Just in....!!!!!!
Saturday 12 November 2011
വീട് കുത്തിത്തുറന്ന് നാശനഷ്ടമുണ്ടാക്കിയ ആള് പിടിയില്
കുറ്റിക്കാട്ടൂര്: പൂട്ടിയിട്ട വീട് കുത്തിത്തുറന്ന് അകത്തുകടന്ന് ബ്രൗണ് ഷുഗര് ഉപയോഗിച്ച ശേഷം നാശനഷ്ടങ്ങള് വരുത്തിയ ആളെ പൊലീസ് പിടികൂടി. ഇന്നലെ ഉച്ചയോടെ മെഡിക്കല് കോളജ് ഗ്രൗണ്ടിനടുത്തുവെച്ചാണ് ലഹരിക്കടിമയായ മായനാട് തയ്യില് അബ്ദുല്ല എന്ന ബാവയെ എസ്.ഐ പ്രഭാകരനും സംഘവും പിടികൂടിയത്. മൂന്നു ദിവസമായി അടച്ചിട്ട, മായനാട് നടപ്പാലം ബീരാന്കോയയുടെ വീടിന്െറ പിന്വാതില് പൊളിച്ചാണ് ഇയാള് അകത്തുകയറിയത്. വീട്ടുടമയുടെ പരാതിയെ തുടര്ന്ന്, ലഹരി ഉപയോഗവും വില്പനയും നടത്തുന്ന ഇയാളെ ചോദ്യം ചെയ്തു. പരസ്പരവിരുദ്ധമായി സംസാരിച്ചതോടെ പൊലീസ് അറസ്റ്റ് ചെയ്തു. വീട്ടിനുള്ളില് രക്തം കട്ടപിടിച്ചുകിടക്കുന്നതും സിറിഞ്ച്,ബ്ളേഡ്,കത്തി,രണ്ടു പൊതി ബ്രൗണ്ഷുഗര് എന്നിവയും കണ്ടെത്തി.ടുത്തിട്ടുണ്ട്. പ്രതിയെ ശനിയാഴ്ച കോടതിയില് ഹാജരാക്കും.
Subscribe to:
Post Comments (Atom)
No comments:
Post a Comment