പാറ്റയില്‍ മൂസഹാജി യാത്രയുടെ അനന്തമായ നാഴികകള്‍ താണ്ടി മഴയും വെയിലും എറ്റ തായിരുന്നു ഉപ്പയുടെ ജീവിതം .നാല് മക്കള്‍ ദൈവ വിളിക്കുത്തരം തേടി പടിയി റങ്ങിയ പാറ്റയില്‍ വീട്ടില്‍ നിന്നും വെളുത്ത വസ്ത്രം ധരിച്ചു നിത്യ ജീവിതത്തിലേക്ക് ഉപ്പ യാത്രയായത് 2012 മെയ്‌ 18 നാണ് . നീണ്ട കാലം വയനാട്ടിലെ എരുമാട് ഗ്രാമത്തില്‍ പ്രാരപ്തങ്ങള്‍ഇറക്കി വെക്കാന്‍ ജീവിതം എരി ഞ്ഞു തീര്‍ത്ത കര്‍മയോഗി .മാസത്തില്‍ കൃത്യമായ അവധിയില്ലാതെ നാട്ടില എത്തുമ്പോള്‍ വയനാട് ഞങ്ങള്ക്ക് ഒരു വിദൂര ദേശമായി മാറിയിരുന്നു . ഈ നീണ്ട അവധികളില്‍ ഒരു കുട പിടിച്ചു തണല്‍ നല്കി ചേര്‍ത്തു നിര്‍ത്തിയത് ഉമ്മയായിരുന്നു ...ഉപ്പക്ക് മുന്‍പ് വിട പറഞ്ഞ കുഞ്ഞനുജന്‍ ആഗ്രഹങ്ങള്‍ ബാക്കി വെച്ച് പോയപ്പോള്‍ തറവാടിന്റെ വെളിച്ചം കെട്ടത് പോലെ തോന്നിയിരുന്നു .വിശ്രമ ജീവിതത്തിന്‍റെ ആലസ്യങ്ങളില്ലാതെ പ്രാര്‍ഥനയുടെ ലോകത്ത് എപ്പോഴും ഉപ്പ സഞ്ചരിക്കുകയായിരുന്നു ......അങ്ങിനെ ഈവീട്ടില്‍ നിന്നും അഞ്ചാമനായി ഉപ്പ വിട പറഞ്ഞു...സ്വര്ഗത്തിന്റെ നിത്യ വസന്തത്തില്‍ ഒരിടം ഒരുക്കി വെച്ച് മക്കള്‍ നാല് പേര്‍ കാത്തിരിക്കുന്നുണ്ടാവും ...