Just in....!!!!!!
Friday 5 October 2012
വരും തലമുറയ്ക്ക് നദികളെ കാത്തു വെക്കുക ;ഊര്ക്കടവില് ജനകീയ പ്രതിങ്ങ്ഞ്ഞ
ചാലിയാര് തീരത്ത് ഊര്ക്കടവ് റെഗുലേറ്റര് കംബ്രിഡ്്ജിന് സമീപത്തു നടന്ന നദി സംരക്ഷണ റാലി |
ചാലിയാര് പുഴയോരത്ത് ഊര്ക്കടവ് റെഗുലേറ്റര് കംബ്രിഡ്്ജിന് സമീപത്താണ് ആയിരത്തോളം പരിസ്ഥിതി സ്നേഹികള് ഒത്തുചേര്ന്ന് പ്രതിജ്ഞയെടുത്തത്. കേരള നദീസംരക്ഷണ സമിതിയുടെ നേതൃത്വത്തിലുള്ള നദീദിനാചരണത്തിന്െറ ഭാഗമായിരുന്നു പരിപാടി.
സ്കൂള്, കോളജ്, വിദ്യാര്ഥികളടക്കമുള്ളവര് ഊര്ക്കടവ് അങ്ങാടിയില് നിന്നും നദീസംരക്ഷണ മുദ്രാവാക്യമുയര്ത്തി റാലിയായാണ് പുഴയോരത്തെത്തിയത്. പരിസ്ഥിതി പ്രവര്ത്തകന് സി.ആര്. നീലകണ്ഠന് നദീദിന സന്ദേശം നല്കി. തിരുവാതിര ഞാറ്റുവേലയില് പോലും മലയാളികള് കുപ്പിവെള്ളത്തെ ആശ്രയിക്കേണ്ട ഗതികേടിലാണിന്നെന്ന് അദ്ദേഹം പറഞ്ഞു.
പ്രഫ. പി. ആലസന്കുട്ടി നദീദിന പ്രതിജ്ഞ ചൊല്ലികൊടുത്തു. നദികളുടെ സംരക്ഷണ സന്ദേശമുള്ക്കൊള്ളുന്ന റിവര് ഏജ് ഡോക്യുമെന്ററിയുടെ സീഡി പ്രകാശനം പ്രഫ. ടി. ശോഭീന്ദ്രന് മാസ്റ്റര് നിര്വഹിച്ചു.
തുടര്ന്ന് ഊര്ക്കടവ് അങ്ങാടിയിലെ കെ.എ. റഹ്മാന് നഗറില് നടന്ന സെമിനാര് ഉദ്ഘാടനം അഡ്വ. പി.ടി.എ റഹീം എം.എല്.എ നിര്വഹിച്ചു. ഡോ. എസ്. രാമചന്ദ്രന് അധ്യക്ഷത വഹിച്ചു. കാലാവസ്ഥാ വ്യതിയാനവും നദികളും എന്ന വിഷയത്തില് പി. ശ്രീകണ്ഠന് നായര് മുഖ്യപ്രഭാഷണം നടത്തി. മാവൂര് ഗ്രാമപഞ്ചായത്ത് പ്രസിഡന്റ് സി. സുരേഷ്, വാഴക്കാട് ഗ്രാമപഞ്ചായത്ത് പ്രസിഡന്റ് പി. ശാന്ത, പെരുവയല് ഗ്രാമപഞ്ചായത്ത് പ്രസിഡന്റ് പി. അസ്മാബി, വാഴയൂര് ഗ്രാമപഞ്ചായത്ത് പ്രസിഡന്റ് കെ.എം. ഹിബത്തുല്ല, എസ്. ഉണ്ണികൃഷ്ണന്, കെ.ഒ. ആലി, കെ.എ. ശുക്കൂര്, സി.എം. ജോയി, പ്രഫ. ടി. സീതാരാമന്, എം.പി. അബ്ദുല്ല തുടങ്ങിയവര് സംസാരിച്ചു.
Subscribe to:
Post Comments (Atom)
No comments:
Post a Comment