‘സി.എച്ച്. മുഹമ്മദ് കോയ പ്രതിഭ പുരസ്കാരം’ കെ.പി. കോയ ഏറ്റു വാങ്ങുന്നു

 കുറ്റിക്കാട്ടൂര്‍ :  റിയാദ് കെ.എം.സി.സി കുന്ദമംഗലം നിയോജക മണ്ഡലം കമ്മിറ്റി ഏര്‍പ്പെടുത്തിയ മികച്ച സാമൂഹിക പ്രവര്‍ത്തകനുള്ള ‘സി.എച്ച്. മുഹമ്മദ് കോയ പ്രതിഭ പുരസ്കാരം’ കെ.പി. കോയ ഏറ്റുവാങ്ങി. പാണക്കാട് ഹൈദരലി ശിഹാബ് തങ്ങള്‍ അവാര്‍ഡ് തുകയായ ഒരു ലക്ഷം രൂപയും മെമന്‍േറായും കെ.പി. കോയക്ക് നല്‍കി. അവാര്‍ഡ് തുക കെ.പി കോയയുടെ പിതാവ് ചാലില്‍ പുറായില്‍ ബീരാന്‍ സി.എച്ച് സെന്‍ററിന് വേദിയില്‍ വെച്ച് സംഭാവനയായി നല്‍കി. കേന്ദ്ര വിദേശകാര്യ സഹമന്ത്രി ഇ. അഹമ്മദ് പ്രശസ്തി പത്രം നല്‍കി. സാമൂഹികക്ഷേമ മന്ത്രി ഡോ. എം.കെ. മുനീര്‍ പൊന്നാടയണിയിച്ചു. കെ. അബൂബക്കര്‍ മൗലവി അധ്യക്ഷത വഹിച്ചു. എം.കെ. രാഘവന്‍ എം.പി മുഖ്യപ്രഭാഷണം നടത്തി. തേനുങ്ങല്‍ അഹമ്മദ്കുട്ടി പരിചയപ്പെടുത്തി.
എം.സി. മായിന്‍ഹാജി, ഉമ്മര്‍ പാണ്ടികശാല, വി.എം. ഉമ്മര്‍ മാസ്റ്റര്‍ എം.എല്‍.എ, കെ.സി. അബു, എം.എ. റസാഖ് മാസ്റ്റര്‍, കെ.പി. മുഹമ്മദ്കുട്ടി, യു.സി. രാമന്‍, പി.കെ. ഫിറോസ്, ടി.പി. ചെറൂപ്പ, വി. ബാലകൃഷ്ണന്‍ നായര്‍, എം. ധനീഷ് ലാല്‍, പി.സി. കരിം, ടി.പി. ബാലകൃഷ്ണന്‍ നായര്‍,ടി.പി. സുരേഷ് എന്നിവര്‍ സംസാരിച്ചു. കെ.പി കോയ മറുപടി പ്രസംഗം നടത്തി. കെ. മൂസ മൗലവി സ്വാഗതവും ഹനീഫ മൂര്‍ക്കനാട് നന്ദിയും പറഞ്ഞു.