Thursday 26 September 2013
വെള്ളിപറമ്പിലെ ക്വട്ടേഷന്‍ ആക്രമണം: പിന്നില്‍ മകളുടെ ഭര്‍ത്താവെന്ന് പിതാവ്
കുറ്റിക്കാട്ടൂര്‍: ഞായറാഴ്ച വെള്ളിപറമ്പില്‍ ക്വട്ടേഷന്‍ സംഘം വീട്ടില്‍ക്കയറി ആക്രമിച്ചത്
കുടുംബ പ്രശ്നങ്ങളുടെ തുടര്‍ച്ചയെന്ന് കാമ്പുറത്ത് അബ്ദുറഹ്മാന്‍
വാര്‍ത്താസമ്മേളനത്തില്‍ ആരോപിചു . മകളുടെ ഭര്‍ത്താവ് മൊറയൂര്‍ സ്വദേശി
അബ്ദുല്‍ ലത്തീഫ് വാളപ്രിയാണ് ഇതിനു പിന്നില്‍. മകള്‍ സാലിഹത്തുമായുള്ള
വിവാഹ പ്രശ്നങ്ങളാണ് കാരണം. അബ്ദുല്‍ ലത്തീഫിന്‍െറ മോശം സ്വഭാവം കാരണം
വിവാഹമോചനത്തിന് കേസ് കൊടുത്തിരുന്നു. അത്
പിന്‍വലിക്കണമെന്നാവശ്യപ്പെട്ട് അബ്ദുല്‍ ലത്തീഫ് ഭീഷണിപ്പെടുത്തി.
ഭീഷണിക്കെതിരെ ഏപ്രിലില്‍ മെഡിക്കല്‍ കോളജ് സ്റ്റേഷനില്‍ പരാതി
നല്‍കിയിരുന്നു. അതിന്‍െറ പകപോക്കലാണ് നടന്നത്. ഇളയമകനെയും മൂത്ത മകന്‍െറ
ഭാര്യയെയും കുട്ടിയെയും ക്വട്ടേഷന്‍ സംഘം ആക്രമിച്ചു ഇതില്‍ ക്വട്ടേഷന്‍
സംഘത്തിലെ ചിലരെ പൊലീസ് അറസ്റ്റ് ചെയ്തിട്ടുണ്ട്.പന്തീരാങ്കാവ് പുളക്കര കൊതുക്കാട്ട് നിജാസിനെ (28) ആണ് മെഡിക്കല്‍ കോളജ്
പൊലീസ് അറസ്റ്റ് ചെയ്തത്. ഇയാള്‍ ക്വട്ടേഷന്‍ സംഘത്തില്‍പെട്ടയാളാണെന്ന്
പൊലീസ് പറഞ്ഞു. ഞായറാഴ്ച രാത്രി വെള്ളിപറമ്പ് പടിഞ്ഞാറെകണ്ടി കാമ്പുറത്ത്
അബ്ദുല്‍ സാലിഹിനെയാണ് വീട്ടില്‍ കയറി മര്‍ദിച്ചത്. സാലിഹ് മെഡിക്കല്‍
കോളജ് ആശുപത്രിയില്‍ ചികിത്സയിലാണ്. മൂന്ന് പ്രതികളെക്കൂടി
പിടികൂടാനുണ്ടെന്ന് പൊലീസ് അറിയിച്ചു.. അബ്ദുല്‍ ലത്തീഫിനെ കൂടി
കേസില്‍ പ്രതിയാക്കി അറസ്റ്റ് ചെയ്യണമെന്ന് അബ്ദുറഹ്മാന്‍ ആവശ്യപ്പെട്ടു.
അഹമ്മദ് സലാഹ്, സാലിഹത്ത് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
Subscribe to:
Post Comments (Atom)
No comments:
Post a Comment