ്പത്തിക തകര്ച്ചയിലേക്ക് നീങ്ങുന്നു .ഈ വൈരുധ്യത്തിനു മുമ്പില്‍ രാഷ്ട്രീയ പാര്‍ടികളും സര്‍ക്കാര് എജന്സികളും പകച്ചു നില്ക്കുന്നത്   രാജ്യം കൂടുതല്‍  പ്രതിസന്ദ്ധിയിലേക്ക് നീങ്ങുന്നതിന്റെ സൂചനയാണ് നല്കുന്നത് .ഇതിനിടെ ഇന്ധന വില വീണ്ടും വര്‍ദ്ധിപ്പിച്ചതില്‍  പ്രതിഷേധിച്ചു ബുധനാഴ്ച വാഹന പണിമുടക്ക്‌ നടത്താന്‍  സംയുക്ത ട്രേഡ്യൂണിയന്‍ സമിതി ഒരുങ്ങുകയാണ് .  അസന്ഘടിത പൊതു ജനത്തിന്റെ നിസ്സന്ഗതയും രാഷ്ട്രീയ പാര്ട്ടികളുടെ നയമില്ലായ്മയും കാരണമാണ്ഇന്ത്യയില്‍  ഏ റ്റവും കൂടുതല്‍ ഉത് പാദ നമുണ്ടായിട്ടും അവശ്യ സാധനങ്ങള്ക്ക് വില വര്‍ദ്ധിച്ചത് . ഇടതുപക്ഷ് പ്രസ്ഥാനങ്ങള്‍  കോര്പ്പറേറ്റ് കളുടെ കടന്നു കയറ്റത്തിനെതിരെ മൌനം പാലിക്കുകയും മറ്റു പാര്‍ടികള്‍ ഇവര്ക്ക് ഒത്താശ നല്കുകയും  ചെയ്യുന്നത് കാരണം ജനം കൂടുത ല്‍ ദാരിദ്ര്യത്തിലേക് എടുത്തെറിയപ്പെടും .ഇടതുപക്ഷത്തിനു പാര്‍ടികള്‍ സരിതയിലും ശൈശവ വിവാഹവും പ്രശ്നമാകി യഥാര്ത വസ്ത്തുതകള്‍  ജനങ്ങളില്‍  നിന്നും മറച്ചു പിടിക്കുകയാണ് . ജനരോഷം പാര്‍ ലി മെന്റിലേക്ക് എത്തിക്കുന്നതില്‍  പാര്‍ട്ടികള്‍ പരാജയപ്പെടുകയാണ് .ഈ സമരമുറ  ഇപ്പോഴും പാശ്ചാത്യ രാജ്യങ്ങളില്‍ നടക്കുന്നുണ്ട് . ജനം പാര്‍ ലി മെന്റ്റ് വളയുന്നത് അവിടെ  സാധാരണയാണ് .