“All our knowledge has its origins in our perceptions.” വാര്‍ത്തകള്‍ അയക്കുക വാര്‍ത്തകള്‍ നല്‍കാന്‍ ആഗ്രഹിക്കുന്നുണ്ടെങ്കില്‍ മലയാളത്തില്‍ ടൈപ്പ് ചെയ്ത് താഴെ കാണുന്ന ഇ മെയില്‍ വിലാസത്തില്‍ അയക്കുക rahmanktkr@gmail.com Ph:9645006050

Just in....!!!!!!

Latest News

« »

Saturday, 6 October 2012

കുന്ദമംഗലത്ത് തണല്‍മരങ്ങള്‍ കൂട്ടത്തോടെ മുറിക്കുന്നു

 കുറ്റിക്കാട്ടൂര്‍: കുന്ദമംഗലം ബ്ളോക് പഞ്ചായത്തിന്‍െറ അധീനതയിലുള്ള 32 തണല്‍ മരങ്ങള്‍ ഒറ്റയടിക്ക് മുറിച്ചുനീക്കുന്നു. എന്നോ നിര്‍മിക്കാനിരിക്കുന്ന മിനി സിവില്‍ സ്റ്റേഷന്‍െറ പേരിലാണ് മരങ്ങളെല്ലാം മുറിച്ചുനീക്കാനുള്ള ബ്ളോക് പഞ്ചായത്തിന്‍െറ വിചിത്ര തീരുമാനം. എട്ടെണ്ണം ഇതിനകം മുറിച്ചുകഴിഞ്ഞു.
കുന്ദമംഗലം ടൗണില്‍ അല്‍പമെങ്കിലും പച്ചപ്പ് അവശേഷിക്കുന്നത് ബ്ളോക് പഞ്ചായത്ത് സ്ഥലത്താണ്. 1.38 ഏക്കറില്‍ വ്യാപിച്ചുകിടക്കുന്ന മരങ്ങളാണ് കോടതി, പൊലീസ് സ്റ്റേഷന്‍ പരിസരത്തും ബസ്സ്റ്റാന്‍ഡ് പരിസരത്തുമെല്ലാം തണല്‍ നല്‍കുന്നത്. ഇവയെല്ലാമാണ് മിനി സിവില്‍ സ്റ്റേഷന്‍ എന്ന ‘കാരണം’ കണ്ടെത്തി മുറിച്ചുമാറ്റാന്‍ തീരുമാനിച്ചത്. കുന്ദമംഗലത്ത് സിവില്‍ സ്റ്റേഷന്‍ സ്ഥാപിക്കാന്‍ ഇതുവരെ ഭരണാനുമതി ആയിട്ടില്ല.
മാത്രവുമല്ല, ഇതിനായി നിര്‍ദേശിക്കപ്പെട്ട ഓഫിസ് വളപ്പിലെ ഓടിട്ട കെട്ടിടം നില്‍ക്കുന്ന സ്ഥലത്ത് പരമാവധി പത്ത് മരങ്ങള്‍ മുറിച്ചാല്‍ തന്നെ നിര്‍മാണത്തിന് തടസ്സമൊന്നുമുണ്ടാവില്ല എന്നിരിക്കെയാണ് 32 മരങ്ങള്‍ ഒറ്റയടിക്ക് മുറിച്ചുനീക്കുന്നത്. 1.12 ലക്ഷം രൂപക്കാണിത് കല്ലായി സ്വദേശി ലേലത്തില്‍ എടുത്തത്. സിവില്‍ സ്റ്റേഷന് സര്‍ക്കാര്‍ അനുമതി ലഭിക്കുമെന്ന പ്രതീക്ഷയിലാണ് ഭരണസമിതി മരംമുറിക്കാന്‍ തീരുമാനമെടുത്തതെന്നും ഇതിന് വനംവകുപ്പിന്‍െറ അനുമതി ലഭിച്ചിട്ടുണ്ടെന്നുമാണ് ബ്ളോക് പഞ്ചായത്ത് സെക്രട്ടറി ഇതേക്കുറിച്ച് പ്രതികരിച്ചത്. മരങ്ങള്‍ കെട്ടിടത്തിന് ഭീഷണിയാണെന്നും ഇവ മുറിച്ചത് സുതാര്യമായിട്ടാണെന്നും ബ്ളോക് പഞ്ചായത്ത് പ്രസിഡന്‍റ് വി. ബാലകൃഷ്ണന്‍ നായര്‍ പറഞ്ഞു.

No comments:

Post a Comment

Music

Share

Twitter Delicious Facebook Digg Stumbleupon Favorites More