Just in....!!!!!!
Monday 7 March 2016
ലഹരി പുകയും പതയുമായി നാടിനെ വിഴുങ്ങുന്നു .ജാഗ്രതയുമായി നാട്ടുകാർ .
കുറ്റിക്കാട്ടൂർ : ലഹരി പടർന്നു പിടിക്കുന്നത് തടയാൻ മുന്നറിയിപ്പൊരുക്കി യുവ കൂട്ടായ്മ .വിദ്യാർഥി കൾക്കിടയിലും യുവാക്കളിലും വർദ്ധിച്ചു വരുന്ന ലഹരി ഉപയോഗം തടയാൻ ഗ്രീൻ കാസിൽ ക്ലബ് ഒരുക്കിയ ജാഗ്രത സദസ്സ് നാടിനെ ലഹരി മുക്തമാക്കാൻ ഒറ്റക്കെട്ടായി രംഗത്തിറങ്ങാൻ തീരുമാനിച്ചു . ജാഗ്രത സദസ്സിന്റെ ഉത്ഘാടനം പെരുവയൽ പഞ്ചായത്ത് പ്രസിഡണ്ട് വൈ വി ശാന്ത നിർവഹിച്ചു ,ഇ ,മുജീബ് റഹ്മാൻ അദ്ധ്യക്ഷത വഹിച്ചു .വാർഡ് മെമ്പർമാരായ ആഷിക് .സഫിയ മാക്കിനിയാട്ട് ,മഹല്ല് പ്രസിഡണ്ട്മരക്കാർ ഹാജി ,എൻ എം കാദർ കുട്ടി ,രാജീവ് സി ,കൃഷ്ണൻ ,നന്ദ കുമാർ ഇ ,സലിം ഇ .എം ,എം പി സഹീർ എന്നിവർ സംസാരിച്ചു .
പ്രദേശത്തെ വിദ്യഭ്യാസ സ്ഥാപനങ്ങൾ ഹോസ്റ്റലുകൾ എന്നിവ കേന്ദ്രീകരിച്ച് നടക്കുന്ന ലഹരി ഇടപാടുകൾ പുതിയ തലമുറയെ ബാധിച്ചതായി പ്രദേശത്തുള്ളവർ നടത്തിയ സർവേയിൽ കണ്ടെത്തിയിരുന്നു വിദ്യാർഥികൾ പതുക്കെ ഇതിന്റെ അടിമകളായി മാറുകയാണ് .വീട്ടുകാർ വൈകിയാണ് വിവരം അറിയുന്നത്.പുതു തലമുറയിൽ ലഹരി ശീലം വ്യാപകമാക്കാൻ പുറത്തു നിന്നും ഇതിന്റെ കണ്ണികൾ കോളേജുകൾ കേന്ദ്രീകരിച്ചു എത്തുന്നുണ്ട്. ഇത്തരക്കാരെ പിടിക്കാൻ ഷേഡോ പോലീസ് രംഗത്തുണ്ടെങ്കിലും പലപ്പോഴും വിളിച്ചപ്പോൾ പ്രതികരണം ആശാവഹമായിരുന്നില്ലെന്നു നാട്ടുകാർ പരാതിപ്പെട്ടു .
Subscribe to:
Post Comments (Atom)
No comments:
Post a Comment