“All our knowledge has its origins in our perceptions.” വാര്‍ത്തകള്‍ അയക്കുക വാര്‍ത്തകള്‍ നല്‍കാന്‍ ആഗ്രഹിക്കുന്നുണ്ടെങ്കില്‍ മലയാളത്തില്‍ ടൈപ്പ് ചെയ്ത് താഴെ കാണുന്ന ഇ മെയില്‍ വിലാസത്തില്‍ അയക്കുക rahmanktkr@gmail.com Ph:9645006050

Just in....!!!!!!

Latest News

« »

Monday, 5 December 2011

സെല്‍ഫ് സ്റ്റാര്‍ട്ടിന്‍െറ റഫീഖ് മാതൃക _മുജീബ് പെരുമണ്ണ

 പെരുമണ്ണ:സുഹൃത്തിന്‍െറ കടയില്‍ പൊളിച്ച് വില്‍ക്കാന്‍ കൂട്ടിയിട്ട വാഹനങ്ങളുടെ യന്ത്രാവശിഷ്ടങ്ങള്‍ക്കിടയില്‍ നിന്നാണ് റഫീഖിന് പഴയൊരു വെസ്പ സ്കൂട്ടറിന്‍െറ സ്റ്റാര്‍ട്ടിങ് മോട്ടോര്‍ കിട്ടിയത് പൊതിഞ്ഞെടുത്ത് കവറിലാക്കി, ജോലിചെയ്യുന്ന കടയിലെത്തിച്ചു. പിന്നെ ആലോചന സെല്‍ഫ് സ്റ്റാര്‍ട്ട് സിസ്റ്റത്തില്‍ പ്രവര്‍ത്തിക്കുന്ന ഓട്ടോകളെക്കുറിച്ചായി. അങ്ങനെയാണ് സ്വന്തം ഓട്ടോയില്‍ തന്നെ പരീക്ഷിച്ചത്.
പെരുമണ്ണ ഇളമനപ്പാടം പൊറമണ്ണില്‍ റഫീഖ് (36) എപ്പോഴും പരീക്ഷണങ്ങളുടെ ലോകത്താണ്. ഒഴിവാക്കുന്ന എന്ത് യന്ത്രഭാഗവും റഫീഖിന്‍െറ കടയിലെത്തിയാല്‍ രൂപം മാറി മറ്റൊന്നാവും. വീട്ടില്‍ ഉപയോഗിക്കുന്ന മിനി ഫ്ളോര്‍മില്‍, കിണറില്‍നിന്ന് വെള്ളമെടുക്കുന്ന എയര്‍പമ്പ്, കുട്ടികള്‍ക്കായുള്ള കൊച്ചു വണ്ടി തുടങ്ങിയവ ഇങ്ങനെ നിര്‍മിച്ചവയാണ്. നേരത്തേ ഓട്ടോയിലും ട്രാക്ടറിലും ഡ്രൈവറായി ജോലിചെയ്ത റഫീഖ് ഇപ്പോള്‍ പുത്തൂര്‍മഠത്തെ ഓട്ടോ മൊബൈല്‍ കടയില്‍ ജീവനക്കാരനാണ്.
അഞ്ച് കിലോവരെ ധാന്യങ്ങള്‍ 15 മിനിറ്റുകൊണ്ട് പൊടിക്കാവുന്ന, വീട്ടിലുപയോഗിക്കുന്ന മിനി ഫ്ളോര്‍മില്‍ മിക്സിയുടെ ഭാഗങ്ങളുപയോഗിച്ച് നിര്‍മിച്ചതാണ്. പഴയൊരു ഫോട്ടോസ്റ്റാറ്റ് മെഷീനിന്‍െറ മോട്ടോര്‍ കിട്ടിയപ്പോഴാണ് കുട്ടികള്‍ക്ക് ഉപയോഗിക്കാവുന്ന വണ്ടിയായി രൂപംമാറിയത്. വൈദ്യുതി ചെലവില്ലാതെ വെള്ളം മുകളിലെത്തിക്കാവുന്ന എയര്‍ പമ്പ് കുഴല്‍ക്കിണറിന്‍െറ മറ്റൊരു മാതൃകയാണ്.
ജീവിത സാഹചര്യങ്ങളുടെ പ്രതികൂലതയില്‍ പുത്തൂര്‍മഠം എ.എം.യു.പി സ്കൂളിന്‍െറ ഏഴാം ക്ളാസിലവസാനിച്ചതാണ് സ്കൂള്‍ ജീവിതം. ജോലിക്കിടയിലെ പ്രായോഗിക പാഠങ്ങള്‍ തന്നെയാണ് റഫീഖിന്‍െറ യോഗ്യത. റസീനയാണ് ഭാര്യ: മക്കള്‍: റാഷിദ്, റിന്‍ഷിദ

No comments:

Post a Comment

Music

Share

Twitter Delicious Facebook Digg Stumbleupon Favorites More