Thursday 15 December 2011
ബി.പി.എല്‍ അപേക്ഷ പുതിയ മാനദണ്ഡം പ്രഖ്യാപിച്ച ശേഷം -കലക്ടര്‍
കുറ്റിക്കാട്ടൂര്‍ : സംസ്ഥാന സര്‍ക്കാര്‍ ബി.പി.എല്‍ കാര്‍ഡുകള്‍ക്ക് പുതിയ മാനദണ്ഡങ്ങള്‍ പ്രഖ്യാപിച്ച ശേഷമേ കലക്ടറേറ്റില്‍ എ.പി.എല്‍ കാര്‍ഡുകള്‍ ബി.പി.എല്‍ ആക്കാനുള്ള അപേക്ഷകള്‍ സ്വീകരിക്കുകയുള്ളൂവെന്ന് കലക്ടര്‍ ഡോ. പി.ബി. സലീം അറിയിച്ചു. ജില്ലയില്‍ ബി.പി.എല്‍ കാര്‍ഡിന് അര്‍ഹതയുളള നിരവധി പേര്‍ക്ക് എ.പി.എല്‍ കാര്‍ഡുകളാണ് ലഭിച്ചതെന്ന് കലക്ടര്‍ സംസ്ഥാന സര്‍ക്കാറിന് റിപ്പോര്‍ട്ട് നല്‍കിയിരുന്നു.
പക്ഷാഘാതത്തെ തുടര്‍ന്ന് കിടപ്പിലായവരുള്ള കുടുംബങ്ങള്‍, കാന്‍സര്‍, കിഡ്നി സംബന്ധമായ അസുഖമുള്ളവര്‍, മാരകരോഗം ബാധിച്ചവര്‍, പരാശ്രയമില്ലാത്ത വിധവകള്‍, പുറമ്പോക്കില്‍ താമസിക്കുന്നവര്‍, ബുദ്ധിമാന്ദ്യമുള്ളവര്‍ അടങ്ങിയ ദരിദ്രകുടുംബങ്ങള്‍ തുടങ്ങിയവരെ ബി.പി.എല്‍ പട്ടികയില്‍ ഉള്‍പ്പെടുത്തണമെന്ന് റിപ്പോര്‍ട്ടില്‍ വ്യക്തമാക്കിയിരുന്നു. ബി.പി.എല്‍ റേഷന്‍ കാര്‍ഡിനുള്ള മാനദണ്ഡങ്ങള്‍ പരിഷ്കരിക്കുമെന്ന് ഇതിനകം മുഖ്യമന്ത്രി ഉമ്മന്‍ചാണ്ടി വ്യക്തമാക്കിയിട്ടുണ്ട്. എന്നാല്‍, അര്‍ഹതക്കുള്ള ഒരു രേഖയുമില്ലാതെ നൂറുകണക്കിനാളുകള്‍ ബി.പി.എല്‍ കാര്‍ഡിനായി കലക്ടറേറ്റില്‍ അപേക്ഷ നല്‍കുന്നത് ശ്രദ്ധയില്‍പെട്ടിട്ടുണ്ടെന്നും പുതിയ മാനദണ്ഡങ്ങള്‍ പ്രഖ്യാപിച്ച ശേഷമേ അപേക്ഷ നല്‍കേണ്ടതുള്ളൂവെന്നും കലക്ടര്‍ വ്യക്തമാക്കി.
പക്ഷാഘാതത്തെ തുടര്‍ന്ന് കിടപ്പിലായവരുള്ള കുടുംബങ്ങള്‍, കാന്‍സര്‍, കിഡ്നി സംബന്ധമായ അസുഖമുള്ളവര്‍, മാരകരോഗം ബാധിച്ചവര്‍, പരാശ്രയമില്ലാത്ത വിധവകള്‍, പുറമ്പോക്കില്‍ താമസിക്കുന്നവര്‍, ബുദ്ധിമാന്ദ്യമുള്ളവര്‍ അടങ്ങിയ ദരിദ്രകുടുംബങ്ങള്‍ തുടങ്ങിയവരെ ബി.പി.എല്‍ പട്ടികയില്‍ ഉള്‍പ്പെടുത്തണമെന്ന് റിപ്പോര്‍ട്ടില്‍ വ്യക്തമാക്കിയിരുന്നു. ബി.പി.എല്‍ റേഷന്‍ കാര്‍ഡിനുള്ള മാനദണ്ഡങ്ങള്‍ പരിഷ്കരിക്കുമെന്ന് ഇതിനകം മുഖ്യമന്ത്രി ഉമ്മന്‍ചാണ്ടി വ്യക്തമാക്കിയിട്ടുണ്ട്. എന്നാല്‍, അര്‍ഹതക്കുള്ള ഒരു രേഖയുമില്ലാതെ നൂറുകണക്കിനാളുകള്‍ ബി.പി.എല്‍ കാര്‍ഡിനായി കലക്ടറേറ്റില്‍ അപേക്ഷ നല്‍കുന്നത് ശ്രദ്ധയില്‍പെട്ടിട്ടുണ്ടെന്നും പുതിയ മാനദണ്ഡങ്ങള്‍ പ്രഖ്യാപിച്ച ശേഷമേ അപേക്ഷ നല്‍കേണ്ടതുള്ളൂവെന്നും കലക്ടര്‍ വ്യക്തമാക്കി.
Subscribe to:
Post Comments (Atom)
No comments:
Post a Comment