Just in....!!!!!!
Wednesday 20 July 2011
ലഗേജ് നീക്കത്തിന് എളുപ്പവിദ്യയുമായി എന്ജി. വിദ്യാര്ഥികള്
. കുറ്റിക്കാട്ടൂര്; വിമാനത്താവളങ്ങളില് യാത്രക്കാരുടെ ലഗേജ് നീക്കം എളുപ്പമാക്കാന് സ്മാര്ട്ട് കണ്വെയര് സിസ്റ്റവുമായി എന്ജിനീയറിങ് വിദ്യാര്ഥികള്. കുറ്റിക്കാട്ടൂര് എ.ഡബ്ല്യു.എച്ച് എന്ജിനീയറിങ് കോളജിലെ അവസാനവര്ഷ മെക്കാനിക്കല് വിദ്യാര്ഥികളാണ് ലഗേജ് കൈകാര്യം ചെയ്യാന് പുതിയ പ്രോജക്ടുമായി രംഗത്തെത്തിയത്. കമ്പ്യൂട്ടര് സഹായത്തോടെ ഇലക്ട്രോണിക് സര്ക്യൂട്ട് ഘടിപ്പിച്ചുള്ള സാങ്കേതികവിദ്യയാണ് ഇവര് അവതരിപ്പിക്കുന്നത്. വിമാനത്താവളങ്ങളില് ലഗേജ് നീക്കുന്നതിന് ഏറെ സമയമെടുക്കുന്നത് പരിഹരിക്കാന് സംവിധാനം വഴി സാധിക്കുമെന്ന് പ്രോജക്ട് അംഗങ്ങളായ റിഷി ജീവന്, ജോണ് ഫ്രെഡറിക് ഡി കോട്ടോ, റിസ്വാന്, എന്. രാഹുല്, പോള് എസ്. ചിറമല് എന്നിവര് പറഞ്ഞു.
കുറഞ്ഞ പരിപാലന ചെലവ്, കൂടുതല് യാത്രക്കാര്ക്ക് ഒരേസമയം ഉല്യോഗപ്പെടുത്താന് അവസരം തുടങ്ങിയവ ഇതിന്റെ പ്രത്യേകതയാണ്.
പതിനായിരം രൂപക്കു താഴെയാണ് ചെലവ്. വ്യവസായികാടിസ്ഥാനത്തില് നിര്മിക്കാനും പേറ്റന്റ് നേടാനുമാണ് വിദ്യാര്ഥികളുടെ ശ്രമം.
കരിപ്പൂര് എയര്പോര്ട്ടില് സാങ്കേതികവിദ്യ പരിചയപ്പെടുത്താനും ശ്രമിക്കുന്നതായും ഇവര് പറഞ്ഞു. മെക്കാനിക്കല് വിഭാഗം ലെക്ചറര് ഇ.ബി.എം ഷാഫിയുടെ നേതൃത്വത്തിലാണ് പ്രോജക്ട് തയാറാക്കിയത്.
Subscribe to:
Post Comments (Atom)
No comments:
Post a Comment