“All our knowledge has its origins in our perceptions.” വാര്‍ത്തകള്‍ അയക്കുക വാര്‍ത്തകള്‍ നല്‍കാന്‍ ആഗ്രഹിക്കുന്നുണ്ടെങ്കില്‍ മലയാളത്തില്‍ ടൈപ്പ് ചെയ്ത് താഴെ കാണുന്ന ഇ മെയില്‍ വിലാസത്തില്‍ അയക്കുക rahmanktkr@gmail.com Ph:9645006050

Just in....!!!!!!

Latest News

« »

Monday 2 July 2012

പെട്രോളിലും ബാറ്ററിയിലും കുതിച്ചോടുന്ന ഹൈബ്രിഡ് ബൈക്ക്

കുറ്റിക്കാട്ടൂര്‍ : കുതിച്ചുയരുന്ന ഇന്ധനവിലയില്‍ ഇരുചക്രവാഹനങ്ങള്‍ ഉപയോഗിക്കുന്നവര്‍ക്ക് ആശ്വാസമായി ഹൈബ്രിഡ് ബൈക്ക്. കുറ്റിക്കാട്ടൂര്‍ എ.ഡബ്ള്യു.എച്ച് എന്‍ജിനീയറിങ് കോളജിലെ മെക്കാനിക് വിഭാഗം വിദ്യാര്‍ഥികള്‍ വികസിപ്പിച്ചെടുത്തതാണ് പെട്രോളും ബാറ്ററിയുമുപയോഗിച്ച് പ്രവര്‍ത്തിക്കുന്ന ഹൈബ്രിഡ് ബൈക്ക്.
പെട്രോളിലും ബാറ്ററിയിലും പ്രവര്‍ത്തിപ്പിക്കാവുന്ന സാങ്കേതികതയാണ് ഇതില്‍ ഉപയോഗിച്ചിട്ടുള്ളത്. മെക്കാനിക് എന്‍ജിനീയറിങ് അവസാന വര്‍ഷ പ്രോജക്ടിന്‍െറ ഭാഗമായി വിദ്യാര്‍ഥികള്‍ വികസിപ്പിച്ചെടുത്ത ബൈക്ക് ഉപഭോക്താവിന്‍െറ ഇഷ്ടാനുസരണം പെട്രോളിലേക്കോ ബാറ്ററിയിലേക്കോ മാറ്റാവുന്നതാണ്. പഴയ ടി.വി.എസ് ബൈക്കില്‍ ബാറ്ററി,മോട്ടോര്‍,ഗിയര്‍, പുള്ളി,ബെല്‍റ്റ്, കണ്‍ട്രോള്‍ സര്‍ക്യൂട്ട് എന്നിവ ഘടിപ്പിച്ചാണ് ഹൈബ്രിഡ് ബൈക്ക് നിര്‍മിച്ചത്. വാഹനം സാധാരണ രീതിയില്‍ പെട്രോള്‍ ഉപയോഗിച്ച് ഓടിത്തുടങ്ങിയാല്‍ റിലേ സ്വിച്ച് ഓണ്‍ ആക്കിയതിനുശേഷം ഗിയര്‍ ന്യൂട്ടറിലിട്ട് ബാറ്ററി പവറിലേക്ക് ചെയ്ഞ്ച് ചെയ്ത് ഓടിക്കാവുന്നതാണ്. ചെങ്കുത്തായ കയറ്റങ്ങളിലെ വലിവുമാറ്റാന്‍ റിലേ സ്വിച്ച് ഓഫാക്കി പെട്രോളില്‍ ആക്കി ഓടിക്കാം.
സാധാരണ പെട്രോള്‍ വാഹനത്തിന് ലിറ്ററില്‍ 50 കിലോമീറ്റര്‍ കണക്കാക്കുമ്പോള്‍ നിലവിലെ ഇന്ധനവിലയനുസരിച്ച് കിലോമീറ്ററിന് 1.44 രൂപയാകുമ്പോള്‍ ഹൈബ്രിഡ് ബൈക്കില്‍ 90 പൈസ മുതല്‍ 1.10 രൂപ വരെ മാത്രമേ ആകുന്നുള്ളൂ. സി. നിധിന്‍,സൂരജ് ലാല്‍,അജിഷാദ്,ജുനൈദ് ഇക്ബാല്‍,റിജോയ് ബാലകൃഷ്ണന്‍, വിജേഷ് കുടക്കാട് എന്നീ വിദ്യാര്‍ഥികളാണ് ഈ ‘സങ്കര ബൈക്കി’ന്‍െറ നിര്‍മാതാക്കള്‍.

No comments:

Post a Comment

Music

Share

Twitter Delicious Facebook Digg Stumbleupon Favorites More