Tuesday 16 October 2012
യുവതിക്ക് മയക്കുമരുന്ന് നല്‍കിയ സംഭവം: ഭര്‍ത്താവിന് വേണ്ടി ഊര്‍ജിത അന്വേഷണം
കുറ്റിക്കാട്ടൂര്‍: കുറ്റിക്കാട്ടൂര്‍ യമാനിയ കാന്‍റീനില്‍
നവവധുവിന് മയക്കുമരുന്ന് നല്കി പണവും ആഭരണവുമായി മുങ്ങിയ ഭര്‍ത്താവ്
ഏറ്റുമാനൂര്‍ പട്ടിത്താനം പൊയില്‍ക്കപ്പുറം ഇബ്നു മുഹമ്മദ് ഹസന് വേണ്ടി
മെഡിക്കല്‍ കോളജ് പൊലീസ് അന്വേഷണം തുടങ്ങി. ആദ്യഭാര്യയിലുള്ള മകളുമായി
സുഹൃത്തിന്‍െറ ഇരുചക്ര വാഹനത്തിലാണ് ഇയാള്‍ കടന്നുകളഞ്ഞത്. രണ്ടുമാസം
മുമ്പാണ് പരേതനായ പാഴൂര്‍ പുലക്കത്തുപുറായി ഇസ്മായിലുകുട്ടിയുടെ മകള്‍
ഹാജിറയെ (26) ഇയാള്‍ വിവാഹം ചെയ്തത്. ഇബ്നുമുഹമ്മദ് ജോലി ചെയ്യുന്ന
കുറ്റിക്കാട്ടൂര്‍ യമാനിയ അറബിക് കോളജ് കാന്‍റീനോട് ചേര്‍ന്നുള്ള
ഒറ്റമുറിയിലാണ് താമസിച്ചിരുന്നത്. രോഗം പിടിപെട്ട ഭാര്യക്ക് മയക്കുമരുന്ന്
നല്കി പുലരുന്നതിന് മുമ്പാണ് ഇയാള്‍ കടന്നുകളഞ്ഞത്. യുവതിയുടെ
ഐഡന്‍റിറ്റി കാര്‍ഡ് ഉപയോഗിച്ച് ഇയാള്‍ മുക്കത്തുനിന്ന് രണ്ട് സിംകാര്‍ഡ്
തരപ്പെടുത്തിയിട്ടുണ്ടത്രെ. ആഭരണമടക്കം മൂന്നര ലക്ഷത്തോളം പണവും
ഐഡന്‍റിറ്റി കാര്‍ഡും യുവതിയുടെ മൊബൈല്‍ ഫോണുമായാണ് ഇയാള്‍ കടന്നത്.
യുവതി ആശുപത്രിയില്‍ ചികിത്സയിലാണ്.
Subscribe to:
Post Comments (Atom)
No comments:
Post a Comment