Just in....!!!!!!
Saturday 8 December 2012
കോഴിക്കോട് കലക്ടര്ക്കു നേരെ മണല് മാഫിയയുടെ ആക്രമണം
കോഴിക്കോട് ജില്ലാ കലക്ടര് കെ.വി മോഹന്കുമാറിനു നേരെ മണല്മാഫിയയുടെ ആക്രമണം. പുലര്ച്ചെ മൂന്ന് മണിയോടെ അനധികൃതമായി മണല് കടത്തുന്ന ലോറിയെ പിന്തുടരുമ്പോഴായിരുന്നു സംഭവം. കലക്ടര് സഞ്ചരിച്ചിരുന്ന വാഹനത്തിനു മീതെ മണല് ഇറക്കി മണല് മാഫിയ രക്ഷപ്പെടുകയായിരുന്നു.
അനധികൃതമായി മണല് കടത്തുന്ന ലോറിയെ അനുഗമിക്കുകയായിരുന്ന മണല് മാഫിയയുടെ വാഹനം കലക്ടര് സഞ്ചരിച്ചിരുന്ന വാഹനത്തെ കോഴിക്കോട് കണ്ണാടിക്കുളം റോഡില് വെച്ച് തടയുകയായിരുന്നു. ശേഷം കലക്ടര് സഞ്ചരിച്ചിരുന്ന വാഹനത്തിന് മീതെ മണല് ഇറക്കുകയായിരുന്നു.
അക്രമികളെ കണ്ടെത്താനോ ലോറി പിടിച്ചെടുക്കാനോ സാധിച്ചിട്ടില്ല. ലോറിയുടെ രജിസ്റ്റര് നമ്പര് കലക്ടര് ആര്.ടി.ഓക്ക് കൈമാറിയിട്ടുണ്ട്.
മണല് കടത്ത് പിടിക്കാന് റെയ്ഡിന് വരുമ്പോഴെല്ലാം ഉദ്യോഗസ്ഥരില് നിന്നു തന്നെ വിവരം ചോര്ന്ന് കിട്ടി മണല് മാഫിയ രക്ഷപ്പെടുന്നതിനാല് ഇത്തവണ കലക്ടര് തന്നെ നേരിട്ട് റെയ്ഡിന് ഇറങ്ങുകയായിരുന്നു.
Subscribe to:
Post Comments (Atom)
No comments:
Post a Comment