“All our knowledge has its origins in our perceptions.” വാര്‍ത്തകള്‍ അയക്കുക വാര്‍ത്തകള്‍ നല്‍കാന്‍ ആഗ്രഹിക്കുന്നുണ്ടെങ്കില്‍ മലയാളത്തില്‍ ടൈപ്പ് ചെയ്ത് താഴെ കാണുന്ന ഇ മെയില്‍ വിലാസത്തില്‍ അയക്കുക rahmanktkr@gmail.com Ph:9645006050

Just in....!!!!!!

Latest News

« »

Friday, 2 December 2011

എ.ഡബ്ള്യു.എച്ച്: ജീവനക്കാര്‍ സമരം പിന്‍വലിച്ചു

കുറ്റിക്കാട്ടൂര്‍: ഇരു മാനേജ്മെന്‍റുകളുടെ തര്‍ക്കത്തെ തുടര്‍ന്ന് റസീവര്‍ ഭരണത്തിലായ എ.ഡബ്ള്യു.എച്ച് എന്‍ജിനീയറിങ് കോളജ് ജീവനക്കാര്‍ വിവിധ ആവശ്യങ്ങളുന്നയിച്ച് പ്രഖ്യാപിച്ച അനിശ്ചിതകാല സമരം കലക്ടറുടെ ചേംബറില്‍ നടന്ന ചര്‍ച്ചയെ തുടര്‍ന്ന് താല്‍ക്കാലികമായി പിന്‍വലിച്ചതായി സെല്‍ഫ് ഫിനാന്‍സ് കോളജ് ടീച്ചേഴ്സ് ആന്‍ഡ് സ്റ്റാഫ് അസോസിയേഷന്‍ (എസ്.എഫ്.സി.ടി.എസ്.എ) സെക്രട്ടറി കെ.പി. അബ്ദുല്‍ അസീസ് അറിയിച്ചു.ഒത്തുതീര്‍പ്പ് വ്യവസ്ഥ പ്രകാരം ജീവനക്കാരുടെ ശമ്പളവും ആനുകൂല്യങ്ങളും തീരുമാനിക്കാന്‍ റിട്ട ഐ.എ.എസ് ഉദ്യോഗസ്ഥന്‍െറ നേതൃത്വത്തില്‍ 15ദിവസത്തിനകം സംവിധാനമുണ്ടാക്കാന്‍ ധാരണയായതായി അറിയുന്നു.സര്‍വകലാശാല പരീക്ഷ തുടങ്ങിയ സാഹചര്യത്തില്‍ അധ്യാപകരും ജീവനക്കാരും സമരത്തിനിറങ്ങുന്നതില്‍  രക്ഷിതാക്കള്‍ കടുത്ത ആശങ്കയിലായിരുന്നു.
ഓള്‍ ഇന്ത്യ കൗണ്‍സില്‍ ഫോര്‍ ടെക്നിക്കല്‍ എജുക്കേഷന്‍ അംഗീകരിച്ച സേവനവേതന വ്യവസ്ഥകള്‍ റസീവര്‍ നടപ്പില്‍ വരുത്തുക, താല്‍ക്കാലിക ജീവനക്കാരെ സ്ഥിരപ്പെടുത്തുക, പ്രസവാവധിക്ക് ലീവില്‍ പോകുന്നവരെ വീണ്ടും ജോലിയില്‍ പ്രവേശിപ്പിക്കുക തുടങ്ങിയ ആവശ്യങ്ങളുന്നയിച്ചാണ് ജീവനക്കാര്‍ സമരം പ്രഖ്യാപിച്ചിരുന്നത്. കഴിഞ്ഞ സെപ്റ്റംബറില്‍ തുടങ്ങിയ സമരത്തെ തുടര്‍ന്ന് കലക്ടര്‍ നവംബര്‍ 30നകം പരിഹാരം നിര്‍ദേശിക്കാമെന്നറിയിച്ചിരുന്നു. ഇതിന്‍െറയടിസ്ഥാനത്തിലാണ് കഴിഞ്ഞദിവസം കലക്ടര്‍ വിളിച്ചുചേര്‍ത്ത യോഗത്തില്‍ ധാരണയായത്

No comments:

Post a Comment

Music

Share

Twitter Delicious Facebook Digg Stumbleupon Favorites More