“All our knowledge has its origins in our perceptions.” വാര്‍ത്തകള്‍ അയക്കുക വാര്‍ത്തകള്‍ നല്‍കാന്‍ ആഗ്രഹിക്കുന്നുണ്ടെങ്കില്‍ മലയാളത്തില്‍ ടൈപ്പ് ചെയ്ത് താഴെ കാണുന്ന ഇ മെയില്‍ വിലാസത്തില്‍ അയക്കുക rahmanktkr@gmail.com Ph:9645006050

Just in....!!!!!!

Latest News

« »

Monday, 29 October 2012

സഹപാഠിയെ ഹൃദയത്തോട് ചേര്‍ത്ത് ഇവര്‍

കുറ്റിക്കാട്ടൂര്‍: തങ്ങളുടെ ബെഞ്ചിലിരിക്കുന്ന കുട്ടിക്ക് ഹൃദ്രോഗം പിടിപെട്ട് ഓപറേഷന്‍ വേണ്ടിവന്നപ്പോള്‍ വിദ്യാര്‍ഥികള്‍ ഒരുമെയ്യായി ഉണര്‍ന്നു. സെന്‍റ് സേവിയേഴ്സ് യു.പി സ്കൂളിലെ കുട്ടികളാണ് നാട്ടുകാരില്‍നിന്നും സ്വന്തം വീടുകളില്‍നിന്നും പണം സ്വരൂപിച്ച് അഞ്ചാം തരത്തിലെ അനാമിക എന്ന പാവപ്പെട്ട വിദ്യാര്‍ഥിനിക്ക് കാരുണ്യത്തിന്‍െറ സഹായഹസ്തവുമായി മാതൃകയായത്. 1,16,532 രൂപയാണ് ഇങ്ങനെ പിരിച്ചെടുത്തത്. പൂവാട്ടുപറമ്പ് മുണ്ടക്കല്‍ വിരിപ്പില്‍ വാടകവീട്ടില്‍ താമസിക്കുന്ന സുനില്‍കുമാര്‍-സ്മിത ദമ്പതികളുടെ മൂത്ത മകള്‍ക്കാണ് ഗുരുതരമായ രോഗം പിടിപെട്ടത്. ഇപ്പോള്‍ ഓപറേഷന് വിധേയമായി വീട്ടില്‍ വിശ്രമത്തിലാണ് വിദ്യാര്‍ഥിനി.
സ്കൂള്‍ അസംബ്ളിയില്‍ നടന്ന ചടങ്ങില്‍ പെരുവയല്‍ ഗ്രാമപഞ്ചായത്ത് വൈസ് പ്രസിഡന്‍റ് സി.എം. സദാശിവന്‍ സംഖ്യ കുടുംബത്തിന് കൈമാറി. പി.ടി.എ പ്രസിഡന്‍റ് ഇ. ദേവദാസ് അധ്യക്ഷത വഹിച്ചു. മാനേജര്‍ പോള്‍ പഴസി ഡിസില്‍വ സംസാരിച്ചു. കൂടുതല്‍ സംഖ്യ പിരിച്ച ഏഴു വിദ്യാര്‍ഥികള്‍ക്ക് പ്രോത്സാഹന സമ്മാനം നടത്തി. പ്രധാനാധ്യാപിക സിസ്റ്റര്‍ ഷോജി സ്വാഗതവുംസി. അബ്ദു മാസ്റ്റര്‍ നന്ദിയും പറഞ്ഞു.

No comments:

Post a Comment

Music

Share

Twitter Delicious Facebook Digg Stumbleupon Favorites More