“All our knowledge has its origins in our perceptions.” വാര്‍ത്തകള്‍ അയക്കുക വാര്‍ത്തകള്‍ നല്‍കാന്‍ ആഗ്രഹിക്കുന്നുണ്ടെങ്കില്‍ മലയാളത്തില്‍ ടൈപ്പ് ചെയ്ത് താഴെ കാണുന്ന ഇ മെയില്‍ വിലാസത്തില്‍ അയക്കുക rahmanktkr@gmail.com Ph:9645006050

Just in....!!!!!!

Latest News

« »

Monday 18 February 2013

ഒച്ചിന്റെ വേഗതയില്‍ കലുങ്ക് നിര്‍മാണം ; റോഡില്‍ ഒരു മരണം കൂടി

കുറ്റിക്കാട്ടൂര്‍: ഒച്ചിന്‍െറ വേഗതയില്‍ നടക്കുന്ന കലുങ്ക് നിര്‍മാണം മേഖലയില്‍ അപകടം കൂട്ടുന്നു. അപകടങ്ങളും മരണങ്ങളും പെരുകിയിട്ടും നടപടിയെടുക്കാന്‍ അധികൃതരാരും തയാറായിട്ടില്ല. വെള്ളിയാഴ്ച രാവിലെ ഏഴോടെ റഹ്മാനിയ വികലാംഗ വിദ്യാലയത്തിനടുത്ത ഇറക്കത്തിലെ കലുങ്ക് നിര്‍മാണത്തിനടുത്തുവെച്ചാണ് നിയന്ത്രണം വിട്ട മിനി ലോറി ഇടിച്ച് മത്സ്യക്കച്ചവടക്കാരന്‍ പൂവാട്ടുപറമ്പ് പുതിയോട്ടില്‍ ബീരാന്‍ എന്ന യുവാവ് മരിച്ചത്.
 ഒരു മാസമായി റോഡിന്‍െറ പാതിഭാഗത്ത് വന്‍ കിടങ്ങ് കീറി പൈപ്പിന്‍െറയും മറ്റും പ്രവൃത്തി നടന്നു വരുന്നുണ്ട്. റോഡിന് വീതിയില്ലായ്മയും ഇറക്കവും വളവും അപകട സാധ്യതക്ക് ആക്കം കൂട്ടുന്നു. ഇവിടെ നിരവധി തവണ ഇരുചക്ര, മുച്ചക്ര വാഹനങ്ങളും അപകടത്തില്‍പെട്ടിട്ടുണ്ട്. മെഡിക്കല്‍ കോളജ് മുതല്‍ പെരുവയല്‍ വരെയുള്ള റോഡ് നിര്‍മാണം പൂര്‍ത്തിയാവാതെ ചെറിയ വരമ്പുകള്‍ പ്രത്യക്ഷപ്പെട്ടതിനാല്‍ വാഹനയാത്ര ദുസ്സഹമായിട്ടുണ്ട്.

വെള്ളിപറമ്പിലെ മീഡിയവണ്‍ സ്റ്റുഡിയോക്കു മുന്നിലും ആറേരണ്ടിലുള്ള കലുങ്ക് നിര്‍മാണങ്ങള്‍ക്കടുത്തുവെച്ചും കഴിഞ്ഞ ദിവസങ്ങളില്‍ അപകടവും തുടര്‍ന്ന് ഗതാഗത സ്തംഭനവും ഉണ്ടായി. റോഡ് നിര്‍മാണത്തിലെ അഴിമതിയും ചില ഭാഗങ്ങളില്‍ പ്രവൃത്തിയിലുള്ള വന്‍ അപാകതകളും ചൂണ്ടിക്കാട്ടി നാട്ടുകാര്‍ പ്രതിഷേധ രംഗത്തുണ്ടെങ്കിലും അധികൃതര്‍ കണ്ണടച്ച മട്ടാണ്.  

No comments:

Post a Comment

Music

Share

Twitter Delicious Facebook Digg Stumbleupon Favorites More