Just in....!!!!!!
Thursday 8 October 2015
പെരുവയല് പഞ്ചായത്ത്: ഇരു മുന്നണികളിലും സീറ്റ് തര്ക്കം.
കുറ്റിക്കാട്ടൂര്: ഗ്രാമപഞ്ചായത്ത് ഭരണസമിതികളിലേക്ക് നാമനിര്ദേശ പത്രിക സമര്പ്പണം തുടങ്ങിയെങ്കിലും പെരുവയല് പഞ്ചായത്തില് ഇരു മുന്നണികളിലും സീറ്റ് തര്ക്കവും പൊതുസമ്മതനായ സ്വതന്ത്ര സ്ഥാനാര്ഥികള്ക്കുള്ള ക്ഷാമവും വഴിമുടക്കിനില്ക്കുന്നു. എസ്.സി സംവരണ പഞ്ചായത്തിലേക്ക് എല്.ഡി.എഫ് ഉയര്ത്തിക്കാട്ടുന്നത് പ്രതിപക്ഷ നേതാവായിരുന്ന കെ.എം. ഗണേശനെയാണ്. അദ്ദേഹത്തോട് എല്.ഡി.എഫ് വിജയിച്ച 21ാം വാര്ഡില് മത്സരിക്കാനാവശ്യപ്പെട്ടിരിക്കുകയാണ്. യു.ഡി.എഫ് ഒമ്പതാം വാര്ഡില് കോണ്ഗ്രസിലെ ദാസനെയും യൂത്ത് കോണ്ഗ്രസ് പാര്ലമെന്റ് മണ്ഡലം സെക്രട്ടറി ഷാജി പുന്നക്കലിനെ മൂന്നാം വാര്ഡിലും മത്സരിപ്പിക്കാന് തീരുമാനിച്ചതായാണ് വിവരം. ഇരുമുന്നണികളും ചെറിയ പാര്ട്ടികളെ വരുതിയില് നിര്ത്തി സ്വതന്ത്രന്മാരെ രംഗത്തിറക്കി മത്സരിപ്പിക്കാനും കിണഞ്ഞുശ്രമിക്കുന്നുണ്ട്.
കോണ്ഗ്രസിലെ എ, ഐ ഗ്രൂപ്തര്ക്കം രൂക്ഷമാണ്. ഐ ഗ്രൂപ്പിലെ രവികുമാര് പനോളിയെ മാറ്റിനിര്ത്തി എ ഗ്രൂപ്പില്പെട്ട ആളെ മത്സരിപ്പിക്കാനുള്ള ശ്രമം തകൃതിയാണ്. മുസ്ലിം ഭൂരിപക്ഷമുള്ള ചില വാര്ഡുകള് കോണ്ഗ്രസില്നിന്ന് മുസ്ലിംലീഗ് ആവശ്യപ്പെടുന്നതും വാര്ഡുകള് വെച്ചുമാറാന് കോണ്ഗ്രസ് തയാറാവാത്തതും കാരണം യു.ഡി.എഫ് ചര്ച്ച വഴിമുട്ടി.
എല്.ഡി.എഫില് പല വാര്ഡുകളിലും സ്വതന്ത്ര സ്ഥാനാര്ഥികളെ നിര്ത്തി മത്സരിപ്പിക്കാന് തീരുമാനിച്ചിട്ടുണ്ടെങ്കിലും സ്ഥാനാര്ഥി നിര്ണയം കഴിയാത്തതില് അണികള് നിരാശയിലാണ്.
ബി.ജെ.പിയാവട്ടെ, സ്ത്രീസംവരണ വാര്ഡുകളിലേക്ക് സ്ഥാനാര്ഥികളെ ലഭിക്കാതെ നെട്ടോട്ടത്തിലാണ്. പഞ്ചായത്ത് വിഭജനം യാഥാര്ഥ്യമാവാഞ്ഞതിനാലും നേരത്തേ യു.ഡി.എഫ് നേതാക്കള് വിജയിച്ച വാര്ഡുകള് സ്ത്രീസംവരണമായതിനാലും പ്രസിഡന്റുപദം എസ്.സി വിഭാഗത്തിനായതിനാലും പലരും നിരാശയിലാണ്. ഏതായാലും രണ്ടുമൂന്നു ദിവസങ്ങള്ക്കകം ചിത്രം വ്യക്തമാവുമെന്ന പ്രതീക്ഷയിലാണ് അണികള്.
കോണ്ഗ്രസിലെ എ, ഐ ഗ്രൂപ്തര്ക്കം രൂക്ഷമാണ്. ഐ ഗ്രൂപ്പിലെ രവികുമാര് പനോളിയെ മാറ്റിനിര്ത്തി എ ഗ്രൂപ്പില്പെട്ട ആളെ മത്സരിപ്പിക്കാനുള്ള ശ്രമം തകൃതിയാണ്. മുസ്ലിം ഭൂരിപക്ഷമുള്ള ചില വാര്ഡുകള് കോണ്ഗ്രസില്നിന്ന് മുസ്ലിംലീഗ് ആവശ്യപ്പെടുന്നതും വാര്ഡുകള് വെച്ചുമാറാന് കോണ്ഗ്രസ് തയാറാവാത്തതും കാരണം യു.ഡി.എഫ് ചര്ച്ച വഴിമുട്ടി.
എല്.ഡി.എഫില് പല വാര്ഡുകളിലും സ്വതന്ത്ര സ്ഥാനാര്ഥികളെ നിര്ത്തി മത്സരിപ്പിക്കാന് തീരുമാനിച്ചിട്ടുണ്ടെങ്കിലും സ്ഥാനാര്ഥി നിര്ണയം കഴിയാത്തതില് അണികള് നിരാശയിലാണ്.
ബി.ജെ.പിയാവട്ടെ, സ്ത്രീസംവരണ വാര്ഡുകളിലേക്ക് സ്ഥാനാര്ഥികളെ ലഭിക്കാതെ നെട്ടോട്ടത്തിലാണ്. പഞ്ചായത്ത് വിഭജനം യാഥാര്ഥ്യമാവാഞ്ഞതിനാലും നേരത്തേ യു.ഡി.എഫ് നേതാക്കള് വിജയിച്ച വാര്ഡുകള് സ്ത്രീസംവരണമായതിനാലും പ്രസിഡന്റുപദം എസ്.സി വിഭാഗത്തിനായതിനാലും പലരും നിരാശയിലാണ്. ഏതായാലും രണ്ടുമൂന്നു ദിവസങ്ങള്ക്കകം ചിത്രം വ്യക്തമാവുമെന്ന പ്രതീക്ഷയിലാണ് അണികള്.
Subscribe to:
Post Comments (Atom)
No comments:
Post a Comment