ജന ജാഗ്രത സദസിൽ ബ്ലോക്ക് പഞ്ചായത്ത് പ്രസിഡണ്ട് രമ്യ ഹരിദാസ്  സംസാരിക്കുന്നു

കുറ്റിക്കാട്ടൂർ :മാലിന്യവും കയ്യേറ്റവും കൊണ്ട് നശിച്ചുകൊണ്ടിരിക്കുന്ന  
മാമ്പുഴയെ രക്ഷിക്കാൻ സംഘടിപ്പിച്ച ജന ജാഗ്രത സദസ്സ് ശ്രെദ്ധേയമായി . പുഴ വീണ്ടെടുക്കാനും അധികാരികളെ ഉണർത്താനും വേണ്ടി മാമ്പുഴ സംരക്ഷണ സമിതി കുറ്റിക്കാട്ടൂരിൽ  ഒരുക്കിയ   ജനജാഗ്രത സദസ്സ് മാമ്പുഴക്ക്‌ വേണ്ടി ഒറ്റക്കെട്ടായി രംഗത്തിറങ്ങാൻ തീരുമാനിച്ചു .

മാമ്പുഴ

പരിപാടിയുടെ ഉത്ഘാടനം കുന്നമംഗലം ബ്ലോക്ക് പഞ്ചായത്ത് പ്രസിഡണ്ട് രമ്യ ഹരിദാസ് നിർവഹിച്ചു  .നീരൊഴുക്ക് നിലച്ച  മാമ്പുഴയിൽ മാലിന്യം നിക്ഷേപിക്കുന്നത് നമ്മുടെ ശുചിത്വ ബോധം കാപട്യമാണെന്നാണ്
വെളിവാക്കുന്നത് .ഈ ബോധമില്ലായ്മ കൊണ്ട് നമ്മൾ   മാരക രോഗങ്ങൾ ഏറ്റു വാങ്ങേണ്ടി വരും .പുഴയിലെ മാലിന്യം നീക്കം ചെയ്യാൻ ജനങ്ങളുമായി ചേർന്ന് പദ്ധതികൾ നടപ്പാക്കുമെന്ന് രമ്യ ഹരിദാസ് പറഞ്ഞു .
ചടങ്ങിൽ  മാമ്പുഴ സംരക്ഷണ സമിതി കുറ്റിക്കാട്ടൂർ  യൂനിറ്റ്  പ്രസിഡണ്ട്
ഇ .മുജീബു റഹ്മാൻ അദ്ധ്യക്ഷനായിരുന്നു . പെരുവയൽ പഞ്ചായത്ത് പ്രസിഡണ്ട് വൈ വി ശാന്ത ,വാർഡ്‌ അംഗങ്ങളായ ആഷിക് ,പ്രസീത് .മുൻ വാർഡ്‌ മെമ്പർമാരായ പൊതാത്ത് മുഹമ്മദ്‌ ,അനീഷ്‌ പാലാട് ,കെ ഗണേശൻ  മാമ്പുഴ സംരക്ഷണ സമിതി കേന്ദ്ര കമ്മറ്റി   പ്രസിഡണ്ട് ടി കെ എ അസീസ്‌ ,ബാബു പെങ്കാട്ടിൽ ,ഷാഹുൽ ഹമീദ് തടപ്പറമ്പ് ,പി കോയ ,അബ്ദുല്ലത്തീഫ് കെ പി ഷെയ്ഖ്‌ മുഹമ്മദ്‌  എന്നിവർ സംസാരിച്ചു .
മാമ്പുഴ സംരക്ഷണ സമിതി കുറ്റിക്കാട്ടൂർ  യൂനിറ്റ്  സെക്രടറി സി രാജീവ്‌ സ്വാഗതവും  കേന്ദ്ര കമ്മറ്റി വൈസ്: പ്രസിഡണ്ട് റഹ്മാൻ കുറ്റിക്കാട്ടൂർ നന്ദിയും പറഞ്ഞു .